Zenezi 48:3 - ꞌRe Ihâimana Uꞌâsi Mono Zadawa Wasuꞌu

³ Tawamhã oto itẽme wisi wamhã, ma tô ãne Zuzéhé ma tinha: — 'Re ihâimana u'âsi mono danhipai u iwaihu'u pe, 'ri nho'u Rowa'a na isisi ãma ma tô ĩma sihâi'ré, Cana'ã ti'ai ãma 're ĩhâimana mono ré. Tahawa, ma tô ĩwẽ hã ĩma pisutu.

Zenezi 48:3 ပူးပေါင်းရင်းမြစ်များ

Zenezi 17:1

Tawamhã Abrãhã ãma 99 na iwahub ãma, ma tô Uburé Danhib'apito tãma sihâi'ré. Tahawa, ma tô ãne tãma tinha: — Wa hã 'Re ihâimana u'âsi mono, ĩwaihu'u pese uptabi. Aipẽ'ẽ na te za ĩ'ãmap si 're aimo. Te za duré ĩmreme 're iwapari pese mo.

Zenezi 17:6

Asihudu ahâ uptabi di za. Te za duré ta norĩ 'remhã nima norĩ dama 're si'apito za'ra.

Zenezi 28:3

'Re ihâimana u'âsi mono danhipai u iwaihu'u pe, iwẽ hã te te aima 're i'apisutu mono da si, wa ĩsima wẽ. Duré asihudu norĩ ahâ uptabi na aihawimhã a'uwẽ mono bâ sipu'u pese na 're isitébré mono da si, wa duré ĩsima wẽ.

Zenezi 48:2

Ãhã wa, Zacoho ma, ma tô tãma 'mairowasu'u ni ãne: — Ai'ra Zuzé te te asabu da te wei mo. Ãne wa, Zaco nimaire nherẽ, sahâ na sãmra da ma tô siptete sina udu.

Zenezi 49:25

Aimama te, 'Re ihâimana u'âsi mono te za te te 're aipawapto. Iwaihu'u pese uptabi te za iwẽ hã te te aima 're anhomri, hâiwa hawi â hã, ti'ai 'rowi â hã, abaze norĩ i'ahâ hã, ai'ra i'ahâ hã,

Ezodu 6:3

Wa tô Abra'ãhã ma, 'Re ĩhâimana u'âsi mono ĩwaihu'u pese na tãma ĩsihâi'ré, Izaquihi ma, duré Zacoho ma hã. Tane nherẽ, Uburé Danhib'apito uptabi na ĩnhisi na tãma ĩsiwaihu'u za'ra õ di.

Apocalipsi 21:11

'Re ihâimana u'âsi mono nhimirowa'a na, te 'ri nho'u hã tirowa'a za'ẽtẽ. Ẽtẽ'ubuzi zarob'a si'ubuzi ne, ma ai'ubuzi, 'ri nho'u hã.

Zuize 1:23

Tahawa, ma tô Bétéu duréihã Rowa'a na isisi u hã, dama wapsãi'a'wa norĩ hã siwi 'mazatõrĩ za'ra.