Zenezi 49:4 - ꞌRe Ihâimana Uꞌâsi Mono Zadawa Wasuꞌu

⁴ A hã asitété waihu'u õ, â wara nhiptede 're ipraba mono ne. Tahawa, dama aipire na oto 're aihâimana mono õ di za, ĩmro prãi ré asõtõ wa, taha u'âbâ aimama nhimiwaptâ hã wazéb õ wa.

Zenezi 49:4 ပူးပေါင်းရင်းမြစ်များ

Zenezi 35:22

Tawamhã taha rob ãma Zaco 're hâimana mono ré, ma tô i'ra Rubẽ, Zacoho mro prã na Bira tãma ihâiba hã tiwi upi wasété. Ãne hã imama te te waihu'u wamhã, ma tô ab'rui pese. Zacoho 'ra uburé hã 12 na.

Zenezi 46:8

à norĩ hã Izaraéu nhihudu Ezitu u ma tô ai'aba'ré, Zaco, tinhihudu norĩ me, ãne isisi za'ra norĩ me: Rubẽ, Zacoho 'ra poto'rada,

1 Corĩtu 5:1

Tawamhã wa tô duré aiwasu'u wasété 'wa hã wapa, ni'wa airob za'ra wa'aba ãma asiré wa'aba nherẽ, pi'õ na hâimana wasété na 're ihâimana mono na hã. Ta hã te, u, timama mro tém na 're hâimana. Ãne hã wasété uptabi di, 'Re ihâimana u'âsi mono ma hã. Isazei'õ'wa norĩ hã 're hâimana wasété uptabi za'ra mono nherẽ, ta norĩ ma zama, wẽ za'ra õ di, ãne hã. Tane nherẽ, te asiré isazei'wa hã dame 're 'maihâimana wasété, aibâ hã. Ãne hã wasété uptabi di.

2 Pedru 2:14

Senai'õ na rowasu'u'wa norĩ hã te pi'õ iwasété norĩ zô te te 're rob'madâ'â u'âsi za'ra. Ta norĩ ma hã wẽ za'ra di, tiwasédé hã te te ãma 're i'manharĩ u'âsi za'ra mono zéb da hã. Hâimana nhipese na te ta norĩ hã 're nomro, da te ãma 're sasõmri za'ra mono da. Tawamhã ni'wam norĩ hã siptete sina Wanhib'apito ãma 're nomro mono õ wamhã, te za ta norĩ ãma te te 're sasõmri za'ra. Duré senai'õ na rowasu'u'wa norĩ hã te tinhimarĩ wẽ zô si, te te sima 're rob'ruiwapari u'âsi za'ra. Tahawa, ta norĩ hã tãma wẽ õ di, 'Re ihâimana u'âsi mono ma hã.

2 Pedru 3:16

Ãne na ma tô te te dama 're awaihu'u, Paulu hã te te dama ãma 're rob'ui'éré mono wamhã. Nimame te tihâimana za'ra, isimi'ui'éré pire hã. Ta hã dama pire za'ra di, da te 're iwaihu'u za'ra mono zéb da hã. Ãne wa, ma tô ni'wam norĩ hã isimiroti na te te ãma 're upa za'ra, te te 're waihu'u pese za'ra mono õ wa, wẽ nherẽ, isimiroti hã. Ta norĩ hã Wanhib'apito ãma siptete sina 're hâimana za'ra mono õ wa, ma tô Pauluhu nhimiroti na te te ãma 're upa za'ra. Duré 'Re ihâimana u'âsi mono nhimiroti 'rata na rob'ui'éré hâiba amo na zama, ma tô te te ãma 're upa za'ra. Tahawa, te za 'Re ihâimana u'âsi mono hã hâ za'ra.