Zenezi 47:31 - ꞌRe Ihâimana Uꞌâsi Mono Zadawa Wasuꞌu

³¹ Te duré Zaco tãma tinha ãne: — Ma'ãpé ĩma ropisutu, tane na hã. Tawamhã Zuzé, ma tô ropisudu hã tãma 'manha. Tahawa Zaco, tiza'warizé 'rãihâ ãma siwẽ'ẽ sina, ma tô 'Re ihâimana u'âsi mono ãma wata sina hã mre.

Zenezi 47:31 ပူးပေါင်းရင်းမြစ်များ

Zenezi 21:23

Tahawa, ma'ãpé ãme 'Re ihâimana u'âsi mono nho'a, asadawa nhipese ãna, ĩma, ĩ'ra norĩ ma, duré ĩnhihudu norĩ ma, asimiropisudu hã 'manharĩ. Wa hã wa tô iwẽ na aima ĩ'umnhasi sina 're ĩhâimana. Tahawa te za sena na ĩma iropisu, ĩma, duré ã hã ti'ai wa, 're i'asãmra mono ma, ai'umnhasi sina 're aihâimana mono da.

Zenezi 21:24

Tawamhã Abra'ã ma te asa ãma tãma wa'rã ãne: — Wa za tô aima ropisutu.

Zenezi 24:2

Tawamhã nimahã bâtâ na duréi te te tãma 're iromhuri mono, uburé marĩ te te tãma 're i'a'madâ'â mono zô hã ma tô hâ. Tawamhã te ãne tãma tinha, taha ma: — Ma'ãpé asib'rada ĩzada'õtõ zahâpâ hiri, asimiropisudu ĩma 'manharĩ da.

Zenezi 24:26

Tawamhã aibâ hi'rãtitõ sãmra sina, ma tô Uburé Danhib'apito ãma hã tiwata.

Zenezi 24:3

Uburé Danhib'apito 'Re ihâimana u'âsi mono, hâiwa ãma duré ti'ai ãma zama uburé marĩ te te 're i'ab'madâ'â mono nhisi na ropisudu hã 'manharĩ, ĩ'ra Izaqui, niwa apto'o ré, ã hã Cana'ã na ti'ai wa'õtõ nho'õmo nhisi ãma 're ĩhâimana mono zéb ãma, pi'õ na imro da hã, tãma 'maipisutu tõ da.

Zenezi 31:53

Abra'ãhã te, 'Re ihâimana u'âsi mono, duré Naoho te, 'Re ihâimana u'âsi mono, te za niha wasima wawasété zarina wa'ãma rowairébé'wa na hã 're hâimana. Tawamhã Zaco, imama Izaqui, 'Re ihâimana u'âsi mono te te 're iwazé mono nhisi na ma tô ropisudu hã 'manha.

Zenezi 47:29

Oto niha na tidâ'âzéb da na siwaihu'u wamhã, ma tô Zaco, ti'ra Zuzéhé zô hã hâ. Ãhã wa, te ãne tãma tinha: — Ĩzawi wamhã, ma'ãpé ĩzadazute 'rowi asib'rada hã sẽrẽ sina, sena na ĩma ropisutu, asimizawizé ĩ'ãma ihâimana zarina duré ĩma i'ai'umnhasizéb zarina. Ezitu 'remhã ĩ'ãma ti'ai õ di za.

Zenezi 50:25

Tawamhã Zuzé, tisisãnawã norĩ wi, te te tãma iropisutu za'ra zéb da hã, ma tô tiwi waptẽrẽ za'ra ãne: — 'Re ihâimana u'âsi mono si te za tô te te 're aipawaptob za'ra wa'wa. Ãne hã niwa romhâimana wamhã, te za ĩhi norĩ hã asiré asiwi iduri 'wa za.

Zenezi 50:5

“Ĩmama hã tidâ'âzéb u ma tô ĩwi waptẽ, te tãma ropisutu da, ti'ai wa'õtõ nho'u Cana'ã ãma ti'a te te sima i'maipisutu ãma, te sẽrẽ da. Tahawa, a'â ĩma rowairébé, ĩmama ãma te ti'a da ĩmorĩ da. Taha parip si wa za we apâ ĩsina siri.”

Hebreu 11:21

Duré Zaco hã 'Re ihâimana u'âsi mono si te te sina 're i'umnhasi mono zéb zarina, ma tô Zuzéhé 'ra norĩ ma rowaptẽ 'Re ihâimana u'âsi mono wi, iwẽ na si te te 're pawaptob u'âsi zahuré mono da, duré iwẽ si te te tãma 're pisutu zahuré mono da. Taha zarina, ma tô duré tisiwazusizém na si'upari sina ãma tiwata, 'Re ihâimana u'âsi mono ãma, Zaco hã.