Zenezi 8:16 - ꞌRe Ihâimana Uꞌâsi Mono Zadawa Wasuꞌu

¹⁶ — Ma'ãpé, aimro me, ai'ra norĩ me, duré asani'aba norĩ me uba're hawimhã oto aiwairébé aba.

Zenezi 8:16 ပူးပေါင်းရင်းမြစ်များ

Zenezi 7:1

Tawamhã Uburé Danhib'apito te Nowéhé ma tinha ãne: — Te za oto uba're wa aimro me, ai'ra si'aibâ norĩ me duré asani aba norĩ me uburé asisisi 'wa. E marĩ wa. Aiwétési te i'uwaibaba na si 're aimo, ti'ai ãma asiré 're ihâimana za'ra mono norĩ upana.

Zenezi 7:13

Tawamhã tô taha bâtâ na Nowé norĩ, timro me hã ma tô ti'ra Sẽ norĩ siré, Cãhã siré, Zaféhé siré, duré ta norĩ mro za'ra siré uba're 'remhã tizasi zahuré.

Zenezi 7:7

Tahawa, i'â pusi mono wi sisõ'reptu da ma tô ti'ra norĩ siré hã, timro siré, duré tisani'aba norĩ siré uba're 'remhã ãzé.

Zenezi 8:15

Tawamhã te 'Re ihâimana u'âsi mono, Nowéhé ma tinha ãne:

Zenezi 8:17

Duré ma'ãpé uburé abaze norĩ zama asiré sani za'ra na, si norĩ hã, abaze da te 're itébré za'ra mono norĩ hã, rom na 're ihâimana za'ra mono norĩ hã, duré di'i na 're inomro mono norĩ hã. Tawamhã ta norĩ uburé ti'ai mono bâ te te ropéi mono wa, sitébré mono wamhã, te za ti'a hã sina sitob za'ra.

Salmu 91:11

'Re ihâimana u'âsi mono hã te za tite hâiwa ãma romhuri'wa norĩ ma hã tãma rob'ru za'ra, te te siwi i'ai'madâ'â da hã, duré nimomo 're ane mono sidâpâsi, ai'wawi 're simapa za'ra mono da.

Zozué 3:17

Izaraéu nhihudu norĩ hã ti'ai 'ré te te iwati'i za'ra na ma tô saprĩ za'ra. Taha ré, ma tô sasedoti norĩ 'Re ihâimana u'âsi mono nhimiroti ré wedehâ're 'manharĩ te te siwi i'âri hã rob'ré wa iré mazahâri za'ra Zodã pa â wa'wamhã. Tahawa, ma tô a'â tamem haré aimasa, uburé da te ãma isaprĩ za'ra zéb u.

Zozué 4:10

Tahawa, sasedoti norĩ hã ma tô Zodã pa â wa'wamhã mazahâri za'ra, Uburé Danhib'apito hã, Zozuéhé ma te te iwaihu'uzéb zarina a'uwẽ norĩ hã uburé te te i'manharĩ za'ra zéb u, Mozésihi ma rotizéb zarina. Tawamhã a'uwẽ norĩ â na ma tô sa'ẽtẽ saprĩ za'ra.