Zenezi 8:11 - ꞌRe Ihâimana Uꞌâsi Mono Zadawa Wasuꞌu

¹¹ Tahawa hâiwahâ pesere si, ma tô apâ hã wi. Ãhã wa, tiwata na oriwera su uzé hã ma tô ãwisi. Tawamhã taha na ma tô Nowé waihu'u, oto apâ i'â'ré na hã.

Zenezi 8:11 ပူးပေါင်းရင်းမြစ်များ

Zenezi 8:10

Tawamhã Nowé, 7 bâtâ na te a'â duré sapa. Taha pari ma tô duré apâ utu'u hã time, te te rowaimrami mono da hã.

Zenezi 8:12

Tawamhã 7 bâtâ na, ma tô duré a'â sapa. Taha pari, ma tô duré apâ time. Tahawa oto, apâ hã wisi õ di.

Neemia 8:15

Tahawa uburé 'rinho'u Zeruzalẽ ãma 're ihâimana za'ra mono norĩ ma, uburé 'rinho'u ihâiba amoi 're, 're ihâimana za'ra mono norĩ ma, duré uburé 'ri wa'õtõ 're, 're ihâimana za'ra mono norĩ ma, dapo're pu'uzé da te ãma tãma ropéi mono da, ma tô ta norĩ hã ãne na dama 'ru za'ra: — Ma'ãpé ẽtẽ u aiwairébé aba, pinheiro wede panhipti hã, oriwera wede panhipti hã, murta wede panhipti hã, norõwede su ne panhipti hã, duré aimawi wede panhipti mono hã, we 'wasari aba da, romhâ 'manharĩ na 'ri hã ãma asiwi 'manharĩ aba da, 'Re ihâimana u'âsi mono nhimiroti na ãma irob'ui'éré zarina.

Roma 10:15

Duré, e niha te aré Zezusihi zadawa wasu'u'wa norĩ hã daro mono bâ datẽme 're nomro, imreme na te te 're dapawaptob za'ra mono da, 'Re ihâimana u'âsi mono hã te te datẽme 're satõrĩ za'ra mono õ nherẽ. Ãne wamhã, te te ãma 're dapawapto waihu'u za'ra mono õ di aré. Tane nherẽ, 'Re ihâimana u'âsi mono, ma tô te te datẽme 're satõrĩ za'ra tô. Duréihã Izaia hã ma tô ãne na ãma rob'ui'éré: “Rowasu'u wẽ hã nima hawi da te dama 're ãwisi za'ra mono wamhã, dama 're rowẽ uptabi za'ra mono di za.”