Zenezi 9:20 - ꞌRe Ihâimana Uꞌâsi Mono Zadawa Wasuꞌu

²⁰ Tawamhã Nowé rob're na romhuri'wa na te 're hâimana. Ta hã ma tô imorĩ'rata uptabi na uwa dama a're na'rata.

Zenezi 9:20 ပူးပေါင်းရင်းမြစ်များ

Zenezi 3:23

Tahawa, Uburé Danhib'apito 'Re ihâimana u'âsi mono, ma tô Édẽ na rob're nhisi hawimhã tãma rob'ru, ti'a na te te ihâiba 'manharĩzém na si te te sima 're rob're mono da oto.

Zenezi 4:2

Tahawa, nimahã na ma tô duré i'ra hâiba amo hã tãma podo, isisi hã Abéu na, Caĩhĩ sisãnawã hã. Abéu te pone'ẽrebâ 'madâ'â'wa na 're hâimana. Caĩ hã te rob're na si te te 're romhuri.

Zenezi 5:29

Tawamhã te ãne tinha: — Uburé Danhib'apito ti'ai ma, ma tô niha hã pisutu, wasété u'âsi 're sa'wari mono da. Tahawa wanhimiromhuri te pire na wama 're hâimana za'ra. Ãhã nherẽ, ã hã 'watébrémi si te za tihâiba na 're iwawa'utu za'ra mono zéb da hã sina wama wazere za'ra. Tawamhã Rameti, ti'ra hã ma tô sisi, Nowé na.

Zenezi 9:19

à norĩ si'ubdatõ hã Nowéhé 'ra norĩ. Tawamhã taha nhihudu norĩ hã ma tô uburé ti'ai mono bâ te te ropé.

Zenezi 9:21

Tawamhã nimahã bâtâ na uwa'ru 'rãi wa'u isé na ma tô ãma si'rãiwamna. Tahawa ai'uréiwi, romhâ 'manharĩ na tinhorõwa 'remhã ma tô nomro.

Provébiu 10:11

Sena na 're ihâimana za'ra mono norĩ mreme hã, rowẽ na 're idahâimana za'ra mono zém na'rata da hã te tô dama 're hâimana. Tane nherẽ, iwasété norĩ te te 're idawamnarĩ za'ra mono da hã te timreme zô simrami pese na hã 're hâimana za'ra.

Provébiu 12:11

Ni'wa hã tiburu na te te 're romhuri pese mono wamhã, te za sa 're romnhimi'wara, sa'ẽtẽ na isazéb da hã. Tane nherẽ, ni'wa marĩ iwapure zô si 're irĩtĩ mono na taré bâdâ te te sina 're uprosi mono wamhã, ta hã isimiza'rese'õ.

Provébiu 24:30

Wa hã, aibâ iwa'a isimiza'rese'õ buru wa'waibaba hã wa tô ro'razâ, duré uwa 'ru na ite buru wa'waibaba na zama.

1 Corĩtu 9:7

Da'wapéi'wa norĩ hã bété. E tinhib'apito ma, te te 're romhuri za'ra mono ré, te za si'uihâ na 're siwa'âbâ za'ra, tihâimanazéb da hã. Mare di. Si'uihâ na 're siwa'âbâ za'ra mono õ di za. Duré uwa 'ru na romhuri'wa norĩ hã te te 're 're za'ra mono pari, uwa 'ru 'rã hã oto 're 'rãi prédub za'ra mono wamhã, e misi si te te sima 're suhâri za'ra mono õ di za bété, te te 're huri mono da hã. Te za tô misi si te te sima 're suhâri za'ra, romhuri'wa norĩ hã. Duré dama pone'ẽrebâ 'madâ'â'wa norĩ hã, e a'ubuni wi te te 're 'madâ'â za'ra mono ré, ihâiwa'u hã te te 're âhuri mono õ di za bété. Te za tô te te sima 're hâiwa'u za'ra, te te 're âhuri mono da hã.