Zenezi 5:24 - ꞌRe Ihâimana Uꞌâsi Mono Zadawa Wasuꞌu

²⁴ Tawamhã duré õne u'â, ma tô 'Re ihâimana u'âsi mono ãma 're mo. Tahawa nimahã bâtâ na ma tô oto sô tirobaba. E marĩ wa. 'Re ihâimana u'âsi mono, sitẽme te te oto âri wa.

Zenezi 5:24 ပူးပေါင်းရင်းမြစ်များ

Zenezi 24:40

Tahawa, ma te ãne asa ãma ĩma wa'rã: “Wa hã sena na Uburé Danhib'apito mreme hã wa tô te 're wapari pese. Ta hã te za tite hâiwa ãma romhuri'wa we atẽme satõ, asiré 're morĩ wa, uburé marĩ aima watobro wẽ da, i'uwaibaba na. Tawamhã te za ĩsiré a'uwẽ norĩ 'remhã, ĩmama siwapru norĩ 'remhã pi'õ ĩ'ra ma da hã i'maipisu.

Zenezi 37:30

Tawamhã tisisãnawã norĩ u apâ te te sina siri wamhã, ma tô tãma nharĩ za'ra ãne: — Ab're hã baba di, wano 'ritéi'wa zabzé hã. E marĩ, wa za 'manha.

Zenezi 42:36

Tahawa te imama Zaco hã ãne tãma nharĩ za'ra: — Ĩ'ra na te za asiwi ĩ'uba wa'wa. Zuzéhé ãna hã wa tô 're ĩhâimana. Ãhã na zama duré Simiã hã hâimana õ di. E niha te za duré ãne nherẽ, Bẽzami hã asiwi saprõni aba da, asima iwẽ za'ra wa'wa. E 'wa te za ãne wamhã robzépata. Wa hã, wa za tô duré robzépata.

Zenezi 5:22

Taha parimhã Enoqui, 300 na ãma iwahum na ma tô 'Re ihâimana u'âsi mono ãma 're hâimana. Ma tô duré i'ra si'aibâ norĩ, i'ra sipi'õ norĩ me tãma tipoto za'ra.

Zenezi 5:23

Tawamhã Enoqui, 365 na ãma iwahum na, ma tô duré 're hâimana.

Zenezi 5:25

Tawamhã Matuzarẽ ãma 187 na iwahub ãma, ma tô i'ra Rameti na isisi hã duré tãma podo.

Zenezi 6:9

à hã Nowéhé wasu'u. Ta hã ãne si'ubdatõ i'ra norĩ nhisi mama na ma tô 're hâimana: Sẽ, Cã, Zafé. Nowé, sena na i'uwaibaba na si, duré õne u'â 'Re ihâimana u'âsi mono mreme te te 're iwapari pese mono na si ma tô 're hâimana. Duré isiré 're idahâimana za'ra mono norĩ nhimi'manharĩ siwaprã, ma tô siwaprosi 'Re ihâimana u'âsi mono ãma si 're mo.

Mateu 2:18

“Rama na romnhisi ãma hã dawawa hã ma tô wapari za'ra ni, dazadari 'rãihâ hã. Raqueu hã te aiwa'õ, ti'ra norĩ ãma. Pẽ'ẽzé uptabi wa, te te sima wẽ õ di, da te ipẽ'ẽtété da hã, i'ra norĩ hã uburé tiwi si'utõrĩ wa.”

Luca 23:43

Tahawa, te Zezusi hã asa tãma tinha, ãne: — Tô sena wa za aima waihu'u. Ã bâtâ na te za tô ĩ'rata 're asãmra mo, rowẽ uptabi ãma.

1 Zuwã 1:7

Tane nherẽ, 'Re ihâimana u'âsi mono nhimiroti zarina 're wahâimana za'ra mono wamhã, rowa'a na 're ihâimana mono ne, wa za duré wa norĩ hã rowa'a na 're wahâimana za'ra. Taha zarina, wa za duré 'râwi wasiré ãma 're wahâimana za'ra, wasisawi pese za'ra sina. 'Re ihâimana u'âsi mono 'ra hã te za duré wawasédé hã te te wama 're apari tidâ'âzém na Zezusi hã, wawasété ãna oto ãma 're wanomro mono da.

Zuda 1:14

Duréihã Enoqui hã te 're hâimana, Adãhã 'ra nhihudu hã. Ta hã ma tô romhâ ré da'ãma waihu'u siro, 're idahâimana wasété za'ra mono norĩ ãma hã. Ãne ma tô da'ãma waihu'u siro: “Ma'ãpé waihu'u za'ra wa'aba. Wanhib'apito te za wei mo. Tãma iromhuri'wa norĩ hã ahâ uptabi na te za we isiré ai'aba'ré.