Zenezi 50:13 - ꞌRe Ihâimana Uꞌâsi Mono Zadawa Wasuꞌu

¹³ Cana'ã u ma tô ihâiba hâ hã siwi ti'â. Tahawa, ma tô a'ubuni wi ẽtẽ na ab're siromo wa siwi tisẽ, Maquipela ãma Mare bâtâ pusizém niwĩ, ti'a Abra'ã, hitita norĩ siré Efrõhõ wi te te i'uiprazéb ãma, tisiré a'uwẽ norĩ 'ru da hã.

Zenezi 50:13 ပူးပေါင်းရင်းမြစ်များ

Zenezi 23:20

Ãne hitita norĩ te, ti'ai wa'õno hã, duré tô iwa ẽtẽ na ab're zama ma tô Abra'ãhã ma tãma sõmri za'ra, itede'wa na 're hâimana mono da, iwa da te 're idanheme mono pibu ma.

Zenezi 23:9

Maquipela na rowamri ãma ẽtẽ na ab're siro hã te te ĩma wede da, isipti'a zada'ré ãma 're ihâimana mono hã. Tawamhã wa hã ibâ na hã wa za tãma wa'â. Ãhã wamhã, wa za iwa da'ru tede'wa na hã 're ĩhâimana.

Zenezi 25:8

Tawamhã si'ihi uptabi wa, oto dâ'â wamhã, ma tô oto tihi'rata norĩ siré hã simisutu 're hâimana.

Zenezi 25:9

Tawamhã i'ra Izaqui norĩ, Ismaeu me ma tô Maquipela ãma ẽtẽ na ab're siromo wa, sẽrẽ zahuré, Mare bâtâ pusizém niwĩ, Efrõ Zoaha 'ra te itehutu ãma. Ta hã, Zoa hitita norĩ siré hã.

Zenezi 35:27

Tawamhã Zaco, timama Izaquihi siré 're hâimana mono da hã ma tô mo Mare na 'ri nho'õmo nhisi u, Arba na isisi amoi u, Hebrõ na 'ri nho'õmo nhisi 'rata 're ihâimana mono u, Abra'ã, Izaquihi siré aré 're isãmra mono zéb u.

Zenezi 35:29

Tawamhã si'ihi pese wamhã, Izaqui hã ma tô oto dârâ. Tahawa, i'ra Ezau norĩ, Zacoho me ma tô sẽrẽ zahuré.

Zenezi 46:4

Wa hã wa za Ezitu u hã asiré mo. Apâ wa za duré asihudu norĩ hã we te simro, ã hã ti'ai u hã. Tawamhã nimahã na oto asi'ré wamhã, te za ai'ra Zuzé hã asababa tihâiba za.

Zenezi 47:30

Niwa ĩdâ'â wamhã, Ezitu hawimhã te za ĩhâiba hâ hã iwaze, ĩhi'rata norĩ da te 're iséme mono zéb 'ru zababa, sẽrẽ da, ihâiba hâ za'ra zu, tame 're sa'wari mono da. Tawamhã Zuzé, ma te ãma sada'â ãne: — Tane hã wa za 'manha tô, ĩwi iwaptẽrẽzé hã.

Zenezi 50:12

Ãne ma tô Zacoho 'ra norĩ siwi 'manha, imama za'ra uburé te te tãma ipisutu za'ra zéb zarina.

Zenezi 50:14

Tawamhã da te ãma dasiwi ti'ai pari, ma tô Zuzé hã tisisãnawã norĩ siré, duré uburé isiré isi'aba'ré norĩ siré apâ hã Ezitu u mo.