Zenezi 49:25 - ꞌRe Ihâimana Uꞌâsi Mono Zadawa Wasuꞌu

²⁵ Aimama te, 'Re ihâimana u'âsi mono te za te te 're aipawapto. Iwaihu'u pese uptabi te za iwẽ hã te te aima 're anhomri, hâiwa hawi â hã, ti'ai 'rowi â hã, abaze norĩ i'ahâ hã, ai'ra i'ahâ hã,

Zenezi 49:25 ပူးပေါင်းရင်းမြစ်များ

Zenezi 35:11

Tawamhã ãne na zama te duré sina tãma tinha: “Wa hã 'Re ihâimana u'âsi mono, danhipai u pese ĩwaihu'u pese uptabi. Ma'ãpé atébré za, ai'ra ahâ da, duré asihudu ahâ da. Aihawimhã te za a'uwẽ misi ãma isitom na dasipu'u pese na daro mono bâ 're dasitébré. Duré asihudu norĩ 'remhã te za dama 're si'apito za'ra za.

Zenezi 28:13

Tahawa, te te isahoi mono 'remhã te Uburé Danhib'apito, sai'urizé zababamhã za. Ãhã wamhã, te tãma tinha ãne, ta hã: — Wa hã Uburé Danhib'apito, ai'rada Abra'ãhã te, duré Izaqui aimama te, 'Re ihâimana u'âsi mono. Ti'a iwa i'anomrozé hã wa za aima tisõ. Asihudu norĩ ma zama wa za tãma sõmri za'ra.

Filipu 4:19

A norĩ wa'aba ma zama, te za 'Re ihâimana u'âsi mono hã Ĩnhib'apito hã uburé marĩ hã iwẽ uptabi hã te te aima 're sõmri za'ra wa'wa sa'ẽtẽ na, marĩ zô aiwi 're rowaptâ'â za'ra wa'aba mono wamhã, duré aiwi 're robzei'õ za'ra wa'aba mono wamhã. Tinhibro hã te za sa'ẽtẽ na te te aima 're sõmri za'ra wa'wa iwẽ hã, Cristu Zezusihi ãma tô sena 're anomro aba mono zéb zarina.

1 Timotiu 4:8

Ãne wa za duré aima waihu'u. Ãté ni'wam norĩ hã te za te te sima 're pisutu za'ra, 're sihâiba wairob za'ra mono da, dahâiba wairobzé hã wẽ wa, dahâiba ma hã. Ãne hã dama 're rowẽ za'ra mono nherẽ, 'Re ihâimana u'âsi mono nhimiroti zarina 're danomro wẽ mono da, da te dasima 're pisutu pese za'ra mono wamhã, dama 're rowẽ uptabi za'ra mono di za. Rowẽ na te za ãma 're danomro, ti'ai ãma, hâiwa ãma zama. Tô sena wa tô aima rowaihu'u. Ãhã wasu'u hã tô sena wa, aihĩni te za da te ãma 're saze za'ra.

Zenezi 43:23

Tawamhã 'ri 'madâ'â'wa asa ma te ãne ãma sada'âbâ za'ra: — Asima iwẽ na aihâimana za'ra wa'aba, aipahi za'ra wa'aba ãna. Ãté 'Re ihâimana u'âsi mono, ate za'ra wa'wa hã, duré aimama te wa'wa hã ma tô rob'uiprazé apâ hã aima séme za'ra wa'wa. E marĩ wa. Wa hã wa tô irowa'âbâ za'ra wa'aba zé rob'uiprazé hã ti'â tô. Tawamhã 'ri 'madâ'â'wa ma tô Simiã itẽmeb za'ra hã oto saprõ.

Zenezi 27:28

Ĩ'ra, 'Re ihâimana u'âsi mono, hâiwa hawi atébré hã te te aima 're sõmri mono da si, iwẽ hã. Duré rom na aiburu na 're irob're mono, aima 're 'rãipese mono da si iwẽ hã, amnho norĩ hã, uwa 'rãi wa'u isé me.

