Zenezi 47:29 - ꞌRe Ihâimana Uꞌâsi Mono Zadawa Wasuꞌu

²⁹ Oto niha na tidâ'âzéb da na siwaihu'u wamhã, ma tô Zaco, ti'ra Zuzéhé zô hã hâ. Ãhã wa, te ãne tãma tinha: — Ĩzawi wamhã, ma'ãpé ĩzadazute 'rowi asib'rada hã sẽrẽ sina, sena na ĩma ropisutu, asimizawizé ĩ'ãma ihâimana zarina duré ĩma i'ai'umnhasizéb zarina. Ezitu 'remhã ĩ'ãma ti'ai õ di za.

Zenezi 47:29 ပူးပေါင်းရင်းမြစ်များ

Zenezi 24:2

Tawamhã nimahã bâtâ na duréi te te tãma 're iromhuri mono, uburé marĩ te te tãma 're i'a'madâ'â mono zô hã ma tô hâ. Tawamhã te ãne tãma tinha, taha ma: — Ma'ãpé asib'rada ĩzada'õtõ zahâpâ hiri, asimiropisudu ĩma 'manharĩ da.

Zenezi 24:49

Tahawa te za oto a norĩ wa'wa hã niha na ĩma iwaihu'u za'ra wa'wa, ĩnhib'apito mreme na ibâ na ãma aiwamri za'ra wa'aba da wamhã. Duré mare wamhã, ĩma waihu'u za'ra wa'aba, niha na hã te ĩsima rowairébé hâ.

Zenezi 27:2

Tawamhã te imama tãma tinha ãne: — Wa tô oto ĩsi'ihi pese. Duré wa hã bâdâ hã te ĩsina waihu'u õ di, ĩdâ'âzéb da hã.

Zenezi 3:19

Tawamhã duré asu'u za'ẽtẽ 'rowi te za romhuri pire na hã 're iromhuri u'âsi mo, asazéb da, ti'ai ãma 're aihâimana mono ré, apâ asiti'azéb u. E marĩ wa. Ti'a 'manharĩ na dâ'âsina, a hã. Duré a hã ti'ai 'manharĩ wa, te za apâ asiti'a.

Zenezi 47:9

Tahawa, Zaco ma tô sada'â ãne: — 130 na ma tô oto ĩ'ãma tiwahu, hâiwi si nimomomhã 're ĩmorĩ ré hã. 'Re ĩhâimana mono zé hã 'ruture di, duré pire di. Tahawa, ĩhi'rata norĩ ãma wahub ahâ na 're iwahub za'ra mono ne, ĩ'ãma iwahub ahâ da hã waihu'u õ di.

Zenezi 48:21

Taha pari te Zuzéhé ma oto tinha ãne: — Wa za oto dârâ. Tane nherẽ, te za 'Re ihâimana u'âsi mono, asiré za'ra wa'aba 're hâimana, apâ aihi'rata za'ra wa'aba nhipti'ai u te te asimroi wa'aba mono da hã.

Zenezi 50:12

Ãne ma tô Zacoho 'ra norĩ siwi 'manha, imama za'ra uburé te te tãma ipisutu za'ra zéb zarina.

Zenezi 50:5

“Ĩmama hã tidâ'âzéb u ma tô ĩwi waptẽ, te tãma ropisutu da, ti'ai wa'õtõ nho'u Cana'ã ãma ti'a te te sima i'maipisutu ãma, te sẽrẽ da. Tahawa, a'â ĩma rowairébé, ĩmama ãma te ti'a da ĩmorĩ da. Taha parip si wa za we apâ ĩsina siri.”

Salmu 89:48

E 'wa hâiba ré u'âsi 're hâimana mono da bâ. E 'wa te za dadâ'â nhiptetezé wi hã aimani, da te ãma ti'a tõ da hã.

Hebreu 11:22

Duré Zuzé hã 'Re ihâimana u'âsi mono si te te sina 're i'umnhasi mono zéb zarina, ma tô tidâ'âzéb u tidub'rata norĩ ma rowaihu'u siromo za'ra, Izaraéu nhihudu norĩ, za Ezitu hawi iwairébézém na hã. Ãne na, 'Re ihâimana u'âsi mono si te te sina 're umnhasi mono wa, te duré tãma sina roti za'ra, i'uirĩ na si, ihi hã te te siwi âri da apâ, tiza'ru 'rata u, tamep si te te siwi sẽrẽ da.

Hebreu 9:27

Misi haré te za aihĩni 're dadâ'â za'ra. Taha parip si te za 'Re ihâimana u'âsi mono hã niwapsi da'awaihu'u, dawẽ na duré dawasété na zama, taha zarina te te oto dama 're arowairébé mono da hã.

Zozué 2:14

Tawamhã aibâ norĩ ma tô ãma tãma wa'rãmi zahuré, ãne: — Wa za tô ropisutu ni aima. Tawamhã wamreme wa te wasina uwaimrami õ wamhã, tô i'uwaibaba na hã wa aré tô wa norĩ si wadâ'â ni. A hã aré i'atâ'â da hã mare di. Tawamhã a hã ãme wa te i'manharĩzé hã ni'wai ma wasu'u õ wamhã, aima wanhimiropisutuzé hã i'uwaibaba wa za tô wasina uwaimrami ni. Uburé Danhib'apito, apto'o ré ã hã ti'a te te wama sõmri za'ra wamhã, tawamhã iwẽ na hã wa za aima wasihâi'ré ni, sena na wa te aima inharĩ na hã.

Zozué 23:14

— Ãhã na romhutu di oto ĩdâ'âzé hã. Uburé aima waihu'u pese za'ra wa'aba di, 'râwi aipẽ'ẽ aba mono na hã, Uburé Danhib'apito, ate 'Re ihâimana u'âsi mono 'wa hã, uburé marĩ iwẽ te te aima 're isõmri za'ra wa'aba mono na hã te te iropisutuzéb zarina. Õ hã ma tô uburé pese ãma uwaimra, te te duré ãma upai ãna.

1 Samuéu 26:10

Sena na 're ihâimana u'âsi mono ne Wanhib'apito, tô sena te za tô taha si tiwĩ Sau hã, ite bâdâ hã tãma wisi wapsi, idâ'âzéb da hã, niha wamhã tô, dasi'wapéi u.