Zenezi 7:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã Nowé, Uburé Danhib'apito te te iwaihu'uzéb zarina uburé pese ma tô ab'manha.

Zenezi 7:5 ပူးပေါင်းရင်းမြစ်များ

Zenezi 6:22

Tawamhã Nowé, uburé 'Re ihâimana u'âsi mono te te tãma iwaihu'uzéb zarina ma tô 'manha.

Zenezi 7:16

Aibâ na, pi'õ na uiwada pese na ma to abaze norĩ hã ipoto mono bâ asisi, 'Re ihâimana u'âsi mono, Nowéhé ma, te te tãma iwaihu'uzéb zarina. Taha pari 'Re ihâimana u'âsi mono, ma tô oto uba're hã iré sito.

Salmu 119:6

'Re ĩnhimipari pese mono na, uburé asimiroti te 're wapari pese mono wamhã, niwamhã 're ĩnhisé mono da hã mare di.

Ezodu 40:16

Ãne ma tô Mozési, Uburé Danhib'apito te te tãma i'awaihu'u mono zéb zarina uburé hã ab'manha.

Ezodu 7:6

Tawamhã Mozési norĩ Arãhã me, ma tô Uburé Danhib'apito te te tãma iwaihu'u zahuré zé hã mreme 'manharĩ zahuré.

Mateu 3:15

Tawamhã Zezusi ma te asa ãne ãma tãma wa'rã: — Wẽ nherẽ, tane hã tô aré. Tane nherẽ, te za tô a hã ĩma i'manha, 'Re ihâimana u'âsi mono te te wama ipisutuzéb zarina, wa te wasina uwaimrami da. Tahawa, Zuwã hã ma tô ãma saze. Duré te te ãma sazei wa, ma tô â dawabzuri hã Zezusihi ma 'manha.

Luca 8:21

Tawamhã Zezusi te uburé dama tinha, ãne: — Ni'wam norĩ hã, 'Re ihâimana u'âsi mono zadawa wasu'u hã tipo're na te te 're wapari za'ra mono wamhã, duré te te 're 'madâ'â pese za'ra mono wamhã, ta norĩ hã ĩna na, duré ĩno na te za ĩma 're hâimana za'ra.

Zuwã 13:17

— Ãne wa tô aima rowasu'u za'ra wa'wa, waihu'u za'ra wa'aba da. Ĩnhimiroti hã 're 'madâ'â pese za'ra wa'aba mono wamhã, aima 're rowẽ za'ra wa'aba mono di za, uburé aima 're rowẽ za'ra wa'aba mono õ nherẽ. Asimirosa'rata na, wa tô aiwaihu'u za'ra wa'wa. Ĩsiré 're anomro aba mono da, te aipisutu za'ra wa'wa hã, misire ma tô ĩ'maiwẽ'õ wa'wa. Ta hã wa tô pisutu, ĩsiré 're morĩ da, 'Re ihâimana u'âsi mono mreme ui'éré te te sina uwaimrami da. Ãne ma tô wahi'rada hã tinha, aré: “Wasiré 're iwasai mono, ma tô ĩwẽ'õ.” Ãne ma tô duré ĩwẽ'õ'wa na rob'ui'éré siro, poto õ ré, wahi'rada hã. Tahawa, te za oto sina uwaimrami su'u, ĩwẽ'õ'wa hã.

Zuwã 2:5

Tahawa, te ina hã romhuri'wa norĩ ma tinha, ãne: — Tiha te te aima waihu'u za'ra wa'aba wamhã, ma'ãpé imreme hã 'manharĩ za'ra wa'aba za.

Filipu 2:8

A'uwẽ hâiba na dasine 're hâimana mono wamhã, ma tô sima pisutu, dazapari dama wapu na 're hâimana mono da a'â. 'Re ihâimana u'âsi mono hã ma tô duré te te 're wapari pese, õ tidâ'âzéb u. Marĩ 'manharĩ wasété 'wa norĩ pãrĩzéb da na wedepo'o nhonhi'rãmi na dâ'â da nherẽ, ma tô, tô Timama hã te te 're wapari pese, sisawi ãna.

Hebreu 5:8

Zezusi hã 'Re ihâimana u'âsi mono 'ra, 're hâimana mono nherẽ, ma tô te te 're robzépata, ti'ai ãma 're morĩ ré hã. Taha zarina ma tô ãne hã si'ãma waihu'u: Ni'wam norĩ hã, 'Re ihâimana u'âsi mono nhimiroti te te 're 'madâ'â pese za'ra mono da, te te sima 're wẽ za'ra mono wamhã, taha zarina te za tô te te 're robzépata za'ra, ti'ab ré. Ãne ma tô Zezusi hã si'ãma waihu'u.