Zenezi 47:6 - ꞌRe Ihâimana Uꞌâsi Mono Zadawa Wasuꞌu

⁶ te za tô Ezitu ti'ai wa'õtõ nho'õmo 'remhã niha hã asima irowairébé za'ra wa'wa, asima iwẽ za'ra wa'aba zéb uwaibaba. Gosẽ ãma danhipai u ti'a iwẽ uptabi hã te za tãma isõmri za'ra, iwa 're hâimana za'ra mono da. Te za duré nima norĩ roptébré nhipese 'wa, aima iwaihu'u pese norĩ hã asimirosa'rata na bâ ipisutu za'ra, ĩnhimizama 'madâ'â'wa norĩ da hã.

Zenezi 47:6 ပူးပေါင်းရင်းမြစ်များ

Zenezi 13:10

Tawamhã Lo te te 're rob'madâ'â mono wamhã, Zodã na romharé nhisi ma tô 'madâ, 'ri nho'u Zoa na isisi tẽme, pa nho'õmo nhipti ahâ ré ro inomro hã, Uburé Danhib'apito te, rob're iwẽ 're ihâimana mono sine hã, duré Ezitu ãma ti'a iwẽ 're ihâimana mono ne hã. Ãne na romharé iwẽ na ma tô aré 're hâimana, Uburé Danhib'apito, 'ri nho'u Sodoma, Gomora me te te uprosi zahuré wana ré hã.

Zenezi 13:9

Tahawa wa za wasima aiwãnhizari ni. Õhõta ro inomro hã ma'ãpé 'madâ'â, rob're za'ẽtẽ uptabi di. Tahawa, ma'ãpé nima niwĩ ro inomro hã asima pisutu! Asimi'e niwĩ aimorĩ da wamhã, wa hã wa za ĩnhimire niwĩmhã mo. Duré asimire niwĩ aimorĩ da hã wamhã, wa hã wa za duré ĩnhimi'e niwĩmhã mo.

Zenezi 20:15

Taha pari, te duré tãma tinha ãne: — Abra'ã, ãhãta te ĩnhipti'a hã asõ'remhã tihâiba. Ma'ãpé asima iwẽzéb uwaibaba, nimame iwa 're aihâimana mono da, asima ro hã 'maipisutu.

Zenezi 34:10

Ãme wanhipti'ai 're, wasiré 're aihâimana za'ra wa'aba mono. Asima iwẽ na duré ti'ai wa'õtõre norĩ hã uipra za'ra wa'aba mono. Duré asima iwẽ na marĩ wede na duré marĩ uipra na hã 're romhuri za'ra wa'aba mono.

Zenezi 45:10

Tawamhã Gosẽ na romnhisi ãma te za ĩ'rata 'râwi 're aihâimana mono za — ai'ra norĩ me, asihudu norĩ me, asimizama pone'ẽrebâ norĩ ré, pone'ẽrebâ zéré uzé norĩ ré, ate powawẽ norĩ ré, uburé marĩ aima 're ihâimana za'ra mono norĩ ré.

Zenezi 46:34

ãne te za asa ãma tãma iwa'rãmi za'ra wa'wa: “Zahadure ré, wa tô wanhimizama hã wa te 're tébré za'ra, wahi'rata norĩ te te 're iroptébré za'ra mono ne.” Ãne zarina te za tawamhã Gosẽ ãma 're aihâimana za'ra wa'aba mono da hã aima rowairébé za'ra wa'wa, ezipsiu norĩ, pone'ẽrebâ tébré'wa norĩ te te siwi 're 'ruiwapari za'ra mono wa.

Zenezi 47:11

Tawamhã Zuzé, timama ma, duré tisisãnawã norĩ ma, ma tô Ezitu ãma ti'a iwẽ 're isa'wari mono hã tãma sõmri za'ra, 'ri nho'u Ramesé na isisi 'ratamhã apito te te tãma iwaihu'uzéb zarina. Tahawa ti'a norĩ na ãma site za'ra wa, te oto iwamhã 're hâimana za'ra.

