Zenezi 48:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã Zuzé, timama wai'ré hawi ma tô ti'ra sani zahuré. Te te sani zahuré wamhã, ma tô hi'rãtitõ hã nhamra. Duré ti'ubu na ma tô ti'ai u hã ropto.

Zenezi 48:12 ပူးပေါင်းရင်းမြစ်များ

Zenezi 18:2

'Rãi wahutu wa, te te rob'madâ'â wamhã, ma tô si'ubdatõ aibâ norĩ isõ're isimasa 'madâ'â za'ra. Te te 'madâ'â za'ra wamhã, ma tô si'aba'ré na itẽme tiwara za'ra, te te sina uzusi za'ra da. Tawamhã hi'rãtitõ, ma tô isõ'reb za'ra nhamra. Ti'ubu na ti'ai u ma tô ropto.

Zenezi 19:1

Tawamhã robza'rã wi, ma tô hâiwa ãma romhuri'wa norĩ aimasisi zahuré, Sodoma u. Tahawa, te Lo hã 'ri nho'õmo te 'ridawa za'ẽtẽ ãma nhamra. Taha ré hâiwa ãma romhuri'wa itẽme isimasi te te 'madâ'â zahuré wamhã, ma tô wahudu, te te sina uzusi zahuré da. Tawamhã hi'rãtitõ ma tô isõ'reb zahuré hã nhamra. Ipaparab zahuré, ma tô ti'ubu na ti'ai u hã ropto.

Zenezi 23:7

Tawamhã Abra'ã hâiwi sa wamhã oto, ma tô hitita norĩ nho'remhã tãma aiwẽ'ẽ za'ra.

Zenezi 33:3

Taha parimhã Zaco ma tô oto sina sõ're za'ra, isõwab za'ra hâimana da. Tawamhã Ezauhu tẽme te te sina rotété mono sidâpâsi ma tô 7 na ãma isahu na hi'rãtitõ tãma simasisi, ti'ai u ti'ubu na te te tãma ropto mono sina.

Zenezi 42:6

Tahawa, Zuzé dama i'rãnho'õmo dâ'âsina daza'rui amoi hawi 're idasihutu mono ma hã ma tô amnho te te dama 're awede. Tawamhã idub'rata norĩ itẽme sihutu wamhã, ma tô isõ'remhã hi'rãtitõ tãma asimro. Ma tô duré ti'ubu na ti'ai u hã tãma roptob za'ra.

Zenezi 48:11

Tahawa, Zaco te ãne Zuzéhé ma tinha: — Wa hã wa tô aré te 're rosa'rata, niwa za te i'ai'madâ'â zahu õ na hã. Tane nherẽ, 'Re ihâimana u'âsi mono, ãhã na awa'awi na ma tô ĩma aihâiba nho, te ai'madâ'â zahu da hã. Duré ai'ra norĩ te 'madâ'â zahuré da zama ma tô ĩma hâiba nhomri zahuré.

Zenezi 48:13

Tawamhã Zuzé ma tô Efraĩ tinhimire niwĩmhã pa'â. Duré Manasé ma tô tinhimi'e niwĩmhã pa'â. Tahawa, ma tô duré timama Zacoho 'rata 'râwi oto simizusi. Ãhã wa, Efraĩ ma tô Zacoho nhimi'e niwĩmhã za. Duré Manasé, ma tô isimire niwĩmhã za.

Ezodu 20:12

— Aimama hã, duré ana te za 're iwazé pese za'ra wa'aba mo, ti'a te aima isõmri za'ra wa'aba 're, 're aihâimana hâ za'ra wa'aba mono da.

Ezodu 34:8

Tawamhã Mozési hi'rãtitõ ma tô nhamra. Sãmra wamhã, ma tô ti'ubu na ti'ai u hã ropto. Tawamhã ma tô 'Re ihâimana u'âsi mono ãma hã tiwata.

Provébiu 31:28

I'ra norĩ te te duré siwi 're wasu'u wẽ, dama hã. Imro zama te duré te te 're wasu'u wẽ, ãne:

Éfézu 6:1

Da'ra norĩ, Wanhib'apito nhimiroti 're iwapari pese za'ra wa'aba mono zarina, te za aimama nhimiroti hã duré ana wa'aba nhimiroti zama hã 're iwapari pese za'ra wa'aba mo.