Zenezi 7:11 - ꞌRe Ihâimana Uꞌâsi Mono Zadawa Wasuꞌu

¹¹ Tô taha wamhã, 600 na Nowéhé ãma iwahubzéb ãma, dia 17 maparane a'amoi ãma ma tô ti'ai hawi ub're hã pu'u mono. Duré hâimo â 're ihâimana mono ma, ma tô hâiwa hã tãma si'ridawa, we sisa'wari da hã.

Zenezi 7:11 ပူးပေါင်းရင်းမြစ်များ

Zenezi 1:7

Tahawa 'Re ihâimana u'âsi mono hã ma tô â na ãma aipo'o. Ãma isipo'o hâiba amo hã ãma isiwãnhizari zahuré 'rowimhã te 're sa'wari. Duré ãma isipo'o hâiba amo hã te hâimo 're sa'wari.

Zenezi 6:17

Ti'a te te upsibi mono da, wa za â pu'u, uburé pẽ'ẽzani ré 're ihâimana za'ra mono hã te ãma uprosi da. Tawamhã uburé ti'ai ãma 're ihâimana za'ra mono hã te za si'utõrĩ.

Zenezi 7:6

Tawamhã Nowéhé ãma 600 na ãma iwahub ãma, ma tô i'â pusi mono zé hã ti'a upsi poré.

Zenezi 8:14

Tawamhã a'amo isãna'reb ãma, bâdâ 27 ãma, ma tô oto ti'a hã ti'ré pese.

Zenezi 8:2

Tawamhã ub're norĩ, hâiwa isi'ridawa me hã ma tô apâ oto atob zahuré. Tahawa, tã te te oto duré sazâri wamhã,

Provébiu 3:20

Tinhimirowaihu'u wẽ na ma tô â mono hã 're ipraba za'ra mono da hã pisutu. Ma tô duré hâiwa nhirõtõ hawi tã, ti'ai u 're ita'a mono da hã pisutu.

Mateu 24:38

Ta norĩ hã daro mono bâ daré âpusi mono õ ré hã, ma tô 're saihuri, tisa na. Te duré te te 're âhuri, rowẽ na 're rosa'wari u'âsi mono da newa. Te duré sina 're mro za'ra. Ãne ma tô danhimiza'rese ãna 're dahâimana za'ra, Nowé hã uba're ne 'manharĩ 're sébré õ ré, 'ri ne 'manharĩ 'remhã.

1 Tesalonita 5:3

Sô 're danhimipari za'ra mono õ wa, te za isazei'õ'wa norĩ hã da te dasima 're rowasu'u za'ra, ãne: “Rowẽ na wa za oto 're wasi'ubumroi u'âsi, marĩ hã wazô 're wairébé mono ãna.” Ãne te za dasima da te 're rowasu'u za'ra, da te 're waihu'u za'ra mono õ wa. Ãne, da te dasima 're rowasu'u za'ra mono wapsi, awa'awi te za ropipa hã dazô 're wairébé, Wamama hã za te te dama irob'manharĩzém na hã. Tiwi dasimani waihu'u za'ra õ di za, pi'õi ma, i'ra tãma 're rere'e mono da, iwasã ãma 're sépu'u za'ra mono wa, ai'uté zépu'u wi tiwi 're isimani za'ra mono õ ne.