Zenezi 49:22 - ꞌRe Ihâimana Uꞌâsi Mono Zadawa Wasuꞌu

²² “Zuzé hã te rowede, â na'rata 'rata 'rãi pese na 're isa mono ne 're hâimana, ipanhipti 'ri 'wawi wa'ra 'rãihâ na hâimo te te 're irowaibui mono ne.

Zenezi 49:22 ပူးပေါင်းရင်းမြစ်များ

Zenezi 41:52

Tawamhã duré isãna're ipodo hã ma tô sisi, Efraĩ na. Tahawa te duré tinha ãne: “'Re ihâimana u'âsi mono, ma tô ĩ'ra hã ĩma sõmri zahuré, ti'ai wa'õtõ nho'õmo 're, te 're irobzépata mono zéb 'remhã”.

Zenezi 46:27

Tawamhã Zuzéhé 'ra norĩ Ezitu ãma maparane ma tô tipoto zahuré. Ãhã wa Zacoho hawi a'uwẽ norĩ hã, Ezitu u isi'aba'ré norĩ hã 70 na ihâiba za'rata za'ra na.

Zenezi 48:1

Tawamhã we ronomro pari, te Zuzéhé ma imama hã tãma wasu'u ni, ihâzé pire na. Tahawa, te Zuzé te te sabu da itẽme mo, ti'ra Manasé norĩ ré, Efraĩhĩ me.

Zenezi 48:15

Taha pari ma tô ti'ra Zuzéhé ãma, 'Re ihâimana u'âsi mono ma hã mre, ãne: “'Re ihâimana u'âsi mono, ĩmama norĩ Abra'ã, Izaquihi me te te aima 're iromhuri zahuré mono hã ma'ãpé ã hã ipréduptém norĩ ma, iwẽ hã tãma 're apisutu zahuré mono. Duré 'Re ihâimana u'âsi mono, ibâ na 're ĩmorĩ ré ã bâtâ u hã ĩnhimizama 'madâ'â na 're ĩhâimana mono ré, we ĩzaprõni wẽ 'wa, ma'ãpé iwẽ hã tô tãma 're apisutu zahuré mono.

Zenezi 48:16

Hâiwa ãma romhuri'wa uburé marĩ iwasété wi te te 're ĩpawapto mono 'wa hã, ã hã 'watébrémi norĩ iwẽ na te te 're ipawapto zahuré mono da si, ĩma iwẽ hã. Ĩnhisi na duré ĩmama norĩ Abra'ãhã nhisi na Izaquihi nhisi me ã norĩ hâiba u'âbâmhã ãma 're idasipo're pu'u u'âsi za'ra mono da si, ĩma iwẽ hã. Duré i'ra norĩ isihudu norĩ zama daro mono bâ isitébré za'ẽtẽ za'ra mono da hã wa aiwi waptẽ.”

Zenezi 48:5

Tawamhã Zaco ma duré timreme na Zuzéhé ma, ãma uzusi ãne: — Ai'ra Efraĩ norĩ hã, Manaséhé me we ãwa ĩmorĩ wana ré, Ezitu 're ãme ipoto zahuré hã, te za ĩte na ĩma 're hâimana zahuré. Ĩte uptabi na hã te za ĩma 're hâimana zahuré, Rubẽ norĩ, Simiãhã me, ĩte na ĩma 're ihâimana zahuré mono ne.

Zenezi 49:23

Isitob'ru norĩ hã te za siwi susi, sada siwa'ro za'ra sina. Tahawa, te za siwi sama, tinhimnhi'ãsi na, duré tite za'ra ti'i na.