Éfézu 1:3

'Re ihâimana u'âsi mono hã sõpru uptabi di, Wanhib'apito Zezu Cristuhu mama hã. Ta hã Cristuhu ãma 're wanomro mono wa, ma tô marĩ mono bâ wama ãma 're sõpru, uburé marĩ iwẽ na, hâiwa hawi. Tahawa, wama 're sõprub za'ra mono wa, ãma 're wawata u'âsi za'ra wa'aba mono za.

Zenezi 28:21

rowẽ na apâ ĩhâiba ré ĩmama nhorõwa u ĩwisi wamhã, a hã te za Ĩnhib'apito, ĩte 'Re ihâimana u'âsi mono na hã 're aihâimana mo.

Mateu 6:33

'Re ihâimana u'âsi mono hã ãma 're isib'a'uwẽ za'ra mono norĩ ma, iwẽ uptabi hã te te tãma 're isõmri za'ra mono zéb zô si, te za asima 're asõpré u'âsi aba mo. 'Re ihâimana u'âsi mono te te sima 're aiwẽ za'ra wa'aba mono zéb zarina si, 're anomro wẽ wa'aba mono da, te za asima 're iwẽ u'âsi za'ra wa'aba mo. Tawamhã ãhã zô si 're asõpré wa'aba mono wamhã, marĩ zô aiwi 're irowaptâ'â za'ra wa'aba mono zéb uwaibaba, te za tô te te aima 're anhomri 'wa, Aimama 'wa hã.

Zenezi 35:3

Ma'ãpé asima rob'ubumro za'ra wa'aba, Bétéu u wasi'aba'ré da. Tame wa za 'Re ihâimana u'âsi mono, te robzépata ré, te te 're ĩpawapto mono ma hã, duré uburé daro mono bâ 're ĩmorĩ ré, ĩsiré 're ihâimana mono ma 'manha, ẽtẽ za'ra hã.

Zenezi 17:1

Tawamhã Abrãhã ãma 99 na iwahub ãma, ma tô Uburé Danhib'apito tãma sihâi'ré. Tahawa, ma tô ãne tãma tinha: — Wa hã 'Re ihâimana u'âsi mono, ĩwaihu'u pese uptabi. Aipẽ'ẽ na te za ĩ'ãmap si 're aimo. Te za duré ĩmreme 're iwapari pese mo.

Zenezi 28:3

'Re ihâimana u'âsi mono danhipai u iwaihu'u pe, iwẽ hã te te aima 're i'apisutu mono da si, wa ĩsima wẽ. Duré asihudu norĩ ahâ uptabi na aihawimhã a'uwẽ mono bâ sipu'u pese na 're isitébré mono da si, wa duré ĩsima wẽ.

Zenezi 32:9

Tawamhã Zaco, ãne te 'Re ihâimana u'âsi mono ma hã mre: — Uburé Danhib'apito, ĩhi'rata Abra'ãhã te, duré ĩmama Izaquihi te 'Re ihâimana u'âsi mono, ma'ãpé aima ĩmremezém na hã ĩwapari. A hã ma tô we ĩzatõ, apâ ĩnhipti'ai u we ĩmorĩ da, ĩsiwapru norĩ u. Duré iwẽ na si ĩma romhâimana mono da hã, ma tô ĩma iropisu.

Zenezi 48:3

Tawamhã oto itẽme wisi wamhã, ma tô ãne Zuzéhé ma tinha: — 'Re ihâimana u'âsi mono danhipai u iwaihu'u pe, 'ri nho'u Rowa'a na isisi ãma ma tô ĩma sihâi'ré, Cana'ã ti'ai ãma 're ĩhâimana mono ré. Tahawa, ma tô ĩwẽ hã ĩma pisutu.

Ezodu 18:4

Ihâiba amo nhisi hã, Eriézé na. E marĩ wa. Mozési te te nharĩ wa ãne: “Ĩmama te, 'Re ihâimana u'âsi mono ma tô ĩnho'reptu, Ezitu ãma apito Fara'oho nhi'wa pa wi hã.”