Zenezi 48:15 - ꞌRe Ihâimana Uꞌâsi Mono Zadawa Wasuꞌu

¹⁵ Taha pari ma tô ti'ra Zuzéhé ãma, 'Re ihâimana u'âsi mono ma hã mre, ãne: “'Re ihâimana u'âsi mono, ĩmama norĩ Abra'ã, Izaquihi me te te aima 're iromhuri zahuré mono hã ma'ãpé ã hã ipréduptém norĩ ma, iwẽ hã tãma 're apisutu zahuré mono. Duré 'Re ihâimana u'âsi mono, ibâ na 're ĩmorĩ ré ã bâtâ u hã ĩnhimizama 'madâ'â na 're ĩhâimana mono ré, we ĩzaprõni wẽ 'wa, ma'ãpé iwẽ hã tô tãma 're apisutu zahuré mono.

Zenezi 48:15 ပူးပေါင်းရင်းမြစ်များ

Zenezi 17:1

Tawamhã Abrãhã ãma 99 na iwahub ãma, ma tô Uburé Danhib'apito tãma sihâi'ré. Tahawa, ma tô ãne tãma tinha: — Wa hã 'Re ihâimana u'âsi mono, ĩwaihu'u pese uptabi. Aipẽ'ẽ na te za ĩ'ãmap si 're aimo. Te za duré ĩmreme 're iwapari pese mo.

Zenezi 24:20

Tawamhã danhimizama te te 're i'âhuri mono zéb 're, ma tô awa'awi â hã sa'wa. Te te sa'wari wi, ma tô nasi â zô ab're u hã si'aba'ré na asamro, awaru ba'õmore norĩ ma, â te te nasi amrami da, te te âhuri da.

Zenezi 24:40

Tahawa, ma te ãne asa ãma ĩma wa'rã: “Wa hã sena na Uburé Danhib'apito mreme hã wa tô te 're wapari pese. Ta hã te za tite hâiwa ãma romhuri'wa we atẽme satõ, asiré 're morĩ wa, uburé marĩ aima watobro wẽ da, i'uwaibaba na. Tawamhã te za ĩsiré a'uwẽ norĩ 'remhã, ĩmama siwapru norĩ 'remhã pi'õ ĩ'ra ma da hã i'maipisu.

Zenezi 27:27

Tawamhã Zaco, timama u hã ma tô 'râwi pesere oto itẽme ai'ré. Tahawa, ma tô timama hã tob'rata hârâ na sawi. Tawamhã Zaco, ãma isi'uzazé te te hãi waihu'u wamhã, ma tô Izaqui ti'ra ãma hã mre ãne: “Ĩ'ra hâiba zadaze hã, rom na danhib're ma, Uburé Danhib'apito iwẽ te te tãma 're apisutu mono wa, isadaze ne.

Zenezi 27:4

Asõpãrĩ nhi na, dasa ise te ĩsima iwẽzé hã ĩma ãma 'manharĩ da. Tawamhã ta hã te za we ĩma i'â. Ĩsai parip si ĩdâ'â õ ré, wa za ai'ãma mre, 'Re ihâimana u'âsi mono iwẽ te te aima 're apisutu mono da hã.

Zenezi 28:20

Tawamhã Zaco, tame ma tô 'Re ihâimana u'âsi mono ma sina ropisudu hã 'manha ãne: “A hã ĩsiré aimorĩ da wamhã, za ĩmorĩzém na i'madâ'â pese mono wamhã, duré ĩ'uzazé norĩ mra me ĩma sõmri za'ra wamhã,

Zenezi 28:22

à hã ẽne hâiwi te isãrĩ asõrõwa da hã, 'Re ihâimana u'âsi mono. Duré uburé marĩ ĩma 're i'anhomri mono hã, wa za aima te 're sõmri apâ, 10 na isa'rata ãma.”

Zenezi 28:3

'Re ihâimana u'âsi mono danhipai u iwaihu'u pe, iwẽ hã te te aima 're i'apisutu mono da si, wa ĩsima wẽ. Duré asihudu norĩ ahâ uptabi na aihawimhã a'uwẽ mono bâ sipu'u pese na 're isitébré mono da si, wa duré ĩsima wẽ.

