Zona 1:5 - ꞌRe Ihâimana Uꞌâsi Mono Zadawa Wasuꞌu

⁵ Uba're sari'wa norĩ hã ma tô tipahi pese za'ra. Ma tô duré sadari za'ra hâiba mono bâ, ãma 're iwata za'ra mono norĩ ma, ihâiba'õ norĩ ma, te te pawaptob za'ra da. Uba're hã wapu na wara da hã, ma tô ro te te sãmra za'ra âi ba, siré te te i'wasari hã. Taha wana ré, ma tô Zona hã si'ra uba're 'ri 're wa'wa hâiba amoi u hã pi'reba. Tame ma tô nomro. Aptâ'â uptabi wa, ma tô aré nhotõ pe.

Zona 1:5 ပူးပေါင်းရင်းမြစ်များ

Zona 1:14

Tahawa, te oto mreme zu, mreme 'rãihâ na ãne: — Uburé Danhib'apito, wahâ za'ra tõ, wasi'utõrĩ da hã, ãhã aibâ hâimanazé, wa te wasiwi i'uprosizém na hã. A hã Uburé Danhib'apito te ãne hã i'manha. Duré marĩ iwatobro hã asima iwẽzéb zarina hã.

Zona 1:16

Ãne hã te te 'madâ'â za'ra wamhã, ma tipahi pese za'ra, 'Re ihâimana u'âsi mono ma. Tahawa, ma tô tinhimizama hã misi tãma zata za'ra, tinhoprub za'ra zé hã. Te duré ropisudu hã sina tãma 'manharĩ za'ra.

Zona 1:6

Tawamhã uba're 're, da'madâ'â'wa hã ma tô tame sõpẽtẽ, sõtõ ré. Tahawa, te ãne tãma tinha: — E niha te a hã aiprédu ma asõ. Ai'utu, rowaptẽrẽ da, ate ihâiba'õ ãma 're i'aiwata mono wi, te te aipawaptob da. Ãté ta hã te za wa'ãma tipẽ'ẽzé za'ra, wasi'utõrĩ tõ da.

Mateu 25:5

Taha wamhã aibâ zô te tirowaptâ'â hâ, za pi'õ na imro zô hã. Tawamhã sô rowaptâ'â wa, ma tô aptâ hã simro. Tahawa, ma tô nasi titomhâima'ã za'ra. Duré tahawa, te oto tinhotõ za'ra, iwana.

Mateu 26:43

Timama ma mreme pari, te duré apâ mo, Pedru norĩ u. Sõtõ za'ra ré, ma duré tawamhã siza za'ra. Aptâ'â si te huri u'âsi, sõpré waihu'u ãna.

Mateu 26:45

Tawamhã apâ te duré mo, Pedru norĩ u. Ãne te duré tãma nharĩ za'ra: — E niha bâ te zahadu asõtõ za'ra wa'wa bété. Ma'ãpé, waihu'u za'ra wa'aba. Romhuture di oto bâdâ hã, ti'ai ãma Dasiré Ipodo hã te za aibâ hã tãma hâiba nhomri za'ra oto, aibâ iwasété norĩ ma.

Zezusihi zadawa wasuꞌuꞌwa norĩ nhimiromhuri na robꞌuiꞌéré 27:38

Tawamhã wasaihuri pari, uburé amnho trigu hã uba'reneb 're isimi'wara hã ma tô oto siwi sa'wa âi ba, uba'rene hã wapu na waré wara za'ra da oto.

Zuize 16:19

Tawamhã Dalila, Sãsã ipa sõtõ da hã, ma tô 'rãihi. Tahawa, sõtõ ré, ma tô aibâ zô hã hâ. Tawamhã ta hã ma tô 7 na Sãsãhã zéré para siro hã tiwi sihâ. Tahawa Dalila, ma tô oto niha hã nasi tãma rob'manha, tinhiptetezé hã te te oto tãma simini wẽ te.

1 Samuéu 24:3

Tawamhã Sau, ma tô oto wi ẽtẽ zahâpâ ab're 'rata, pone'ẽrebâ 'wawi wa'ra u hã bâdâdi 'ratamhã. Tawamhã tame tisai 'rada te te sa'wari da hã ma tô ãzé. Tahawa, te Dawi norĩ hã tô tame ab're 're tihâimana za'ra, ab're wa'wa u pese.