Zenezi 49:6 - ꞌRe Ihâimana Uꞌâsi Mono Zadawa Wasuꞌu

⁶ Isimiroti zahuré 'remhã wa hã ĩhâimana õ di za. Duré te te ida'rã'õtõ zahuré zéb ãma hã ime zahuré ĩhâimana õ di za, siti'ru zahuré ré, aibâ norĩ hã te te uprosi zahuré wa, duré sima to zahuré na powawẽ iba'õmo norĩ hã te te amorĩ'õ zahuré wa.

Zenezi 49:6 ပူးပေါင်းရင်းမြစ်များ

Zenezi 34:30

Tahawa te Zaco, Simiã norĩ ma, Levihi me, tãma nharĩ zahuré ãne: — A norĩ wa'wa ma tô ropire ĩzada iwazere 'wa. Tahawa te za a'uwẽ cananeu norĩ, perizeu norĩ, duré uburé ã hã ti'ai 're, 're idahâimana za'ra mono norĩ hã te te siwi 're ĩ'ruiwapari u'âsi. Duré ĩnhib'a'uwẽ si'aibâ norĩ ahâ õ di, wa hã. Tahawa ĩzada si'rã'õtõ wa, te te duré siwi ĩ'wapéi wamhã, te za uburé ĩsiwapru norĩ hã duré ĩ'ra norĩ hã ai'utõ.

Salmu 1:1

Iwasété norĩ nhimiroti na 're ihâimana mono õ hã, iwasété norĩ hâimanazé nhizusi'õ'wa hã, duré 'Re ihâimana u'âsi mono nhimiroti zarina 're ihâimana za'ra mono norĩ ãma, 're idawa'ẽ za'ra mono norĩ siré 're isãmra mono õ hã te rowẽ na si to sina hã 're hâimana!

Salmu 103:1

Uburé Danhib'apito, ĩpẽ'ẽ na ai'ãma 're ĩwata mono da si, wa ĩsima te 're 'ruiwapari u'âsi! 'Re ihâimana u'âsi mono, marĩ iwasédé, ai'ãma 're ihâimana mono õ ãma, uburé ĩnhiptede ĩma 're ihâimana mono na, ai'ãma 're ĩwata mono da si, duré ĩma iwẽ hã!

Salmu 16:9

Tahawa, ĩpẽ'ẽ 'remhã ĩma robzei uptabi mono di. Duré ĩma hã rowẽ za'ẽtẽ di. Wa duré ĩsima iwẽ na ĩsina ĩhâtâ'â ãna 're ĩnhamra.

Salmu 5:10

'Re ihâimana u'âsi mono, ma'ãpé ta norĩ nhimi'manharĩzéb zarina tãma rob'manharĩ za'ra na. Tinhimirowa'õno, 'râwi te te sima 're i'manharĩ za'ra mono hawim na, te te 're irobzépata za'ra mono u, 're irere'e mono da si, ibâre hã. Ma'ãpé ta norĩ hã asõ're hawimhã 're azatõrĩ mono, tiwasété si hã te te 're 'manharĩ u'âsi za'ra mono wa, duré apâ aiwi 're sipizari za'ra mono wa.

Provébiu 1:11

Ta norĩ hã te te aima nharĩ za'ra wamhã ãne: “We aimorĩ, wa te wasiwi da'maiwĩrĩ da! Taré nherẽ, rosa'rese õ ré, oto wa te wasiwi da'mairési aba, wa te ãma wasima rowẽ za'ra da, ni'wam norĩ hã marĩ te te upa za'ra õ nherẽ!

Provébiu 12:5

Sena na 're ihâimana za'ra mono norĩ nhimirowa'õno hã i'uwaibaba na si te 're hâimana. Tane nherẽ, iwasété norĩ nhimiroti hã da'rãiwamnarĩ da si te 're hâimana.

Luca 12:19

Taha parip si, wa za ĩsima tinha, ãne: ‘Ãhã na ĩma rowẽ di. Marĩ hã ahâ na, te ĩza daba'wara, iwẽ hã. Ĩwi iropsi'utõrĩ da hã, mare di. Wahub ahâ na, te za ĩ'ãma tiwahu, ĩsa hã ĩma 're hâimana mono ré hã. Wa za oto 're ĩwa'utu u'âsi. Ãté, te 're romhuri mono õ di za oto. Ãté ãhã na si, wa za oto 're ĩsa. Wa za duré te 're zâsi u'âsi. Marĩ na, wa za 're ĩto, ĩtozém na.’ ” Ãne te aibâ hã sima rosa'rata.

2 Corĩtu 6:14

Cristuhu zazei'wa na 're aihâimana za'ra wa'aba mono norĩ, isazei'õ'wa norĩ hâimanazéb zu, 're aihâimana za'ra wa'aba mono õ di za oto. Rowa'a na 're idanomro wẽ mono zé hã, duré robra na 're idanomro wasété mono zé hã, e aiwa bâ. Mare di. Aiwab õ di. Tahawa, isazei'õ'wa norĩ siré, 'râwi 're aihâimana za'ra wa'aba mono õ di za oto. Tô'ã.

Zozué 11:9

Tawamhã Zozué, Uburé Danhib'apito te te tãma i'ruzé hã ma tô 'manha. Awaru ite za'ra ma tô te te amorĩ'õ. Wedewara zapore na dasi'wapézém na ma tô duré te te ãma aro'o.

Zuize 5:21

Panho'u Quisõ na isisi, duréi pese 're isa'wari mono â pré wa, i'âpusi mono ma tô danhitob'ru norĩ hã te te sate. Ãhã wa, wa hã te ropãrĩ mono sina awa'awi na ĩpẽ'ẽ nhiptete na wa za 're mo, wa za tô 're mo!