Zona 1:3 - ꞌRe Ihâimana Uꞌâsi Mono Zadawa Wasuꞌu

³ Tawamhã Zona hã ma tô oto sima rob'ubumro, morĩ da aré. Tane nherẽ, Uburé Danhib'apito te te tãma irob'ruzéb upana, ma tô aimawi Zope na 'ri wa'õtõ nhisi u si mo. Tame ma tô uba're isa'ẽne hã sõpẽtẽ, Espãnha na romnhisi u iwara da hã. Ma tô sima wa'â, ãma imorĩzéb da. Taha pari ma tô oto ãzé uba're wa dame, isari'wa norĩ me, Espãnha u morĩ da, Uburé Danhib'apito nhiti hâimana da, romhâ na.

Zona 1:3 ပူးပေါင်းရင်းမြစ်များ

Zenezi 3:8

Tawamhã taha bâtâ na hâiwahâ pesere rowa'u atãma na te te rowapõrĩ ré, aibâ norĩ timro me, ma tô Uburé Danhib'apito 'Re ihâimana u'âsi mono, rob're wa'waibaba 're imorĩ parahâ'ra hã wapari zahuré. Tahawa rowede norĩ wede wa'wa ma tô tiwi aima'uri zahuré.

Zenezi 4:16

Tawamhã Caĩ, Uburé Danhib'apito 're ihâimana mono zém hawimhã ma tô watobro. Tahawa, ma tô mo, Nodi na romnhisi ãma 're hâimana mono da oto, Édẽ bâtâ pusizém niwĩ 're ihâimana mono ãma.

Esdra 3:7

Tawamhã a'uwẽ norĩ, ẽtẽ po'o hâ su'u nomri na romhuri'wa norĩ ma hã, duré wedepo'o na romhuri'wa norĩ ma hã ma tô rob'uiprazé hã tãma sõmri za'ra. Ma tô duré Sidõ ãma ma, Tiru ãma ma a'uwẽ norĩ ma, dasa norĩ hã, marĩ wa'u norĩ te te 're i'âhuri mono da hã, duré azeitona wa'u to hã tãma sõmri za'ra. Ta norĩ na ma tô wede nhinhihã na ãma saprĩ za'ra, âporé na hã Libanu na darom nhisi hawi, Zope u hã. Ãne ma tô Persia nhib'apito Ciru te te irowairébézéb zarina siwi 'manha.

Zona 1:10

Taha pari, te Zona hã duré tãma siwasu'u za'ra: — Uburé Danhib'apito wi, wa tô aimani. Tahawa uba're sari'wa norĩ hã ma tô tipahi pese za'ra oto. Ãne te tãma nharĩ za'ra: — E marĩ ma tô bété i'manha!

Zona 4:2

Ãne te mre: — Ĩnhib'apito 'Re ihâimana u'âsi mono, e ãne hã te nharĩ õre bâ, ĩnhipti'ai hawi we ĩwatobro wana ré hã, tô ãne na i'manharĩzém na hã. Taha zarina, wa tô ĩsima rowairébé, Espãnha u si ĩmorĩ da, aiwi ĩsimani da. Ĩma waihu'u pese di, a hã 'Re ihâimana u'âsi mono asimizawi pese na hã, duré da'ãma i'aipẽ'ẽzé pese na hã. Duré ĩma waihu'u pese di, da'ãma i'aiwa'a su'u õ na hã, duré iwẽ na si dama 're i'ab'manharĩ u'âsi mono na hã. Te duré 're asi'madâ'â u'âsi mo, asimirosa'rata na ãma 're isaprĩ mono na, taha zarina, 're dahâ za'ra mono tõ da.

Luca 9:62

Tahawa, ma tô tãma ãma romnhimiré'é Zezusi hã, ãne: — Ãté ni'wa hã te za romhuri na sãna'rata, ti'a te te hâibâdâ da. Siwa'rãmi te te nasi 'madâ'â wamhã, tinhib'apito ma, romhuri'wa da hã mare di. Tane duré, 'Re ihâimana u'âsi mono, da'ãma 're isib'a'uwẽ mono zém na romhuri'wa da hã mare di, misi, da te 're pisutu za'ra mono õ wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 15:38

Tane nherẽ, Paulu hã ma tô wẽ'õ, isiré morĩ zahuré tõ da, iwana wamhã, Zeruzalẽ u Pãfilia hawi apâ morĩ siromo da, te te rẽme zahuré wa, Zuwã Marcu hã. Timorĩ hã te te ime 'rãsutu zahuré õ wa, ma tô siwi wẽ'õ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 26:19

— Apito Agripa, tahawa, ĩnhotõ 'rowim ne, hâiwa hawi te i'madâ hã te rẽme õ di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:36

Tawamhã pi'õ hã Zezusihi nhirã zarina 're imorĩ hã te 're hâimana, Zopi na 'ri nho'õmo nhisi ãma. Tabita na pi'õ nhisi hã. Gregu norĩ nhiminhisizém na Docasi na isisi amo hã. Isibrob'õ norĩ ãma te 're siwãrĩ u'âsi, Docasi hã. Marĩ iwẽ si te te dama 're ab'manharĩ u'âsi.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:38

Tawamhã Pedru hã Rida ãma zahadu ihâimana na ma tô iwasu'u hã wapari za'ra, Zezusihi nhirã zarina 're inomro mono norĩ hã. Rida u hã, romhuture di, Zopi hawimhã. Tahawa, iwasu'u te te wapari za'ra wamhã, ma tô aibâ norĩ hã 'mazatõrĩ zahuré ni sô, te te tãma dazadawa wasu'u za'ra da, ãne: — Ma'ãpé, we aimorĩ su'u watẽme, asô rowaptâ'â ãna!

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:42

Tawamhã 'ri pâ ma tô pi'õi wasu'u hã te te ropé, Zopi ãma hã. Iwasu'u da te wapari za'ra wamhã, da'ahâ na ma tô saze za'ra ni, Wanhib'apito hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:43

Tawamhã Pedru hã bâtâ ahâ na ma tô tame tihâiba a'â, Zopi ãma. Sima na romhâ su'u'wa nhisi nhorõwa ãma te nhamra.

1 Corĩtu 9:16

'Re ĩsi'madâ'â zei waihu'u mono õ di, te dama 're iwasu'u mono zém na iwasu'uwẽ hã. Tô ĩnhimiromhuri wa, wa te te dama 're wasu'u, 'Re ihâimana u'âsi mono nhimipisutuzéb zarina. Iwasu'uwẽ hã te dama 're wasu'u mono õ 'wa'âhã, aré ĩma 're ropipa uptabi mono di.

2 Tesalonita 1:9

Ta norĩ hã te za sisiti satõrĩ za'ra, isiti 're si'ubumroi u'âsi mono da, rowẽ'õ u'âsi ãma. Taha na te za te te 're robzépata u'âsi za'ra. Tawamhã Wanhib'apito nhiti 're dahâimana za'ra mono wamhã, tiwaihu'u pese na marĩ hã rowẽ uptabi na, te te 're da'apawapto mono õ di za. Taha ré 're dahâimana za'ra mono õ di za. Ãne, sena na te za dama arowairébé.