Zenezi 47:16

Tawamhã Zuzé, ma te ãma sada'âbâ za'ra: — Rob'uiprazé baba wamhã, ma'ãpé ate za'ra wa'wa powawẽ norĩ hã we simroi wa'aba mono, mram na te ãma aiwi saprĩ za'ra wa'aba da taré.

Zenezi 47:4

Cana'ã ti'ai wa'õtõ nho'õmo 'remhã wanhimizama sazéb da, du hã hâimana õ wa, duré mrab zépada sa'ẽtẽ wa, wa tô we wawairébé ni, ã hã daza'rui 're, 're wahâimana za'ra mono da oto. Tahawa ma'ãpé wazawi za'ra na hã Gosẽ ãma 're wahâimana za'ra mono da wama sa'ré za'ra na.

Zenezi 47:5

Tawamhã apito, te Zuzéhé ma tinha ãne: — Aimama, asisãnawã norĩ me hã asiré 're hâimana za'ra mono da, we atẽme si'aba'réi wa,

Ezodu 18:21

Te za ni'wam norĩ aibâ marĩ tãma i'manharĩ waihu'u pe hã ipisutu za'ra, danhib'ihâ'a na dama 're hâimana za'ra mono da hã, miu na dahâiba norĩ nhib'ihâ'a da hã, 100 na, 50 na, duré 10 na. Aibâ norĩ 'Re ihâimana u'âsi mono te te 're iwazé pese za'ra mono hã, dama i'umnhasi za'ẽtẽ za'ra norĩ, sena na 're ihâimana za'ra mono hã.

Ezodu 18:25

ma tô Izaraéu nhihudu norĩ 'remhã aibâ norĩ marĩ tãma i'manharĩ waihu'u pese za'ra hã pisutu za'ra. Tahawa, miu na dahâiba norĩ nhib'ihâ'a da hã, 100 na dahâiba norĩ nhib'ihâ'a da hã, 50 na dahâiba norĩ nhib'ihâ'a da hã, duré 10 na dahâiba norĩ nhib'ihâ'a da hã, ma tô oto sõré.

Ezodu 9:10

Ãne Mozési norĩ, Arãhã me, 'ru'a tinhib'rata na te te amrami zahuré wamhã, ma tô apito nho're para na hâiwi iré aima'wa. Tawamhã Mozési hâimo te te sãmra wamhã, ma tô a'uwẽ 're ihâimana mono wa're to'mai'ãsi na hã duré danhimizama 're isimasa mono wa're to'mai'ãsi na hã si'manharĩ za'ra.

Ezodu 9:21

Tane nherẽ ni'wam norĩ, Uburé Danhib'apito te te iwaihu'uzé te te iwapari za'ra õ norĩ, ma tô tite pawa'âbâ na te te tãma 're iromhuri za'ra mono hã, duré tinhimizama norĩ rom na sõ'awi hâimana za'ra da hã rẽme za'ra.

Provébiu 21:1

Ti'ai ãma apito nhimirosa'rada, Uburé Danhib'apito ma waihu'u pese di, te te tãma 're i'rui mono da hã, â nima niwĩ 're praba mono da, te te sima iwẽzéb zarina, te te tãma ipisutu ne.

Provébiu 22:29

E aima waihu'u pese di, ni'wa sipese na te te 're iromhuri wẽ mono na hã. Ta hã tô danhipai u simiromhuri wẽ uptabi di. Tahawa tô ibâre te aré apito norĩ siré si 're hâimana.

Zuwã 17:2

A hã ma tô ĩma 're ida'apisutu mo, ĩzazei'wa 're danomro mono da. Wa hã ma tô duré ĩpisu, uburé dama ĩpire uptabi da. E marĩ da. Ĩzazei'wa norĩ ma, te 're apisutu mono da, robzei u'âsi ĩ'ãma 're nomro u'âsi mono da, duré 're dâ'â za'ra mono ãna, ai'rata 're hâimana u'âsi za'ra mono da, hâiwa ãma.

1 Samuéu 21:7

Tawamhã Doedi, edomita norĩ siré hã Sauhu ma romhuri'wa hã ma tô taha bâtâ na hã dame tihâiba tame. E marĩ da. Te te ãma uwaimrami da, za marĩ te te i'manharĩzém na, 'Re ihâimana u'âsi mono nho'a.