Zenezi 8:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã 'Re ihâimana u'âsi mono, Nowéhé ãma, duré uburé abaze, uba're wa isiré ihâimana za'ra norĩ ãma, ma tô oto po're puru. Tahawa rowa'u, ti'a nhisiwi te te â wapõrĩ mono da hã, ma tô tãma tinha. Ãhã wa, ma tô duré apâ â'ré mono na hã ãma sãna'rata.

Zenezi 8:1 ပူးပေါင်းရင်းမြစ်များ

Zenezi 19:29

Ãne 'Re ihâimana u'âsi mono, romharé na 'ri nho'õmo norĩ ãma ma tô da'uprosi. Tane nherẽ, ma tô Abra'ã ãma hã po're puru. Tahawa Lo, 'ri nho'õmo 're, 're ihâimana mono zéb ãma te te da'uprosi wamhã, dazu dâ'â tõ da hã, ma tô tinhimihâzé wi hã waze.

Zenezi 30:22

Tawamhã 'Re ihâimana u'âsi mono, Raqueu ãma ma tô oto po're puru. Tahawa te te tiwi irowaptẽrẽzém na te te wapari wa, ma tô oto tãma rowairébé, 'ra da.

Zenezi 9:10

duré uburé abaze norĩ uba're hawi asiré iwairébé norĩ ma hã, si norĩ ma hã, abaze da te 're itébré za'ra mono norĩ ma hã, duré rom na 're ihâimana za'ra mono norĩ ma hã, tô uburé pese ti'ai ãma hâiba ré 're ihâimana za'ra mono norĩ ma hã.

Neemia 13:14

“Ĩte 'Re ihâimana u'âsi mono, ma'ãpé asõrõwa 'ri 're ma, duré iwa ai'ãma 're idawata za'ra mono zé ma, uburé marĩ te 're i'ab'manharĩ mono zém na ĩ'ãma aipo're pu'u.”

Neemia 13:22

Tawamhã levita norĩ, sipese za'ra da, duré 'ridawa za'ẽtẽ norĩ hã te te 'madâ'â za'ra da, wa tô tãma waihu'u za'ra, wazé pese na sabadu bâdâ hã hâimana da, wẽ uptabi na. “Ĩte 'Re ihâimana u'âsi mono, ma'ãpé ãhã wab zama ĩ'ãma aipo're pu'u. Duré ma'ãpé asimizawizéb za'ẽtẽ zarina hã ĩ'ãma aiwamri na.”

Neemia 13:29

“Ĩte 'Re ihâimana u'âsi mono, ma'ãpé a'uwẽ norĩ ãmamhã aipo're si'âri za'ra tõ. E marĩ wa. Sasedoti nhimiromhuri na te te wasété za'ra wa, duré sasedoti norĩ ma, levita norĩ me asimiropisutu zahi tãma i'manharĩ za'ra zém na zama te te duré wasété za'ra wa.”

Neemia 13:31

Wa tô roti hã tãma 'manharĩ za'ra, bâdâ iwa 're tobro mono wa, mi da te 're i'wasari mono na hã, za danhimizama da te ãma 're izata za'ra mono zém na hã. Tawamhã duré amnho imorĩ'rata na ãma danhoprubzém na, wa tô rowaihu hã tãma 'manharĩ za'ra, duré rowede 'rã, imorĩ'rata na da te 're isinarĩ za'ra mono na hã. “Ĩte 'Re ihâimana u'âsi mono, ma'ãpé, uburé marĩ na hã ĩ'ãma 're aipo're pu'u u'âsi mono. Ma'ãpé duré iwẽ na si we 're ĩpawaptob u'âsi mono!”

Salmu 132:1

Uburé Danhib'apito, ma'ãpé Dawihi ãma aipo're pu'u, duré te te 're irobzépata mono zém na zama.

Salmu 36:6

Ẽtẽ 'rãihâ rési ãna 're isa mono ne, te i'uwaibaba na si dama 're i'arowairébé mono zé hã 're hâimana. Duré â poré â 'rehâ uptabi ne, te dama 're i'apisutu mono zé hã 're hâimana. Uburé Danhib'apito, a hã te a'uwẽ norĩ hã, abaze norĩ me 're i'ab'madâ'â pese mo.

