Zenezi 6:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã 'Re ihâimana u'âsi mono, ti'ai ãma uburé 're idahâimana za'ra mono te te da'a'madâ'â wamhã, ma tô 're idawasété za'ẽtẽ za'ra mono zép si ab'madâ. E marĩ wa. Marĩ iwasété si da te 're 'manharĩ za'ra mono wa.

Zenezi 6:12 ပူးပေါင်းရင်းမြစ်များ

Zenezi 18:20

Tawamhã Uburé Danhib'apito, te Abra'ãhã ma oto tinha ãne: — Sodoma norĩ ãma Gomora me, iwasédé da te ãma 're inomri zahuré mono zé sa'ẽtẽ uptabi di. Duré iwa 're idahâimana za'ra mono norĩ wasété za'ra zé hã pire uptabi di.

Zenezi 18:21

Tahawa, õwamhã ĩmorĩ da si, dawasédé te 're iwapari mono, sena zô te waihu'u da, duré niha wamhã, taré na te waihu'u da.

Zenezi 6:13

Tahawa te 'Re ihâimana u'âsi mono, Nowéhé ma tinha ãne: — Uburé te da'uprosi da, wa tô ĩsima da'ãma rowairébé. Tahawa wa za uburé pese tô da'uprosi. Duré ti'ai wa, uburé marĩ 're ihâimana za'ra mono zama wa za uprosi. E marĩ wa. Ti'ai ãma da te dasina 're irowamnarĩ za'ra mono zé te te sina rosa'réi u'âsi mono wa, hâimo.

Zenezi 6:8

Tane nherẽ, Uburé Danhib'apito, Nowé 're ihâimana wẽ mono zéb zabâdâ si tãma 're toi u'âsi mono di.

Zenezi 7:1

Tawamhã Uburé Danhib'apito te Nowéhé ma tinha ãne: — Te za oto uba're wa aimro me, ai'ra si'aibâ norĩ me duré asani aba norĩ me uburé asisisi 'wa. E marĩ wa. Aiwétési te i'uwaibaba na si 're aimo, ti'ai ãma asiré 're ihâimana za'ra mono norĩ upana.

Zenezi 7:21

Tawamhã uburé ti'ai ãma 're ihâimana za'ra mono, si norĩ hã, abaze da te 're itébré za'ra mono norĩ hã, rom na 're ihâimana za'ra mono norĩ hã, di'i na 're inomro mono norĩ hã, duré a'uwẽ norĩ hã ma tô si'utõrĩ.

Zenezi 9:12

Aima za'ra wa'aba, duré uburé abaze norĩ hâiba ré 're ihâimana za'ra mono norĩ ma, ĩnhimiropisutu waihu'uzéb da,

Provébiu 15:3

Uburé Danhib'apito, titõmo na te ropâ te te 're rob'madâ'â. Iwẽ norĩ hã te duré iwasété norĩ me uburé te te 're a'madâ'â.

Luca 3:6

Tawamhã watẽme wei wisi wamhã, te za aihĩni sabu za'ra ni, 'Re ihâimana u'âsi mono te te ipisudu hã, Danho'reptui'wa da. Ãne te za ni'wa hã te te dama 're roti, a'ubuni wimhã.”

2 Pedru 2:5

Duréi uptabi hã 'Re ihâimana u'âsi mono tinhimihâzé hã te te dama ba'a õ di, ti'ai ãma 're idahâimana za'ra mono norĩ ma. Â ma, ma tô tinha, â pusi mono da, â na te te da'uprosi da, 're dahâimana wasété za'ra mono wa. Nowé norĩ si ma tô sõ'reptu za'ra, 7 na ihâiba za'ra norĩ me. Nowé hã te te aré dama 're roti u'âsi, 're dahâimana wẽ za'ra mono da, 'Re ihâimana u'âsi mono nhimiroti na.