Zenezi 47:7 - ꞌRe Ihâimana Uꞌâsi Mono Zadawa Wasuꞌu

⁷ Taha parip si te Zuzé, timama Zaco hã saprõ, apito u, te te tãma hâiba waihu'u da. Tahawa, Zaco, apito tãma wazéb sina te te sawi parimhã,

Zenezi 47:7 ပူးပေါင်းရင်းမြစ်များ

Zenezi 14:19

Tawamhã Mequizédéqui, Abrãhã ma, iwẽ te te tãma pisutu sina, ma tô ãne tãma tinha: “Abrã, 'Re ihâimana u'âsi mono, danhipai u 're ihâimana mono, hâiwa 'manhari'wa hã, duré ti'ai 'manharĩ'wa hã iwẽ si te te aima 're pisutu mono da, wa tiwi te 're waptẽrẽ.

Zenezi 35:27

Tawamhã Zaco, timama Izaquihi siré 're hâimana mono da hã ma tô mo Mare na 'ri nho'õmo nhisi u, Arba na isisi amoi u, Hebrõ na 'ri nho'õmo nhisi 'rata 're ihâimana mono u, Abra'ã, Izaquihi siré aré 're isãmra mono zéb u.

Zenezi 47:10

Tawamhã Zaco, apito sisa'u iwẽ na te te sawi pari, ma tô oto mo.

Zenezi 47:8

ma tô ãne sadanha: — E niha ai'ãma iwahu hã.

Ezodu 12:32

Tahawa te za asimizama pone'ẽrebâ zéré mapure, pone'ẽrebâ zéré uzé, duré powawẽ norĩ hã asiré wa'aba isimroi wa'aba mo. Tawamhã 'Re ihâimana u'âsi mono wi, te za ĩ'ãma irowaptẽrẽ 'wa, iwẽ te te ĩma zama 're anhomri mono da.

Mateu 26:26

Tawamhã saihuri ré, ma tô i'u'ẽne hã ti'â, Zezusi hã. 'Re ihâimana u'âsi mono ãma te iré ãma tiwata, sõpru wa. Taha pari, ma tô te te wẽ'ẽ, i'u'ẽne hã. Te te wẽ'ẽi mono parimhã, ma tô te te tãma sõmri, tisiré 're inomro mono norĩ ma. Ãne te oto tãma nharĩ za'ra: — Ã, i'u'ẽne hã huri aba. Ã hã ĩhâiba te wasu'u.

Luca 22:19

I'u'ẽne hã ma duré ti'â. 'Re ihâimana u'âsi mono ãma te duré iré ãma tiwata, sõpru wa. Taha pari, ma tô te te wẽ'ẽ, i'u'ẽne hã. Te te wẽ'ẽi mono parimhã, ma tô te te tãma sõmri, tisiré 're inomro mono norĩ ma. Te duré tãma nharĩ za'ra, ãne: — Ã, i'u'ẽne hã huri aba. Ã hã ĩhâiba, te wasu'u, za asada ĩsisõmri aba zé. Ã hã te za 're ihuri aba mo, ĩ'ãma 're asipo're pu'u u'âsi za'ra wa'aba mono zéb da hã.

1 Pedru 2:17

Ãne wa, te za dahâiba mono bâ 're idahâiba wazéb za'ra wa'aba mo. Uburé asiré isazei'wa norĩ hã te za 're isawi pese za'ra wa'aba mo. 'Re ihâimana u'âsi mono hã te za duré asima 're ipipa za'ra wa'aba mo, iwaihu'u pese uptabi na. Duré ti'ai ãma danhipai u da'madâ'â'wa hã te za asiwi 're ihâiba wazéb za'ra wa'aba mo.

1 Samuéu 2:20

Tawamhã Eri hã, Eucana norĩ ãma imro me ma tô iwẽ na te te ãma 're rowaptẽrẽ zahuré, 'Re ihâimana u'âsi mono wi. Ãne ma tô te te tãma 're rowasu'u zahuré: — Wa aima wẽ wa'wa, Uburé Danhib'apito hã te te aima sõmri aba da hã, ai'ra norĩ hâiba amo hã, 'Re ihâimana u'âsi mono ma isõmri aba nhowa're'reb da hã. Tawamhã taha parip si, ma tô apâ 're neb zahuré, tinhorõwa u hã.