Zenezi 35:3

Ma'ãpé asima rob'ubumro za'ra wa'aba, Bétéu u wasi'aba'ré da. Tame wa za 'Re ihâimana u'âsi mono, te robzépata ré, te te 're ĩpawapto mono ma hã, duré uburé daro mono bâ 're ĩmorĩ ré, ĩsiré 're ihâimana mono ma 'manha, ẽtẽ za'ra hã.

Zenezi 48:16

Hâiwa ãma romhuri'wa uburé marĩ iwasété wi te te 're ĩpawapto mono 'wa hã, ã hã 'watébrémi norĩ iwẽ na te te 're ipawapto zahuré mono da si, ĩma iwẽ hã. Ĩnhisi na duré ĩmama norĩ Abra'ãhã nhisi na Izaquihi nhisi me ã norĩ hâiba u'âbâmhã ãma 're idasipo're pu'u u'âsi za'ra mono da si, ĩma iwẽ hã. Duré i'ra norĩ isihudu norĩ zama daro mono bâ isitébré za'ẽtẽ za'ra mono da hã wa aiwi waptẽ.”

Zenezi 49:22

“Zuzé hã te rowede, â na'rata 'rata 'rãi pese na 're isa mono ne 're hâimana, ipanhipti 'ri 'wawi wa'ra 'rãihâ na hâimo te te 're irowaibui mono ne.

Zenezi 49:24

Tane nherẽ, tinhimnhi'ã te te rési ãna, te za itété tete na hã ãma uzusi. Duré ipaihi si'uiwa na paihi nhiptete zahuré di za, Zacoho te 'Re ihâimana u'âsi mono iwaihu'u pese nhiptetezém hawim na wa, Pone'ẽrebâ 'madâ'â'wa ne Izaraéu nhihudu norĩ te, Ẽtẽ tõmo wawẽ nhisi na hã.

Zenezi 49:28

à norĩ hã Izaraéu 'ra norĩ 12 na ihâiba za'ra hawimhã te za 12 na dawamri dasitébré za'ra, i'ra nhisi mono zarina. Ãne ma tô imama za'ra hã ti'ra norĩ ma waihu'u za'ra. Tahawa, hâiba mono bâ ma tô romnhowam na iwẽ na hã ãma tãma nharĩ siromo za'ra, ite mono bâ.

Zenezi 6:9

à hã Nowéhé wasu'u. Ta hã ãne si'ubdatõ i'ra norĩ nhisi mama na ma tô 're hâimana: Sẽ, Cã, Zafé. Nowé, sena na i'uwaibaba na si, duré õne u'â 'Re ihâimana u'âsi mono mreme te te 're iwapari pese mono na si ma tô 're hâimana. Duré isiré 're idahâimana za'ra mono norĩ nhimi'manharĩ siwaprã, ma tô siwaprosi 'Re ihâimana u'âsi mono ãma si 're mo.

Salmu 16:8

Tô sena te Uburé Danhib'apito hã ĩsiré u'âsi 're mo. Ĩnhimire niwĩ 're ihâimana mono wa, marĩ te te ĩ'marõwĩrĩ da hã, mare uptabi di.

Salmu 23:1

Uburé Danhib'apito, ĩte pone'ẽrebâ 'madâ'â'wa. Marĩ zô ĩwi rowaptâ'â waihu'u õ di.

Ezodu 3:16

Tawamhã taha pari te 'Re ihâimana u'âsi mono duré ãne tãma tinha: — Aimorĩ, Izaraéu norĩ ma, i'rãnho'u 'rã'õtõ da. Tawamhã te za ãne tãma ĩzadawa wasu'u za'ra. Wa hã Uburé Danhib'apito aihi'rata norĩ te, 'Re ihâimana u'âsi mono, Abra'ãhã nhib'apito, Izaquihi nhib'apito, duré Zacoho nhib'apito. Wa tô aima ĩsihâi'ré. Duré wa tô aima waihu'u, ãne na tãma ĩzadawa wasu'u za'ra da: “Wa hã 're irobzépata za'ra wa'aba mono zé hã wa tô te 're 'madâ'â. Duré ezipsiu norĩ te te aima 're irob'manharĩ wasété za'ra wa'aba mono zé hã ĩma waihu'u pese di.

