Zenezi 50:5 - ꞌRe Ihâimana Uꞌâsi Mono Zadawa Wasuꞌu

⁵ “Ĩmama hã tidâ'âzéb u ma tô ĩwi waptẽ, te tãma ropisutu da, ti'ai wa'õtõ nho'u Cana'ã ãma ti'a te te sima i'maipisutu ãma, te sẽrẽ da. Tahawa, a'â ĩma rowairébé, ĩmama ãma te ti'a da ĩmorĩ da. Taha parip si wa za we apâ ĩsina siri.”

Zenezi 50:5 ပူးပေါင်းရင်းမြစ်များ

Zenezi 3:19

Tawamhã duré asu'u za'ẽtẽ 'rowi te za romhuri pire na hã 're iromhuri u'âsi mo, asazéb da, ti'ai ãma 're aihâimana mono ré, apâ asiti'azéb u. E marĩ wa. Ti'a 'manharĩ na dâ'âsina, a hã. Duré a hã ti'ai 'manharĩ wa, te za apâ asiti'a.

Zenezi 48:21

Taha pari te Zuzéhé ma oto tinha ãne: — Wa za oto dârâ. Tane nherẽ, te za 'Re ihâimana u'âsi mono, asiré za'ra wa'aba 're hâimana, apâ aihi'rata za'ra wa'aba nhipti'ai u te te asimroi wa'aba mono da hã.

Zenezi 50:24

Tawamhã nimahã bâtâ na te Zuzé, tisisãnawã norĩ ma sina tãma nharĩ za'ra ãne: — Nimahã na romhutu na wa za tô oto dârâ. Tane nherẽ, ĩ'uirĩ na te za tô sena na 'Re ihâimana u'âsi mono si te te 're aipawaptob za'ra wa'wa. Duré taha si te za ã hã ti'ai wa'õtõ nho'õmo hawimhã apâ te te asimroi wa'wa, Abra'ãhã ma, Izaquihi ma, duré Zacoho ma, te te ãma iropisutu siromo u.

Zenezi 50:4

Tawamhã oto imama ãma dapẽ'ẽzé da te isépata za'ra zé si'utõrĩ wamhã, ma tô Zuzé, Ezitu ãma apito nhimiromhurizé 'ri 'rãihâ 're dama ipire norĩ ma hã tãma nharĩ za'ra ãne: — Ĩzawi na hã ma'ãpé apito ma, ãne romreme asiwi âri aba:

Zenezi 50:6

Tawamhã apito Fara'o, ma te ãne Zuzé hã ãma sada'â asa: — Mo oto pé aimorĩ, aimama ãma a'â ti'a da, tãma iropisutuzéb zarina.

Mateu 27:60

Te te hâiba ubu pari, ma oto tite ab're siromo wa tisẽ Zuzé hã, sa'a zahâpâ da te aré tãma i'ab're siromo wa. Taha pari ma tô ẽtẽ tõmo zapodo hã te te pizari, ab're te te ãma iré sitob da. Tawamhã te te iré sito pari, ma tô oto mo, õne haré.

1 Samuéu 14:43

Tawamhã te Sau sadanha ãne: — E marĩ ma tô i'manha. Tawamhã Zonata ma asa ãma sada'â ãne: — Wa tô ropĩ hã suru na upsõ wedehu ĩnhib'rata te 're i'âri 'rãsutu na te ãma ĩsima idi hã. Tahawa, ãhãta wa ĩhâiba, tô ĩdâ'â da hã.