Zenezi 47:30 - ꞌRe Ihâimana Uꞌâsi Mono Zadawa Wasuꞌu

³⁰ Niwa ĩdâ'â wamhã, Ezitu hawimhã te za ĩhâiba hâ hã iwaze, ĩhi'rata norĩ da te 're iséme mono zéb 'ru zababa, sẽrẽ da, ihâiba hâ za'ra zu, tame 're sa'wari mono da. Tawamhã Zuzé, ma te ãma sada'â ãne: — Tane hã wa za 'manha tô, ĩwi iwaptẽrẽzé hã.

Zenezi 47:30 ပူးပေါင်းရင်းမြစ်များ

Zenezi 15:15

A hã atâ'â wamhã, te za aima rowẽ sina aihi'rata norĩ u aimo. Asi'ihi pese wapsi te za ai'ãma ti'a ni.

Zenezi 23:17

Ãne Abra'ã, ma tô Efrõhõ te, Maquipela na romnhisi ãma oto ãma ate ti'ai wa'õtõ na, Mare na romnhisi bâtâ pusizém niwĩmhã. Ti'ai wa'õtõ wa, ẽtẽ na ab're siromo tede'wa na duré uburé wede, ti'a zada'ré u 're isimasa mono tede'wa na hã te oto 're hâimana.

Zenezi 23:19

Taha pari Abra'ã, ma tô timro Saraha ãma hã oto ti'a, ẽtẽ na ab're siro ti'ai wa'õno Maquipela wa ihâimana ãma, Mare bâtâ pusizém niwĩmhã, Hebrõ na isisi amoi ãma, Cana'ã ti'ai 'remhã.

Zenezi 25:10

à hã itehudu, Abra'ã, hitita norĩ wi te te i'uipra. Tame ma tô Abra'ã norĩ Saraha me ãma ti'a zahuré ni.

Zenezi 25:9

Tawamhã i'ra Izaqui norĩ, Ismaeu me ma tô Maquipela ãma ẽtẽ na ab're siromo wa, sẽrẽ zahuré, Mare bâtâ pusizém niwĩ, Efrõ Zoaha 'ra te itehutu ãma. Ta hã, Zoa hitita norĩ siré hã.

Zenezi 35:29

Tawamhã si'ihi pese wamhã, Izaqui hã ma tô oto dârâ. Tahawa, i'ra Ezau norĩ, Zacoho me ma tô sẽrẽ zahuré.

Zenezi 50:25

Tawamhã Zuzé, tisisãnawã norĩ wi, te te tãma iropisutu za'ra zéb da hã, ma tô tiwi waptẽrẽ za'ra ãne: — 'Re ihâimana u'âsi mono si te za tô te te 're aipawaptob za'ra wa'wa. Ãne hã niwa romhâimana wamhã, te za ĩhi norĩ hã asiré asiwi iduri 'wa za.

Neemia 2:3

Tahawa, wa tô ãma tãma wa'rã ãne: — Apito, õne u'â 're i'aihâimana mono da si, iwẽ hã! E niha wa za bété ĩ'ubu zei'õ ãna hã ĩhâiba, 'ri nho'õmo ãma wahi'rata norĩ na da te ãma 're iti'a za'ra mono zé sipru pese na 're sa'wari mono nherẽ, duré taha te 'ridawa za'ẽtẽ na da te ãma sazu za'ra haré 're sa'wari mono nherẽ!

Neemia 2:5

Taha pari wa tô oto apito ma tinha ãne: — Aima irowẽ zarina ĩma aipẽ'ẽ toi wamhã, ma'ãpé ĩma waprosi, Zuda u ĩmorĩ da, 'ri nho'u ĩhi'rata norĩ da te iwa 're iséme mono zé hã apâ te 'ri da.