Ezodu 4:5

Tahawa te Uburé Danhib'apito tãma tinha ãne: — Ãne te za Izaraéu nhihudu norĩ nho'a hã i'manha, Uburé Danhib'apito, aihi'rata norĩ te, Abra'ãhã te, Izaquihi te, Zacoho te, 'Re ihâimana u'âsi mono, aima ĩsihâi'rézém na te te ãma asaze za'ra da hã.

Luca 1:6

Zacaria norĩ hã ma tô 're hâimana wẽ zahuré. 'Re ihâimana u'âsi mono nhimiroti te te 're 'madâ'â pese zahuré. Tahawa, tãma wẽ zahuré di, 'Re ihâimana u'âsi mono ma.

1 Corĩtu 10:31

Ãne, wa za duré aima ãma 'rãsutu za'ra wa'wa, ã ĩnhimirowasu'u na hã. Uburé marĩ hã te za 're i'manharĩ wẽ u'âsi za'ra wa'aba mo, 're asaihuri aba mono wamhã, duré 're âhuri aba mono wamhã, duré marĩ aimawi hã 're 'manharĩ za'ra wa'aba mono wamhã, taha zarina si, 'Re ihâimana u'âsi mono ãma 're dawata za'ra mono da.

2 Corĩtu 1:12

Ni'wam norĩ hã asiré 're hâimana za'ra wa'aba mono nherẽ, ma tô wahâimana nhipese na hã wa'ãma siwi tihi. Tane nherẽ, senai õ di ta hã. Wa norĩ hã 'râwi wapẽ'ẽ na 're wasiwẽ'õ mono õ di. E marĩ wa. Marĩ hã wa te ai'ãma 're 'manharĩ za'ra wa'aba mono õ wa, 're iwahâimana wẽ u'âsi mono zarina. Pi'uriwi aiwi 're wahâimana za'ra wa'aba mono õ di. Marĩ iwẽ si, wa tô wa te aima 're 'manharĩ za'ra wa'wa. Ti'ai ãma isazei'õ'wa norĩ nhimirowaihu'u pese zarina, 're wahâimana mono õ di. 'Re ihâimana u'âsi mono nhimizawi pese zéb zarina si, wa ãne na hã 're wahâimana oto.

Colosu 2:6

Tahawa, Cristu Zezusi hã Asib'apito za'ra wa'aba na 're saze za'ra wa'aba mono wa, ma'ãpé simisutu isiré ãma 're aihâimana u'âsi za'ra wa'aba mono za, 'râwi.

1 Tesalonita 2:12

Duré da te aima 're amhâzépa za'ra wa'aba mono nherẽ, wa tô ãma aima robze za'ra wa'aba ni iwasu'uwẽ na, aiwi 're robzei'õ tõ za'ra wa'aba mono da. Wa tô aima roti pese za'ra wa'aba ni, 'Re ihâimana u'âsi mono nho'a 're anomro wẽ wa'aba mono da, toi uptabi na te te 're ai'madâ'â za'ra wa'aba mono da. Ta hã ma tô te te sima 're aiwẽ za'ra wa'wa, hâiwa ãma ihâiba na rowa'a na isiré 're aihâimana u'âsi za'ra wa'aba mono da, rowẽ uptabi na.

Hebreu 11:21

Duré Zaco hã 'Re ihâimana u'âsi mono si te te sina 're i'umnhasi mono zéb zarina, ma tô Zuzéhé 'ra norĩ ma rowaptẽ 'Re ihâimana u'âsi mono wi, iwẽ na si te te 're pawaptob u'âsi zahuré mono da, duré iwẽ si te te tãma 're pisutu zahuré mono da. Taha zarina, ma tô duré tisiwazusizém na si'upari sina ãma tiwata, 'Re ihâimana u'âsi mono ãma, Zaco hã.