Zenezi 49:18 - ꞌRe Ihâimana Uꞌâsi Mono Zadawa Wasuꞌu

¹⁸ “Uburé Danhib'apito, ĩte 'Re ihâimana u'âsi mono, ĩnho'reptubzéb zô si wa 're ĩnhimipari u'âsi.

Zenezi 49:18 ပူးပေါင်းရင်းမြစ်များ

Zenezi 49:17

Ta hã wahi, bâdâdi zada'ré 're isa'wari mono ne, te za 're hâimana, awaru 'mapraba'wa, ibabarãi u waptã'ã da, awaru ipara'õtõ wi te te isari ne hã.

Salmu 119:41

Uburé Danhib'apito, 're ĩzawi pese mono zém na ma'ãpé ĩ'ãma asihâi'ré na. Duré ĩnhitob'ru norĩ na hã ĩma ba'a, asimiropisudu i'manharĩzéb zarina.

Salmu 14:7

Izaraéu nhihudu norĩ nho'reptuzé hã Zeruzalẽ hawi ihâimana da hã, wa ĩsima wẽ. Uburé Danhib'apito, Zacoho nhihudu norĩ apâ te te simarĩ pese za'ra wamhã, te za to sina 're hâimana za'ra oto.

Salmu 40:1

Uburé Danhib'apito nhimipawaptobzéb zô, wa tô ĩwa'a ãna sô 're ĩnhimipari. Ãhã wa, ma tô ĩwapa. Te te ĩpawaptob da, ĩmreme te tiwi iwaptẽrẽzé hã ma tô wapa.

Ezodu 15:2

Uburé Danhib'apito hã siptete na ĩ'wawi 're isimapa mono 'wa; Õ hã ma tô ĩnho'reptu. Õ hã, ĩte 'Re ihâimana u'âsi mono wa, wa za ãma ĩwata. Õ hã duré, ĩmama te 'Re ihâimana u'âsi mono. Iwaihu'u pese na zama ĩnho're na hã wa za duré ãma 're ĩwata u'âsi.

Provébiu 14:32

Ropire hã iwasété norĩ zô 're pusi mono wamhã, te za te te 're uprosi. Tane nherẽ, sena na 're ihâimana za'ra mono norĩ, tãma romnhimimnhasi na 're hâimana za'ra mono nherẽ, te i'uwaibaba na si 're ihâimana za'ra mono zéb zarina isimapazé hã tãma 're hâimana za'ra.

Mateu 1:21

I'ra hã 'watébrémi na te za tãma podo. Tawamhã Zezusi na te za isisi. Danho'reptui'wa te wasu'u, isisi hã. Taha si te za tinhib'a'uwẽ hã te te 're anho'reptu, iwasété hawi, duré 'Re ihâimana u'âsi mono te te 're idahâ za'ra mono zém hawi.

Luca 1:30

Tawamhã te duré tãma tinha, hâiwa ãma romhuri'wa hã: — Maria, aipahi tõ. 'Re aimorĩ wẽ na, ma tô 'Re ihâimana u'âsi mono hã aiwẽsã.

Luca 2:25

Tawamhã aibâ hã te 're sãmra Zeruzalẽ ãma, Simiã na isisi hã. Wẽ na te 're mo, Simiã hã. 'Re ihâimana u'âsi mono nhimiroti hã te te 're 'madâ'â pese. Danho'reptui'wa zô, te 're simipari u'âsi, Izaraéu nhihudu norĩ te te sõ'reptu za'ra da.

Luca 2:30

Wa hã ĩtõmo na, wa tô oto sabu, danho'reptui'wa da hã.

Roma 8:19

'Re ihâimana u'âsi mono hã uburé te te i'apoto mono hã, simisutu te umnhasi sina sô 're simipari za'ra, bâdâ iwa iwaptã'ãzéb zô, uburé ti'ra na sõ'awi za te te oto dama iwasu'u hâi'ré za'ra zô.

Galata 5:5

Ãnei õ di, wa norĩ hã. Cristu Danho'reptui'wa na, wa tô wasina wa te 're saze za'ra. Taha zarina, wa wasina sô 're wanhimipari za'ra, rob'rãsutuzéb ãma, 'Re ihâimana u'âsi mono te te wama iwaihu'u za'ra zéb zô, wawasédé te te oto wa'ãma 're i'ab'madâ'â mono õ zéb zarina, te te 're iwa'awẽsãmri mono zém na. Ãne 'Re ihâimana u'âsi mono pẽ'ẽzani te te wama 're i'awaihu'u mono zéb zarina, wa wasina sô 're wanhimipari za'ra oto.

1 Tesalonita 1:10

I'ra hã hâiwa hawi apâ we imorĩzéb zô, te 're simipari u'âsi za'ra, ab're hawi apâ te te ihâiwa'utu zô.” Ãne te wama aiwasu'u za'ra wa'wa. Tane tô. Ta hã Zezusi hã, Wanho'reptui'wa. Ma tô wanho'reptu za'ra, 'Re ihâimana u'âsi mono hã za te te idahâ za'ra zé wi hã.