Zenezi 47:24 - ꞌRe Ihâimana Uꞌâsi Mono Zadawa Wasuꞌu

²⁴ Tawamhã duré 're itehâri za'ra wa'aba mono, misi sa'u na imrotõ hawip sidâpâsi te za apito Fara'oho ma 're isani za'ra wa'aba mo. Duré ihâiba amo maparane si'uiwa na ãma sidâpâsi te za 're izuri aba mono da hã duré ãma 're asaihuri aba mono da hã 're isani za'ra wa'aba mo, ai'ra norĩ sazéb da, duré 'ri 're, asiré 're ihâimana za'ra wa'aba mono norĩ sazéb da zama.

Zenezi 47:24 ပူးပေါင်းရင်းမြစ်များ

Zenezi 14:20

Duré 'Re ihâimana u'âsi mono danhipai u 're ihâimana mono, asitob'ru norĩ asib'rata te te aima isõmri za'ra ãma si 're wawata za'ra aba mono!” Tawamhã Abrã, uburé marĩ na apâ te te ãma isiri za'ra hã 10 na ihâimana za'ra te te ipo hã misi ma tô tãma waze, Mequizédéquihi ma, te te tãma sõmri da.

Zenezi 14:21

Tawamhã taha pari Sodoma ãma apito, te Abrãhã ma hã tãma tinha ãne: — Marĩ hã aima hâimana za'ra. A'uwẽ norĩ si te za apâ ĩma isõmri za'ra.

Zenezi 28:22

à hã ẽne hâiwi te isãrĩ asõrõwa da hã, 'Re ihâimana u'âsi mono. Duré uburé marĩ ĩma 're i'anhomri mono hã, wa za aima te 're sõmri apâ, 10 na isa'rata ãma.”

Zenezi 41:34

Tawamhã apito te za duré aibâ norĩ romhuri 'madâ'â'wa da, ipisutu za'ra, Ezitu 're uburé daza'rui mono bâ 're inomro mono da hã, amnho tehâri ré misi sa'u na imrotõ hawip sidâpâsi da te 're po'o za'ra mono da, te te dama 're i'ru za'ra mono da hã, 7 na wahu morĩ ré danho ahâ ré, da te 'rã'õtõ mono da hã, 'ri nho'õmo mono bâ.

Zenezi 47:23

Tawamhã Zuzé, te ãne dama tinha: — Ma'ãpé asiwi ĩwapari aba! Ãhã na wa tô ti'a aiwi uipra za'ra wa'wa apito Fara'oho ma. Ãhãta te ãme romnhamare hã tihâimana za'ra, rom na ate buru aba mono na asiwi izuri aba mono da hã.

Zenezi 47:25

Tawamhã ma te ãma sada'âbâ za'ra ãne asa: — Apito, ma iwanho'reptu za'ra. Ma tô duré iwẽ na hã wama i'manharĩ za'ra. Tahawa wa za tô wapawa'âbâ ãna apito ma romhuri'wa na hã 're wahâimana za'ra.

Salmu 112:5

Ni'wa hã, marĩ da te tiwi waptẽrẽ wa, sõprum na a'â iwa'rãmib zô te te dama isõmri hã te za toi u'âsi 're sãmra. Sena na tinhimarĩ na te te ãma 're iromhuri mono hã te za duré toi u'âsi 're sãmra.

Salmu 41:1

Tãma 're rowẽ uptabi za'ra mono di, isimarĩ'õ te te 're ipawaptob za'ra mono norĩ ma hã. E marĩ wa. Ta norĩ hã ropire sô 're wairébé mono wamhã, Uburé Danhib'apito te te 're apawapto mono wa!