Zenezi 5:3 - ꞌRe Ihâimana Uꞌâsi Mono Zadawa Wasuꞌu

³ Tawamhã duré Adã 130 na ãma iwahub ãma, ma tô i'ra isine uptabi hã tãma podo. Tawamhã ta hã ma tô sisi, Seti na.

Zenezi 5:3 ပူးပေါင်းရင်းမြစ်များ

Zenezi 4:25

Tawamhã Adã norĩ imro me, ma tô duré i'ra hã tãma ti'maipoto zahuré. Tahawa te ãne tinha imro pi'õ hã: — 'Re ihâimana u'âsi mono, Abéu nhowa're'remhã ma tô duré ĩ'ra hã ĩma tisõ, Caĩ te te ĩwĩrĩ nhibrob're ĩma 're ihâimana mono da hã. Tawamhã ta hã ma tô sisi, Seti na.

Zenezi 5:2

Tawamhã aibâ na duré pi'õ na ma tô ab'manha. Duré iwẽ te te tãma 're apisutu mono wamhã, ma tô a'uwẽ na wamri za'ra.

Zenezi 5:4

Taha pari Adã, 800 na ãma iwahum na, ma tô duré 're hâimana. Tawamhã i'ra si'aibâ norĩ, i'ra sipi'õ norĩ me, tãma poto za'ra pari,

Salmu 51:5

Sena ĩpotozém hawim haré, te ĩwasédé hã ĩma 're hâimana. Ĩna wasãzém hawim haré, wa tô ĩwasété ré hã 're ĩnhamra tô.

Luca 1:35

Tawamhã asa te duré tãma tinha, ãne: — 'Re ihâimana u'âsi mono, te za we aipawapto, tiwaihu'u pese na aiwasã da, ai'ra da. Taha da, te za Tipẽ'ẽzani hã we atẽme satõ. Tahawa, 'Re ihâimana u'âsi mono 'ra na, te za ai'ra hã da te 're sisi za'ra.

Luca 3:36

Seraha poto'wa nhisi hã, Ca'ina na isisi hã. Ca'inahã poto'wa nhisi hã, Apasadi na isisi hã. Apasadihi poto'wa nhisi hã, Sẽ na isisi hã. Sẽhẽ poto'wa nhisi hã, Nowé na isisi hã. Nowéhé poto'wa nhisi hã, Rameti na isisi hã.

Roma 5:12

Dawasédé ma tô tizébré na'rata, Adã iwasétézém hawi. Ta hawimhã ma tô duré dawasédé hã te te ropé, uburé dapoto mono bâ. Ta hawim haré, te aihĩni pese oto 're dadâ'â za'ra, dawasété na 're danomro mono wa.

1 Corĩtu 15:39

Duré, ti'ai ãma uburé hâiba ré 're ihâimana za'ra mono hã aiwapsi õ di. A'uwẽ hâiba hã aimawi. Duré abaze norĩ hâiba hã aimawi. Duré pe'a norĩ hâiba hã, aimawi. Duré si norĩ hâiba hã aimawi.

1 Corĩtu 15:49

Wa norĩ hã, aibâ ti'ai 'manharĩ na ihâiba na'rata ne ré, wa ti'ab ré iré 're wahâimana za'ra. Tane, wa za duré niwapsi hâiwa hawi we imorĩ hâiba ne iré 're wahâimana u'âsi za'ra. Tahawa, wa za oto isine 're wahâimana u'âsi za'ra, õne u'âsi.

Éfézu 2:3

Tane wa norĩ hã, wa aré tô wanhimirosa'rata wasété zarina 're wanomro. Wa te wasima 're iwẽ za'ra mono zéb zarina, wa tô aré wa te wasima ãma 're uwaimrami za'ra. Ãne 're wahâimana wasété za'ra mono wa, te aré tô duré dazu wahâ za'ra, 'Re ihâimana u'âsi mono hã.