Zenezi 9:6 - ꞌRe Ihâimana Uꞌâsi Mono Zadawa Wasuꞌu

⁶ Ĩsine 're dahâimana za'ra mono da, wa tô a'uwẽ hã te apoto. Tahawa, ni'wa te te da'maiwĩrĩ wamhã, te za duré wĩrĩ ni za, aiwab da.

Zenezi 9:6 ပူးပေါင်းရင်းမြစ်များ

Zenezi 4:14

à bâtâ na te za ã hã ti'ai hawi ĩzatõ. Tahawa wa za ai'ubu wi hã 're ĩsima'uri u'âsi. Duré siwa'ru wa za daro mono bâ 're mo, hâiwi si. Tawamhã duré siwa'ru da te dasiwi 're ĩnhopẽtẽ mono wamhã, te za dasima da te 're wẽ za'ra, da te dasiwi ĩwĩrĩ da hã.

Zenezi 42:22

Tawamhã Rubẽ ma te tino norĩ hã ãma sada'âbâ za'ra ãne: — Wa tô aré aima nharĩ za'ra wa'wa, wanoi ma, marĩ iwasédé tãma 'manharĩ za'ra wa'aba tõ da hã. Tane nherẽ, asiwi ĩwapari aba õ di. Tahawa iwapru sisa'warizé wa'rãmimhã, wa oto ãhã na hã wasiwi wa'âbâ ni.

Zenezi 5:1

à hã rob'ui'éré, Adãhã nhihudu norĩ za'ratazém na. 'Re ihâimana u'âsi mono, a'uwẽ te te apoto mono wamhã, ma tô tisine da hã ab'manha.

Salmu 51:4

Aiwi wa tô ĩwasédé hã 'manha, tô aiwi si. Aima iwẽ'õ hã wa tô 'manha. Tahawa, tô ibâre ma tô niha hã ĩ'ãma iwaihu, taha zarina niha na ĩma irob'manharĩ da hã.

Ezodu 20:13

— 'Re danhimroi wa'aba mono tõ.

Provébiu 28:17

Dapãrĩ'wa hã sa'ẽtẽ te za sisada te te 're ab're za'ra. Ni'wa te te tiwi sawi za'ra ãna, ãne na hã te te 'manharĩ tõ da.

Mateu 26:52

Tawamhã Zezusi te tãma tinha, i'u'a'wai ma, ãne: — Ma'ãpé, sib'ézé 'wapa hã apâ sẽrẽ. Ni'wam norĩ hã sib'ézé 'wapa na te te 're danhimroi mono wamhã, asa te za sib'ézé 'wapa na hã da te 're simro, tô te te ãma 're idanhimroi mono zéb zarina.

Roma 13:4

Ta norĩ hã te 'Re ihâimana u'âsi mono zadawa para, te te 're romhuri za'ra, iwẽ na si te te 're aipawaptob za'ra wa'aba mono da, taha zarina, rowẽ na 're asimroi wa'aba mono da. Tane nherẽ, marĩ iwasété si 're 'manharĩ u'âsi za'ra wa'aba mono wamhã, te za tô tãma 're aipahi za'ra wa'aba mo. E marĩ wa. Dama ipire norĩ hã tô sena siptete uptabi wa, te te 're idahâ za'ra mono zéb da hã. 'Re ihâimana u'âsi mono zadawa para, te isimipari'õ norĩ hã te te 're hâ za'ra.

1 Corĩtu 11:7

Tane nherẽ, isazei'wa norĩ, siré 're si'rã'õtõ mono ré, aibâ norĩ hã 'rã ubu ré, dasiré 're hâimana za'ra mono õ di za. E marĩ wa. 'Re ihâimana u'âsi mono ne, 're hâimana za'ra mono wa, ta norĩ hã. Tane nherẽ, pi'õ norĩ hã aibâ norĩ zapari 're ihâimana za'ra mono zé hã, pi'õi ma, aibâ ipirezé, te wasu'u.

Tiagu 3:9

Wanhoto na wa za uburé Danhib'apito uptabi ãma 're wawata za'ra, duré Wamama ãma hã. Wa za duré wa te da'ãma 're wasété za'ra, wanhoto ihâiba amo na, 'Re ihâimana u'âsi mono hã te te 're wa'apoto mono nherẽ, isine 're wanomro mono da.

Apocalipsi 13:10

Ni'wa hã isazei'wai wamhã, dazazéb 're da te 're séme mono da, 'Re ihâimana u'âsi mono te te dawi 're sawi za'ra mono õ wamhã, te za tô da te 're sé. Duré sib'ézé 'wapa na da te 're simroi mono da, 'Re ihâimana u'âsi mono te te dawi 're sawi za'ra mono õ wamhã, te za tô da te 're simro. Ãne da nherẽ, te za sipizari ãna ãma 're nomro, 'Re ihâimana u'âsi mono ãma.

Zuize 9:56

Ãne Abimelequi, tisisãnawã 70 na ihâiba za'ra te te i'uprosizém na timama ma, te te irob'manharĩ wasété wa'rãmimhã, ma tô oto 'Re ihâimana u'âsi mono, niha na hã tãma rob'manha.

1 Samuéu 15:33

Tawamhã te Samuéu hã tãma tinha ãne: — Asi'wa hã dana norĩ 'ra ãna 're hâimana za'ra mono da, te te tãma 're i'manharĩ za'ra mono ne, te za ãhã na hã ana zama oto 'ra ãna tihâiba. Taha pari, ma tô oto Samuéu hã ãma aiwã õne haré, Gilga ãma, danhoprubzéb da, ẽtẽ za'ra nho're.