Zenezi 48:16 - ꞌRe Ihâimana Uꞌâsi Mono Zadawa Wasuꞌu

¹⁶ Hâiwa ãma romhuri'wa uburé marĩ iwasété wi te te 're ĩpawapto mono 'wa hã, ã hã 'watébrémi norĩ iwẽ na te te 're ipawapto zahuré mono da si, ĩma iwẽ hã. Ĩnhisi na duré ĩmama norĩ Abra'ãhã nhisi na Izaquihi nhisi me ã norĩ hâiba u'âbâmhã ãma 're idasipo're pu'u u'âsi za'ra mono da si, ĩma iwẽ hã. Duré i'ra norĩ isihudu norĩ zama daro mono bâ isitébré za'ẽtẽ za'ra mono da hã wa aiwi waptẽ.”

Zenezi 48:16 ပူးပေါင်းရင်းမြစ်များ

Zenezi 22:11

Tane nherẽ, te te sada sarõtõ wi, Uburé Danhib'apito te, hâiwa ãma romhuri'wa, te hâiwa hawi 'mahâ ãne: — Abra'ã. Abra'ã. — E marĩ. Ãhãta wa za. — Ãne ma asa sada'â.

Zenezi 22:15

Tawamhã Uburé Danhib'apito te, hâiwa ãma romhuri'wa te duré 'mahâ hâiwa hawi, Abra'ã hã.

Zenezi 32:28

Tawamhã te duré tãma tinha ãne: — Asisi õ di za oto, Zaco na. 'Re ihâimana u'âsi mono ma tô i'wapé. Duré aibâ norĩ zama ma tô i'wapé za'ra. Tahawa, ma tô ãma i'ai'uté za'ra. Ãhã wa, asisi hã za oto Izaraéu na.

Zenezi 46:3

Tawamhã 'Re ihâimana u'âsi mono, te ãne tãma tinha: — Wa hã 'Re ihâimana u'âsi mono, aimama te, 'Re ihâimana u'âsi mono na 're ĩhâimana mono. Tahawa aipahi ãna ma'ãpé aimorĩ, Ezitu u hã. Tame wa za asihudu norĩ, ahâ uptabi na sitébré da hã tãma pisutu za'ra, a'uwẽ misi ãma isitom na dama siptete na 're hâimana za'ra mono da.

Zenezi 48:5

Tawamhã Zaco ma duré timreme na Zuzéhé ma, ãma uzusi ãne: — Ai'ra Efraĩ norĩ hã, Manaséhé me we ãwa ĩmorĩ wana ré, Ezitu 're ãme ipoto zahuré hã, te za ĩte na ĩma 're hâimana zahuré. Ĩte uptabi na hã te za ĩma 're hâimana zahuré, Rubẽ norĩ, Simiãhã me, ĩte na ĩma 're ihâimana zahuré mono ne.

Zenezi 49:22

“Zuzé hã te rowede, â na'rata 'rata 'rãi pese na 're isa mono ne 're hâimana, ipanhipti 'ri 'wawi wa'ra 'rãihâ na hâimo te te 're irowaibui mono ne.

Salmu 34:2

Marĩ iwẽ te te 're i'a'manharĩ mono zé u'âbâ wa za ãma 're ĩwata. Da te 're iwati'i za'ra mono norĩ, ãne hã te te 're wapari za'ra mono wamhã, te za tipẽ'ẽ na te te sima 're rowẽ za'ra.

Salmu 34:22

Uburé Danhib'apito, te tinhib'a'uwẽ norĩ pẽ'ẽzani hã te te 're anho'reptu. Duré i'wawi 're isimapa za'ra mono zéb zô 're isõpré mono norĩ si, te za tinhimihâzé hã te te tãma 're aba'a.

Salmu 34:7

Hâiwa ãma Uburé Danhib'apito ma, Romhuri'wa te uburé te te 're iwazéb za'ra mono norĩ 'wawimhã 're hâimana, marĩ isimimnhasi wi, te te 're a'madâ'â mono da.

Salmu 34:8

Ma'ãpé niha zô tẽ'ẽ za'ra wa'aba, Uburé Danhib'apito wẽ na 're ihâimana mono na waihu'u za'ra wa'aba da. Ni'wam norĩ hã 'Re ihâimana u'âsi mono, i'wawi 're isimapa za'ra mono zéb zô 're isõpré mono norĩ si, te za to sina hã 're hâimana u'âsi za'ra.

Ezodu 1:7

Tane nherẽ, Izaraéu nhihudu norĩ ma tô Zuzéhé uirĩ na Ezitu ãma 're hâimana za'ra mono ré hã atébré za'ẽtẽ za'ra, ahâ uptabi na. Tahawa, siptete na duré dama simimnhasi na ma tô 're hâimana za'ra. Tahawa daza'rui mono bâ ma tô te te ropé.

