Zenezi 48:18 - ꞌRe Ihâimana Uꞌâsi Mono Zadawa Wasuꞌu

¹⁸ Taha ré, te ãne ãma tãma tinha, timama ma: — Ĩmama, mare di. Ta hãi õ di. Ãhãta idub'rada. Ma'ãpé asib'rata nhimire niwĩmhã, asib'rada i'rã nhisi wimhã ãma hiri.

Zenezi 48:18 ပူးပေါင်းရင်းမြစ်များ

Zenezi 19:18

Tane nherẽ Lo, ma te duré ãne asa ãma tãma wa'rã: — Ĩnhib'apito, ãne te 'manharĩ da hã ĩma 'rui õ di za. Ĩ'ãma aiwamri na, ĩzawi na hã!

Zenezi 27:15

Taha pari, Rebeca ma tô Ezau uza ihâi wẽ uptabi 'ri 're inomro hã ti'â. Taha na ma tô Zaco hã ãma uza.

Zenezi 29:26

Tawamhã Labã ma te asa ãma sada'â ãne: — Ãhã ti'ai 're, 're iwahâimana za'ra mono zé hã, dano uimrehẽne dadub'rata wana, 're mro za'ra mono da, aibâ ma hã da te tãma 're sõmri za'ra mono õ di.

Zenezi 43:33

Tawamhã isisãnawã norĩ hã te Zuzéhé nho'remhã asimro. Ãhã wa, Zuzé ma tô dadub'rata uimrehẽne tisã. Isãna'remhã ma tô duré isõsi hã tisã. Ta hawimhã 're irere'e mono sidâpâsi ma tô te te anhoré, tidub'rata norĩ hã õ tinoi u. Ãne na õ norĩ si'madâ'â za'ra wamhã, ma tô si'madâ'â pese za'ra, si'ãma tob'uzu za'ra sina.

Zenezi 48:17

Tawamhã Zuzé, timama nhib'rada, Efraĩhĩ 'rã nhisiwi te te ihiri na te te 'madâ'â wamhã, ma tô wẽ'õ. Tahawa Efraĩ 'rãi hawimhã, ma tô sib'rata â, Manaséhé 'rã nhisiwi te te sib'rata hiri da aré.

Zenezi 48:19

Tane nherẽ, Zaco te te sima wẽ'õ di. Tahawa te ãne tãma tinha: — Ĩ'ra, ĩma waihu'u pese di tô. Manaséhé nhihudu norĩ zama te za dama pire na 're hâimana za'ra. Tane nherẽ, ino hã te za pire na isipai u tãma 're hâimana. Duré isihudu norĩ hã te za a'uwẽ mono bâ sipu'u pese na 're sitébré ahâ za'ra.

Zenezi 49:3

“Ĩ'ra Rubẽ, a hã imorĩ'rata na dama aipoto 'rada. A hã, ai'uté poto 'manharĩzém na ĩnhiptetezé hã ma tô asina ĩma 're isani mo, asô 're ĩzapa'a mono wamhã. Duré imorĩ'rata na ĩhâiba hawi ĩnhiptetezéb zarina ĩma 're i'aihâimana mono, 'râwi asi'madâ'â ze za'ẽtẽ na 're i'aihâimana mono, duré ĩ'ra asisãnawã norĩ nhipai u asiptete na 're i'aihâimana mono.

Ezodu 10:11

Tahawa aihĩni ai'aba'réi wa'aba da nherẽ, mare uptabi di za. Aibâ si te za ai'aba'réi wa'wa, Uburé Danhib'apito ãma aiwata za'ra wa'aba da hã, ãne hã asima iwẽ za'ra wa'aba zéb zarina. Tawamhã Mozési norĩ Arãhã me, ma tô apito hawimhã rob u oto tãma rob'ru zahuré ni.

Mateu 25:9

— Tawamhã asa ma te ãma tãma wa'rãmi za'ra, ãne: “Rob'rãi wa'u to hã wa te aima sõmri za'ra wa'aba õ di za. Mara wab õ di za, wa te aima a za'ra wa'aba wamhã. Te za wawi ai'utõrĩ za'ra. Ma'ãpé tiha, da te 're i'uipra za'ra mono zéb u, sô ai'aba'ré wa'aba waptu na, tamemhã asima 'mai'uipra za'ra wa'aba da.” Ãne te satõrĩ za'ra, tisiré norĩ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:14

Tawamhã asa te tãma tinha, ãne: — Ĩnhib'apito, mare uptabi di. Marĩ iwasétére hã te 're 'masi mono õ di, wahi'rada Mozési hã te te wawi isawi zahi za'ra hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 11:8

Tawamhã wa asa duré tãma tinha, ãne: “Ĩnhib'apito, mare di. Marĩ hã iwasétére hã te 're 'masi mono õ di, wahi'rada Mozési hã te te wawi isawi hã.” Ãne wa tô asa tãma tinha.