Zenezi 49:8 - ꞌRe Ihâimana Uꞌâsi Mono Zadawa Wasuꞌu

⁸ “Zuda, asisãnawã norĩ te za ai'ãma 're wata za'ra. Asõ're te za aima 're siwẽ'ẽ za'ra. Te za duré asitob'ru norĩ, ibutu na 're i'atété mo.

Zenezi 49:8 ပူးပေါင်းရင်းမြစ်များ

Zenezi 27:29

A'uwẽ mono bâ asapari te te aima 're iromhuri za'ra mono da si, iwẽ hã. Duré daro mono bâ da te dasiwi 're i'aiwazé mono da si, iwẽ hã. Duré asisãnawã norĩ nhib'apito na 're i'aihâimana mono da si, iwẽ hã. Duré ana zé're hawi a'uwẽ norĩ hã, asõ'remhã aima 're isiwẽ'ẽ za'ra mono da si, iwẽ hã. Tawamhã duré iwasédé te te aima 're ipisutu za'ra mono norĩ ma hã, 'Re ihâimana u'âsi mono, ta norĩ ma, iwasédé te te tãma 're ipisutu za'ra mono da si, iwẽ hã. Duré iwẽ te te aima 're ipisutu za'ra mono norĩ ma, 'Re ihâimana u'âsi mono, iwẽ te te tãma 're ipisutu za'ra mono da si, iwẽ hã.”

Zenezi 29:35

Taha pari duré apâ wasã wamhã, ma tô duré i'ra tãma podo. Tawamhã ta hã ma tô sisi, Zuda na. Ãhã wa, te duré tinha ãne: — Uburé Danhib'apito ãma wa za tô oto 're ĩwata. Taha parimhã oto 'ra zahu õ di a'â, Léia hã.

Zenezi 42:6

Tahawa, Zuzé dama i'rãnho'õmo dâ'âsina daza'rui amoi hawi 're idasihutu mono ma hã ma tô amnho te te dama 're awede. Tawamhã idub'rata norĩ itẽme sihutu wamhã, ma tô isõ'remhã hi'rãtitõ tãma asimro. Ma tô duré ti'ubu na ti'ai u hã tãma roptob za'ra.

Zenezi 46:12

Zuda, ti'ra norĩ ãne isisi za'ra norĩ me: Sela, Peresi, duré Zera. (Duré maparane i'ra hâiba amo norĩ hã, Er, duré Ona, Cana'ã ãma tiwi isi'ré zahuré hã.) Duré Peresihi 'ra norĩ hã, Hezirõ, duré Hamul.

Hebreu 10:13

Tame te oto Cristu hã sô 're simipari u'âsi, 'Re ihâimana u'âsi mono hã tinhitob'ru norĩ nhiptetezé hã te te tiwi i'uprosi za'ra zéb zô hã, tãma sib'uwa uptabire na 're hâimana za'ra mono da oto, ta norĩ hã.

Hebreu 7:14

Wanhib'apito hã Zudaha nhihudu, te 're hâimana. Ãne hã dama waihu'u pese uptabi di, iwasu'u na hã. Mozési hã, Zudaha nhihudu norĩ ãma te te dama ãma rowasu'u õ di, sasedoti na te te da'ãma 're i'mairomhuri mono da hã.

Zozué 10:24

ma tô Zozuéhé tẽmemhã te te siwi simro. Tahawa, Zozué te sô tihârâ za'ra, aibâ norĩ Izaraéu nhihudu zô. Duré isiré isi'aba'ré norĩ ma hã ma tô tãma waihu'u za'ra, dasi'wapéi 'manharĩ'wa norĩ 'madâ'â'wai ma, ãne: — We ãwa ai'aba'réi wa'aba, ã hã apito norĩ butu nhisiwi, aipara hã sõré wa'aba da. Tahawa ma tô ãne ta norĩ hã tãma 'manharĩ za'ra.

Apocalipsi 11:15

Tawamhã 7 ãma hâiwa ãma romhuri'wa hã ma tô tinhimnhihârâzém na amnhihârâ. Simnhihârâ wi, hâiwa ãma damreme 'rãihâ hã wa tô wapa. Ãne te nharĩ za'ra: — Satanasihi nhimi'madâ, 're danomro mono da, ma tô da te dasima 're wẽ za'ra aré, daro mono bâ. Tane nherẽ, ropâ te za oto 'Re ihâimana u'âsi mono nhimi'madâ'â si 're danomro, Wanhib'apito nhimi'madâ hã. Danho'reptui'wa da, te te ipisutu nhimi'madâ'â zama te za 're dahâimana za'ra oto. Wanhib'apito hã te za tô te te 're da'ab'madâ'â u'âsi oto, õne u'âsi.

Apocalipsi 5:5

Tawamhã 24 na dama ipire norĩ te misi ĩma tinha, ãne: — Aiwa'õ tõ. Ma'ãpé 'madâ'â. Õhõta te za, hu'u zérépa, Zudaha nhihudu. Ta hã apito Dawihi nhihudu, za isine pire na te te 're ida'ab'madâ'â mono da hã. Ta hã uburé dama waihu'u pese uptabi di. Ta hã tinhitob'ru norĩ nhimiromhuri wasété nhiptetezé hã ma tô tiwi uprosi za'ra. Tahawa, te õhõ si sada tihâiba, 7 na i'uptobzé hã te te i'aprub da hã, duré ibaihâ isinhai ré te te isõ'a da hã.

Zuize 20:18

Tawamhã Izaraéu nhihudu norĩ, Bétéu ãma Uburé Danhib'apito ãma 're iwata za'ra mono zéb u ma tô ai'aba'ré. Si'aba'réi wamhã, ma tô ãne 'Re ihâimana u'âsi mono hã siwi sadanha: — E ma hã te za wate a'uwẽ norĩ imorĩ'rata na, Bẽzamihĩ nhihudu norĩ hã siwi 'wapé. Tawamhã Uburé Danhib'apito, ma te ãma sada'âbâ za'ra ãne: — Zudaha nhihudu norĩ.