Zenezi 50:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã ni'wam norĩ aibâ zama ma tô awaru na, duré wedewara zapore na hã dasiré ai'aba'ré. Tahawa, dawa'õno hã sa'ẽtẽ uptabi di.

Zenezi 50:9 ပူးပေါင်းရင်းမြစ်များ

Zenezi 41:43

Taha pari, Ezituhu nhib'apito uptabi zapari dama i'rãnho'õmo te, awaru na wedewara zapore na 're wara da hã, ma tô duré tãma sa'ré, apito na da te ãma waihu'u za'ra da. Tahawa, ma tô duré tite aibâ norĩ ma, isõwab za'ra ãne hãsi mono sina si'aba'ré da hã, duré tãma rob'ru za'ra: “Tãma hã asiwasi aba mono!” Ãne ma tô Zuzé hã dama si'rãnho'u, Ezitu ãma.

Zenezi 46:29

Tawamhã Zuzéhé ma, awaru na wedewara zapore, da te tãma awasisi parimhã, ma tô oto Gosẽ u hã wara, timama te te sõpẽtẽ da. Ãhã wa, timama titõmo na te te oto 'madâ'â wamhã, ma tô sa'ẽtẽ itẽme wara, te te sawi da. Tahawa, tinho'utu te te âri sina, ma tô ãma aiwa'õi hâ.

Zenezi 50:10

Tawamhã Atade na romnhisi u oto sihutu wamhã, Zodã â bâtâ pusizém niwĩ 're isa'wari mono u hã, ma tô amnho trigu da te 're ipré'é za'ra mono zéb ãma ihâiba na siwa'õ 'rãihâ na hã sô rob'rã ze za'ra, 7 bâtâ 'remhã.

Zenezi 50:8

Tawamhã duré Zuzéhé hawi a'uwẽ norĩ zama, isisãnawã norĩ zama, duré uburé Zacoho nhorõwa ãma 're ihâimana za'ra mono norĩ zama, ma tô isiré hã ai'aba'ré. Ãhã wa, Gosẽ ãma ma tô sisa'u za'ra rẽme za'ra ai'uté norĩ hã, pone'ẽrebâ norĩ hã, pone'ẽrebâ zéré uzé norĩ hã, duré powawẽ norĩ hã.

Ezodu 14:17

Tane nherẽ, wa hã wa za ezipsiu norĩ pẽ'ẽ tete na hâimana za'ra da hã tãma 'manharĩ za'ra, ta norĩ Izaraéu nhihudu norĩ zarina â wa'wa u a'â sisisi da hã. Tawamhã apito Fara'oho ãma, uburé ite dasi'wapéi 'manharĩ'wa norĩ ãma, ite za'ra wedewara zapore na dasi'wapézéb ãma, duré awaru na 're isi'wapé za'ra mono norĩ ãma te i'ai'uté za'ra na hã dama ĩwasu'u za'ẽtẽ di za.

Ezodu 14:28

 apâ sitẽme sito wamhã, ma tô wedewara zapore na dasi'wapézé hã, awaru na 're isi'wapé za'ra mono norĩ hã, duré uburé ezipsiu norĩ â na Izaraéu nhihudu norĩ zarina isisa'rei mono hã suwa za'ra. Hâiba ré hã si'mairẽme waihu'u õ di.

Ezodu 14:7

Tawamhã uburé Ezitu ãma awaru na wedewara zapore na dasi'wapézém na ma tô wairé. Iwẽ si hã 600 na dasiré hã, iwada'uri'wai mono bâ hã.