Ezodu 14:21

Tawamhã Mozési â nhisiwi tinhib'rada te te oto wẽ wamhã, Uburé Danhib'apito, ma tô rowa'u isiptede bâtâ pusizém hawi iwatobro da hã tãma rob'ru, â te te isiwasi da hã. Tawamhã marabâre rowa'u isiptede te te â wapõrĩ u'âsi wa, ma tô â poré wa'wam nherẽ, siti'ai'ré. Tahawa, â sima siwãnhizari wamhã,

Ezodu 15:10

Tane nherẽ, a hã Uburé Danhib'apito, â sa'uri wa, ma tô â hã suwa za'ra, ezipsiu norĩ hã; duré marĩ pire zém ne hã ma tô â za'ẽtẽ 'rowimhã asisi.

Ezodu 2:24

Tawamhã 'Re ihâimana u'âsi mono, Izaraéu nhihudu norĩ 're iwazidi za'ra mono zé hã ma tô wapa. Tahawa Abra'ãhã ma, Izaquihi ma, duré Zacoho ma, tinhimiropisutu zahi te te i'manharĩzém na hã, ma tô sina po're puru.

Provébiu 25:23

Hâiwa nhimi'e hawi rowa'u, tã te te 're isani u'âsi mono ne, te da'madâ'â nhiti'ru na da'madâ'âzé hã te te dama 're sani za'ra.

Zona 4:11

E i'uwaibaba õ di bété, Niniwé 'ri nho'õmo za'ẽtẽ ãma 're idahâimana za'ra mono norĩ ãma ĩpẽ'ẽzé da hã, rob're nhipai u. Tô i'uwaibaba da'ãma ĩpẽ'ẽzézé hã. E marĩ wa. 120 miu na iwa 're dahâimana za'ra mono wa, 're idanomro wẽ mono na, duré 're idanomro wasété mono na da te dasina 're iwaihu'u za'ra mono õ norĩ hã. Duré danhimizama ahâ uptabi na iwa 're simasa mono wa.

Apocalipsi 16:19

Tawamhã Babilonia na 'ri nho'õmo za'ẽtẽ nhisi ãma, ma ti'a sãsã'ã na ti'a sipo'o. Si'ubdatõ iwa'õtõ na ma tô ãma sipo'o. Ãne ma tô 'Re ihâimana u'âsi mono hã tinhimi'ahâri pipa zém na te te dama arob'manharĩ, Babilonia ãma 're idahâimana wasété za'ra mono norĩ ma. 'Re idahâimana wasété za'ra mono zé hã tiwi simani õ di. Tahawa, uwa 'rãi wa'u isé pire hã da te 're huri mono wa, da te 're isépata za'ra mono ne, ma tô 'Re ihâimana u'âsi mono nhimihâzé hã da te 're sépata za'ra. Duré daro mono bâ 'ri nho'õmo mono bâ ma duré ropsisa'wari. Tahawa, ma uburé ropsi'utõrĩ pese, 'ri nho'õmo mono bâ.

Apocalipsi 18:5

Marĩ hã da te 're isibu 'rãihâ za'ra mono ne, ma tô Babilonia ãma 're idawasété za'ra mono zé hã tinhibu 'rãihâ pese, hâiwa u. Tawamhã 'Re ihâimana u'âsi mono hã ma tô ãma sipo're pu'u, Babilonia ãma 're idawasété uptabi za'ra mono zéb ãma.

1 Samuéu 1:19

Tawamhã awẽ bâtâ na ma tô Eucana norĩ hã ti'utu za'ra awẽ wi, duré ãma wata za'ra da, Uburé Danhib'apito ãma hã. Tawamhã ma tô apâ aihutu tinhorõwa Rama u hã. Eucana tame timro Ãnahã ãma ma tô oto ãma hâimana. Tahawa, Uburé Danhib'apito hã ma tô oto wapa, te te tiwi irowaptẽrẽzém na hã.