Zenezi 6:3 - ꞌRe Ihâimana Uꞌâsi Mono Zadawa Wasuꞌu

³ Tahawa te Uburé Danhib'apito tinha ãne: — A'uwẽ, wasété na 're ihâimana za'ra mono zarina, õne u'â 're ihâimana za'ra mono da hã, mare di za. Tahawa te za duré oto ã hawim haré 120 na ãma iwahum na si 're hâimana za'ra.

Zenezi 6:3 ပူးပေါင်းရင်းမြစ်များ

Zenezi 6:2

ma tô 'Re ihâimana u'âsi mono 'ra norĩ, pi'õ wẽ uptabi na 're ihâimana za'ra mono na te te sima 're 'madâ'â ze za'ra. Tahawa ma tô duré te te sima 're iwẽ za'ra mono zéb zarina te te sima 're pisutu za'ra, ãma 're mro za'ra mono da.

Neemia 9:30

Tane nherẽ, wahup sidâpâsi ta norĩ ãmamhã 're aiwa'a su'u mono õ di. Duré Aipẽ'ẽzani, asadawa 'mahârâ'wa nho'õmoi babamhã ma tô te te tãma 're pri'i za'ra. Tane nherẽ, ma tô asib'a'uwẽ norĩ hã po're nhidâ haré 're hâimana za'ra. Tahawa ma tô duré iwaptoma 're idahâimana za'ra mono norĩ ma, isib'ratab za'ra tãma 're i'anhomri u'âsi mo.

Salmu 78:39

Õ norĩ ãma hã ma tô 're po're pu'u u'âsi za'ra, idâ'â pese za'ra na hã, aiwa rowa'u te te 're rowapõrĩ mono pari, õne haré sô 're irob'é'é za'ra mono ne hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:51

Tawamhã Estewã hã te duré tãma nharĩ za'ra, dama ipire za'ra norĩ ma, ãne: — A norĩ wa'wa hã aipo're za'ra wa'aba õ di. Aipẽ'ẽ tete za'ra wa'aba di. 'Re ihâimana u'âsi mono zadawa wasu'u hã aipo'reptõ newa, 're wapari za'ra wa'aba mono õ di. Aihi'rata norĩ wa'wa hã 're ihâimana za'ra mono zém ne, te 're aihâimana za'ra wa'aba mo. 'Re ihâimana u'âsi mono pẽ'ẽzani hã te asiwi 're iwẽ'õ za'ra wa'aba mo, aihi'rata norĩ wa'aba ne hã.

1 Tesalonita 5:19

'Re ihâimana u'âsi mono pẽ'ẽzani nhimipawaptobzém na asiwi 're ro'wa'rutu za'ra wa'aba mono õ di za.