Zenezi 48:11 - ꞌRe Ihâimana Uꞌâsi Mono Zadawa Wasuꞌu

¹¹ Tahawa, Zaco te ãne Zuzéhé ma tinha: — Wa hã wa tô aré te 're rosa'rata, niwa za te i'ai'madâ'â zahu õ na hã. Tane nherẽ, 'Re ihâimana u'âsi mono, ãhã na awa'awi na ma tô ĩma aihâiba nho, te ai'madâ'â zahu da hã. Duré ai'ra norĩ te 'madâ'â zahuré da zama ma tô ĩma hâiba nhomri zahuré.

Zenezi 48:11 ပူးပေါင်းရင်းမြစ်များ

Zenezi 37:33

Tawamhã Zaco ti'ra uzazém na te te tô hâi waihu'u wa, te ãne tãma nharĩ za'ra: — Ĩhe, tahata tô ĩ'ra uzazé ihâ pa na hã wa tô hâi waihu'u. Abaze zahi ma te tô sima te te nhinhinarĩ, te te 'rẽne da.

Zenezi 37:35

Tawamhã uburé i'ra si'aibâ norĩ i'ra sipi'õ norĩ me, ma tô aré itẽme aihutu, te te sina pẽ'ẽtété za'ra da. Tane nherẽ, tisiwa'õ na te te ãma rosazâri da, te te sima wẽ õ wa, te ãne tãma nharĩ za'ra: — Ĩ'ra zô 're ĩsiwa'õi mono ré, te za ĩpẽ'ẽzé ré ĩ'ãma hã ti'a ni. Tawamhã ti'ra Zuzéhé zô 're isiwa'õ mono na hã ma tô, te te ãma uzusi u'âsi.

Zenezi 42:36

Tahawa te imama Zaco hã ãne tãma nharĩ za'ra: — Ĩ'ra na te za asiwi ĩ'uba wa'wa. Zuzéhé ãna hã wa tô 're ĩhâimana. Ãhã na zama duré Simiã hã hâimana õ di. E niha te za duré ãne nherẽ, Bẽzami hã asiwi saprõni aba da, asima iwẽ za'ra wa'wa. E 'wa te za ãne wamhã robzépata. Wa hã, wa za tô duré robzépata.

Zenezi 45:26

Tawamhã te ãne tãma rowasu'u za'ra: — Zuzé hã te zahadu hâiba ré 're hâimana! Ta hã Ezitu ãma te dama i'rãnho'õmo na te te 're da'a'madâ'â. Tawamhã ãne na te te tãma wasu'u za'ra wamhã, ma tô aré Zaco hã simiza'rese'õ hai'utõ. Iwasu'u na te te duré ãma saze waihu'u za'ra õ di.

Zenezi 48:10

Tawamhã Zaco, isi'ihi pese zarina simirob'madâ'â nhib'uware di oto. Tahawa te te 'madâ'â wẽ zahuré õ di. Tawamhã Zuzé, ti'ra norĩ, ma tô 'râwi oto itẽme saprõni zahuré. Tahawa imama ma tô tinhihudu norĩ hã te te sitẽme ãma roptob zahuré sina tob'rata hârâ na sawi zahuré.

Zenezi 48:12

Tawamhã Zuzé, timama wai'ré hawi ma tô ti'ra sani zahuré. Te te sani zahuré wamhã, ma tô hi'rãtitõ hã nhamra. Duré ti'ubu na ma tô ti'ai u hã ropto.

Provébiu 17:6

Danhihudu hã te za da te 're 'madâ'â ze za'ra, da te 're iwẽsãmri za'ra mono zéb zarina. Tane te za duré da'ra norĩ hã timama hâimanazé hã te te 're 'madâ'â ze za'ra, te te 're iwẽsãmri za'ra mono zéb zarina.

Éfézu 3:20

'Re ihâimana u'âsi mono hã waihu'u pese di, te te wama ãma 're i'a'uwaimrami mono zéb da hã, marĩ iwẽ zô wa te 're irosa'rata za'ra mono zém nhipai u, duré marĩ iwẽ hã wa te tiwi 're iwaptẽrẽ za'ra mono zém nhipai u zama. Tiwaihu'u pese na te te 're iwa'apawapto mono zéb zarina, tãma waihu'u pese di, iwẽ na te te wama ãma 're i'a'uwaimrami mono zéb da hã.