Zenezi 7:9 - ꞌRe Ihâimana Uꞌâsi Mono Zadawa Wasuꞌu

⁹ ma tô Nowéhé siré asisi uiwada pese na, aibâ na duré pi'õ na, 'Re ihâimana u'âsi mono te te tãma iwaihu'uzéb zarina.

Zenezi 7:9 ပူးပေါင်းရင်းမြစ်များ

Zenezi 2:19

Tawamhã uburé abaze norĩ hã duré si norĩ hã ti'a na te te apoto mono pari, ma tô aibâ tẽmemhã te te anhimro, te te anhisi da. Tahawa, aibâ te te i'anhisi mono zéb zarina, te oto isisi mono bâ ãma 're hâimana za'ra.

Zenezi 6:22

Tawamhã Nowé, uburé 'Re ihâimana u'âsi mono te te tãma iwaihu'uzéb zarina ma tô 'manha.

Zenezi 7:10

Tawamhã 7 na bâdâ morĩ pari, ma tô oto â, ti'a te te i'upsibi mono na hã ãma sãna'rata.

Zenezi 7:15

Uburé abaze norĩ uiwada pese na ma tô Nowéhé siré uba're 'remhã asisi.

Zenezi 7:16

Aibâ na, pi'õ na uiwada pese na ma to abaze norĩ hã ipoto mono bâ asisi, 'Re ihâimana u'âsi mono, Nowéhé ma, te te tãma iwaihu'uzéb zarina. Taha pari 'Re ihâimana u'âsi mono, ma tô oto uba're hã iré sito.

Zenezi 7:8

Tawamhã abaze ĩwẽ norĩ hã, ĩwẽ'õ norĩ hã, di'i na 're inomro mono norĩ hã, duré si norĩ hã

Galata 3:28

Taha zarina, 'Re ihâimana u'âsi mono hã te te siwi 're da'aba'a waihu'u mono õ di, zudeu norĩ hã, duré zudeu'õ norĩ hã, iwada'uri zarina si, pawa'âbâ ãna dama romhuri'wa norĩ hã, duré wada'uri ãna si'uihâ na 're ihâimana za'ra mono norĩ hã, aibâ norĩ hã, duré pi'õ norĩ hã. Simisutu Cristu Zezusihi nhib'a'uwẽ si, te 're aihâimana za'ra wa'aba mo. Tahawa, te oto Abra'ãhã nhihudu na te te 're asisi za'ra wa'wa, 'Re ihâimana u'âsi mono hã. Ãhã wa, iwẽ na si, Abra'ãhã ma te te iropisutuzéb zarina, te za iwẽ na si te te aima ãma 're a'uwaimrami 'wa, Aimama 'wa hã.

Colosu 3:11

Tahawa, dapoto mono bâ dasipu'u pese na tãma 're dahâimana za'ra mono nherẽ, te te siwi 're da'ahâiba wẽ'õ mono õ di oto, 'Re ihâimana u'âsi mono hã. E marĩ wa. Cristuhu zazei'wa norĩ hã aiwapsi te te 're azawi pese mono wa, zudeu'õ norĩ hã zudeu norĩ me, duré sihâiwata nhihâri ré 're inomro mono norĩ hã, duré sihâiwata nhihâri ãna 're inomro mono norĩ hã, duré a'uwẽ pahi norĩ, marãi 'rowi 're ihâimana za'ra mono hã darob amoi ãma, duré iwada'uri zarina pawa'âbâ ãna te te dama 're iromhuri za'ra mono norĩ hã, duré wada'uri ãna si'uihâ na 're ihâimana za'ra mono norĩ hã. Ãne hã te uburé isazei'wa norĩ hã aiwapsi tãma 're hâimana za'ra, 'Re ihâimana u'âsi mono ma hã. Cristuhu si te pire uptabi na wama 're hâimana za'ra, danhipai u. Taha si wama ipire uptabi za'ra hã, wasiré isazei'wa norĩ ma hã. Taha si te za tizazei'wa norĩ pẽ'ẽ 're, 're sãmra u'âsi, ihâiba mono bâ.