Zenezi 8:19 - ꞌRe Ihâimana Uꞌâsi Mono Zadawa Wasuꞌu

¹⁹ Tawamhã duré uburé abaze norĩ hã si norĩ me ma tô imono bâ nasi wairé, isiré za'ra.

Zenezi 8:19 ပူးပေါင်းရင်းမြစ်များ

Zenezi 1:21

Ãne ma tô 'Re ihâimana u'âsi mono, â 'rowi 're inomro mono da hã te te apoto, hâiba ré isa'ẽtẽ norĩ hã, uburé sipu'u pese na hâiba ré â 'rowi ahâ uptabi na 're inomro mono da hã. Duré uburé si norĩ zama ma tô ipoto mono bâ te te apoto. Tahawa 'Re ihâimana u'âsi mono, tinhimipodo ma tô iwẽ na hã ab'madâ'â ze.

Zenezi 1:24

Tawamhã te duré tinha ãne: — Ti'ai 'remhã te za oto abaze norĩ, da te 're itébré za'ra mono hã, duré rom na 're ihâimana za'ra mono hã, duré di'i na 're inomro mono hã sina 're hâ'â, ipoto mono bâ. Tahawa ãne ma tô tiromhâiba.

Zenezi 8:18

Tawamhã Nowé norĩ, timro me, ti'ra norĩ siré, duré tisani'aba norĩ siré hã ma tô uba're hawimhã oto tipusi zahuré.

Zenezi 8:20

Tawamhã Nowé, ẽtẽ za'ra hã ma tô 'manha, Uburé Danhib'apito ma, ãma tãma isõprubzé te te ãma zata da. Taha pari, si norĩ abaze norĩ me, 'Re ihâimana u'âsi mono ma, iwẽ hã ma tô nima norĩ si 'mai'âri za'ra. Tawamhã ta norĩ hã ma tô ẽtẽ za'ra nhisiwimhã tãma zata za'ra.

Zenezi 9:10

duré uburé abaze norĩ uba're hawi asiré iwairébé norĩ ma hã, si norĩ ma hã, abaze da te 're itébré za'ra mono norĩ ma hã, duré rom na 're ihâimana za'ra mono norĩ ma hã, tô uburé pese ti'ai ãma hâiba ré 're ihâimana za'ra mono norĩ ma hã.