Zenezi 50:11 - ꞌRe Ihâimana Uꞌâsi Mono Zadawa Wasuꞌu

¹¹ Tawamhã Cana'ã ãma 're idahâimana za'ra mono, da'ahâ na idasiwa'õ za'ra na te te da'madâ'â za'ra wamhã, te ãne sima nharĩ za'ra: “E niha ma tô ezipsiu norĩ hã siwa'õ pire na hã sô ti'ru'ru.” Tahawa ma tô ta ro hã siwi sisi, Abéu-Misraĩ na.

Zenezi 50:11 ပူးပေါင်းရင်းမြစ်များ

Zenezi 13:7

Tahawa te Abrãhã nhimizama 'madâ'â'wa norĩ, rom na ãma 're sisada'âbâ za'ra, Loho nhimizama 'madâ'â'wa norĩ me hã. Tô taha wa, te duré zahadu tamemhã cananeu norĩ hã, perizeu norĩ me hã 're hâimana za'ra.

Zenezi 24:6

Tawamhã Abra'ã ma te asa ãma tãma wa'rã ãne: — Mare di, tamomo apâ ĩ'ra te te sina isiri da hã.

Zenezi 34:30

Tahawa te Zaco, Simiã norĩ ma, Levihi me, tãma nharĩ zahuré ãne: — A norĩ wa'wa ma tô ropire ĩzada iwazere 'wa. Tahawa te za a'uwẽ cananeu norĩ, perizeu norĩ, duré uburé ã hã ti'ai 're, 're idahâimana za'ra mono norĩ hã te te siwi 're ĩ'ruiwapari u'âsi. Duré ĩnhib'a'uwẽ si'aibâ norĩ ahâ õ di, wa hã. Tahawa ĩzada si'rã'õtõ wa, te te duré siwi ĩ'wapéi wamhã, te za uburé ĩsiwapru norĩ hã duré ĩ'ra norĩ hã ai'utõ.

Zenezi 50:10

Tawamhã Atade na romnhisi u oto sihutu wamhã, Zodã â bâtâ pusizém niwĩ 're isa'wari mono u hã, ma tô amnho trigu da te 're ipré'é za'ra mono zéb ãma ihâiba na siwa'õ 'rãihâ na hã sô rob'rã ze za'ra, 7 bâtâ 'remhã.

Zenezi 50:12

Ãne ma tô Zacoho 'ra norĩ siwi 'manha, imama za'ra uburé te te tãma ipisutu za'ra zéb zarina.

1 Samuéu 6:18

Tawamhã ma tô duré siwi tisõ imrotõ na ẽtẽ waipo pré oru na 'rure 'manharĩ zama, 'ri nho'õmo 're filisteu norĩ te, i'rãnho'õmo norĩ za'rata zarina. 'Rinho'u hã imrotõ na i'wawi wa'ra 'rãihâ hã duré 'ri wa'õno hã 'ri nho'õmo mana wawi 're ihâimana za'ra mono hã. Tawamhã Zozué Bete-Semesi ãma 're ihâimana mono te te irob're ãma ma tô 'Re ihâimana u'âsi mono nhimiroti ré wedehâ're hã siwi tihi, ẽtẽ tõmo wawẽ nhisiwimhã. Tawamhã ta hã te zahadu 're sa'wari, ẽtẽ tõmo wawẽ hã tame rob'manharĩzém na ãma 're idasipo're pu'u za'ra mono zéb da hã.