Zenezi 8:6 - ꞌRe Ihâimana Uꞌâsi Mono Zadawa Wasuꞌu

⁶ Tawamhã bâdâ 40 na isi'utõrĩ ãma, ma tô Nowé romhâimana wana ré, uba're na zanela 'ri zadazâri te te i'manharĩ hã 'ridawa.

Zenezi 8:6 ပူးပေါင်းရင်းမြစ်များ

Zenezi 6:16

Tawamhã te za duré uba're upsibizé hã i'manha. Tahawa, duré sa'o hâ prã na te za ipibuzé aiwa ãma isipo'o na i'upsibizé hã i'atété mo. Si'ubdatõ na 'ri ne 'manharĩ 'rãihâ pibuzé hã te za duré i'manha. Tawamhã te za duré nimame isadarata ãma 'ridawa nho'u i'manha.

Zenezi 8:5

Tawamhã 10 na a'amo za'rata tẽme ma tô â nhi'réi u'âsi mono, apâ ti'ai u hã. Tawamhã 10 na a'amo za'rata te, bâdâ imorĩ'rata ãma ma tô ẽtẽ 'wasudu hã te te oto urĩrĩ.

Zenezi 8:7

Tahawa, sitoro corvo na isisi hã ma tô time. Ta hã â, ti'a te te i'urĩrĩ zô te te sapari sina ma tô 're wara, te te 're sa'oto mono sina.

Daniéu 6:10

Tawamhã apito tinhimirotizém na isisi hâtâzém na te te waihu'u wamhã, ma tô tinhorõwa u apâ hã mo. Hâimo ãma 'ri 're wa'õno ihâimana ãma te nhamra, zanela 'ri zadazâri norĩ Zeruzalẽ nho'õmoi baba ihâimana za'ra ãma. Tawamhã Daniéu ma tô 'ri zadazâri hã sima 'ridawa za'ra. Taha pari ma tô hi'rãtitõ nhamra. Ma tô duré tite 'Re ihâimana u'âsi mono ma hã mre, awẽ sidâpâsi si'ubdatõ na ãma isahu na tãma 're imreme u'âsi mono ne.