Mateu 6:13

Duré, 're wa'ab'madâ'â nhimini mono õ di za, Wa'uburé hã te te 're wa'a'upi mono wa, wawasété u 're warere'e tõ mono da. Ma'ãpé, 're wa'anho'reptui u'âsi mono, iwasété uptabi wi.”

Zuwã 17:15

Ãne na hã te ãma aima wasu'u za'ra õ di, ĩzazei'õ'wa norĩ wi, ãma asitẽme waibu da. Wa'uburé wi, iwasété uptabi wi, ãma 're asisaprĩ u'âsi za'ra mono da, wa ãne ãma aima wasu'u za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 15:17

Tawamhã zudeu'õ norĩ zama te za ĩzô 're sõpré, ĩnhib'a'uwẽ da, te ĩsima ipisutu za'ra norĩ hã te te 're ĩzaze za'ra mono da.

Roma 8:23

Tane nherẽ, uburé ropodo hã ta norĩ si 're wab'ẽtẽ za'ra mono õ di. Wa norĩ zama, wa 're wawab'ẽtẽ u'âsi za'ra, 'Re ihâimana u'âsi mono hã tinhoprubzéb zarina, imorĩ'rata na Tipẽ'ẽzani, te te wama 're anhomri mono wa, wapẽ'ẽ 're, 're isãmra u'âsi mono da hã. 'Râwi wapẽ'ẽ na, wa 're wawab'ẽtẽ u'âsi za'ra, 'Re ihâimana u'âsi mono hã uburé ti'ra na sõ'awi za te te oto dama iwawasu'u hâi'ré za'ra zéb zô, 're wanhimipari za'ra mono ré. Duré ti'ab ré, wanhib'uware na wahâimana wasété na 're iwahâimana za'ra mono zém hawi, za te te 're iwa'awaibui mono zéb zô, 're wanhimipari za'ra mono ré, wa 're wawab'ẽtẽ u'âsi za'ra.

1 Corĩtu 10:4

 hã 'Re ihâimana u'âsi mono te te dama i'õb za'ra mono na ma tô duré da te 're âhuri, aihĩni pese. Ẽtẽ zahâbâ itõmo wawẽ sipo'ozém hawi 're ipu'u mono na, ma tô da te 're âhuri, isimipawaptobzéb zarina. Ẽtẽ zahâbâ hã a'ubuni wi 're isa mono na, â hã da te ãma 're i'âhuri mono ne, ma tô Cristu hã 'râwi dasiré 're hâimana, te te 're da'apawapto mono da.

1 Corĩtu 10:9

Ta norĩ hã ma tô duré tiwasédé hã 'manharĩ za'ra, 'Re ihâimana u'âsi mono hã niha te te tãma rob'manharĩ za'ra õ zô, te te pibu za'ra da. Ãne 'ru te, ma tô duré wahi nhipsari na hã da'ahâ na da'uprosi, 'Re ihâimana u'âsi mono hã. Ãne na hã wa norĩ zama, wa te 're pibu za'ra mono õ di za, Wanhib'apito hã, wawasédé wa te 're 'manharĩ za'ra mono nherẽ, niha te te wama 're arob'manharĩ mono õ zô.

2 Timotiu 4:18

Tane te za Wanhib'apito hã duré rowasété hawi ĩnho'reptu, hâiwa u te te ĩ'ãwisi wẽ da, tinhib'a'uwẽ norĩ te te 're i'ab'madâ'â mono zéb u hã. Ta hã si wẽ uptabi wa, aihĩni wa za ãma 're wawata u'âsi za'ra.

Titu 2:14

Ta hã ma tô wazada sisõmri za'ra, wazada dâ'â za'ra da, 're iwanomro wasété mono hawi, te te 're wa'anho'reptui mono da, isib'a'uwẽ si 're wahâimana za'ra mono da oto. E marĩ da. Sena na 're wanomro mono da, duré wawa'a ãna iwẽ na si wa te oto 're dapawaptob za'ra mono da.

Hebreu 11:21

Duré Zaco hã 'Re ihâimana u'âsi mono si te te sina 're i'umnhasi mono zéb zarina, ma tô Zuzéhé 'ra norĩ ma rowaptẽ 'Re ihâimana u'âsi mono wi, iwẽ na si te te 're pawaptob u'âsi zahuré mono da, duré iwẽ si te te tãma 're pisutu zahuré mono da. Taha zarina, ma tô duré tisiwazusizém na si'upari sina ãma tiwata, 'Re ihâimana u'âsi mono ãma, Zaco hã.