Zenezi 47:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã Zuzé, timama, tisisãnawã norĩ hã, duré tisisãnawã siwadi norĩ hã ma tô mram na te te 're upari za'ra, i'ra norĩ hâiba za'ratazéb zarina.

Zenezi 47:12 ပူးပေါင်းရင်းမြစ်များ

Zenezi 45:10

Tawamhã Gosẽ na romnhisi ãma te za ĩ'rata 'râwi 're aihâimana mono za — ai'ra norĩ me, asihudu norĩ me, asimizama pone'ẽrebâ norĩ ré, pone'ẽrebâ zéré uzé norĩ ré, ate powawẽ norĩ ré, uburé marĩ aima 're ihâimana za'ra mono norĩ ré.

Zenezi 45:11

Zahadu 5 na te za duré da'ãma tiwahu, mrab ãna dahâimana za'ra ré hã. Tawamhã Gosẽ ãma wa za mra hã aima, ai'ra norĩ ma hã, duré asimizama norĩ ma hã te 're sõmri za'ra za. Ãne wamhã, marĩ zô aiwi irowaptâ'â za'ra wa'aba da hã mare di za.”

Zenezi 45:7

'Re ihâimana u'âsi mono, ã hã ti'ai wa'õtõ nho'õmo 're, te asõ'reptu za'ra wa'aba da, duré asihudu norĩ aihawib za'ra wa'aba sidâpâsi 're sitébré za'ra mono da hã, ma tô we asõwab za'ra wa'aba ĩzaprõ.

Zenezi 47:1

Tawamhã Zuzé, apito ma, te te rowasu'u ãwisi da, ma tô itẽme mo. Ãhã wa, te ãne tãma rowasu'u: — Ĩmama, ĩsisãnawã norĩ me Cana'ã ti'ai hawi we izâmorĩ hã, te oto Gosẽ ãma uburé tinhimizama pone'ẽrebâ norĩ ré, powawẽ norĩ ré, duré uburé marĩ tãma 're ihâimana za'ra mono norĩ ré tihâimana za'ra.

Zenezi 47:21

Tawamhã ti'ai wa'õtõ nho'u Ezitu 're daza'rui mono bâ ma tô Zuzé, ezipsiu norĩ pawa'âbâ ãna romhuri'wa da hã tãma pisutu za'ra.

Zenezi 47:24

Tawamhã duré 're itehâri za'ra wa'aba mono, misi sa'u na imrotõ hawip sidâpâsi te za apito Fara'oho ma 're isani za'ra wa'aba mo. Duré ihâiba amo maparane si'uiwa na ãma sidâpâsi te za 're izuri aba mono da hã duré ãma 're asaihuri aba mono da hã 're isani za'ra wa'aba mo, ai'ra norĩ sazéb da, duré 'ri 're, asiré 're ihâimana za'ra wa'aba mono norĩ sazéb da zama.

Zenezi 50:21

Tahawa aipahi ãna 're aihâimana za'ra wa'aba mono. E marĩ wa. Wa hã wa za ai'ra norĩ me hã oto te 're ai'madâ'â za'ra wa'wa. Ãne ma tô timreme wazidi wẽ na, pẽ'ẽhiri za'ra.

Ezodu 20:12

— Aimama hã, duré ana te za 're iwazé pese za'ra wa'aba mo, ti'a te aima isõmri za'ra wa'aba 're, 're aihâimana hâ za'ra wa'aba mono da.

1 Tesalonita 2:7

Cristu hã ma tô wazatõrĩ za'ra, iwasu'uwẽ hã wa te dama 're waihu'u za'ra mono da, isadawa para. Tahawa, dama wamreme pire za'ra di. Tane nherẽ, wamreme pire na, wa te duré 're aiwari za'ra wa'aba mono õ wa, wa te ãma aiwi robzei'õ za'ra wa'aba õ di. Mare di. Ãnei õ di, wa te aima i'manharĩ za'ra wa'aba zé hã. Wamreme wẽ na si, wa tô aima rowasu'u za'ra wa'aba ni. Wa tô ai'madâ'â pese za'ra wa'aba ni, dana norĩ hã ti'ra te te 're i'madâ'â pese za'ra mono ne.

1 Timotiu 4:8

Ãne wa za duré aima waihu'u. Ãté ni'wam norĩ hã te za te te sima 're pisutu za'ra, 're sihâiba wairob za'ra mono da, dahâiba wairobzé hã wẽ wa, dahâiba ma hã. Ãne hã dama 're rowẽ za'ra mono nherẽ, 'Re ihâimana u'âsi mono nhimiroti zarina 're danomro wẽ mono da, da te dasima 're pisutu pese za'ra mono wamhã, dama 're rowẽ uptabi za'ra mono di za. Rowẽ na te za ãma 're danomro, ti'ai ãma, hâiwa ãma zama. Tô sena wa tô aima rowaihu'u. Ãhã wasu'u hã tô sena wa, aihĩni te za da te ãma 're saze za'ra.

1 Timotiu 5:4

Pi'õi mrotõ 'ra norĩ hã 're hâimana za'ra mono wamhã, tiwarahuzé wa'rãmi, te za tina hã marĩ na te te 're pawapto pese za'ra. Duré pi'õi mrotõ nhihudu norĩ hã 're hâimana za'ra mono wamhã, tiwarahuzé wa'rãmi, te za ti'rata norĩ hã marĩ na te te 're pawapto pese za'ra. Ãne te za 'Re ihâimana u'âsi mono nhimiroti zarina te te tãma ãma 're uwaimrami za'ra, ãne si tãma wẽ wa.

1 Timotiu 5:8

Ãté ni'wam norĩ tisisãnawã tinhimarĩ na hã te te 're pawapto pese za'ra mono õ di za. Ãté isõrõwa 're, 're ihâimana za'ra mono norĩ zama, te te 're pawaptob za'ra mono õ di za. Ãne wamhã, Wanhib'apito nhimiroti zarina te te 're pawapto pese za'ra mono õ wamhã, te aré isazei'õ'wa ne oto 're nomro. Ãne wamhã, te te 're ipawaptob za'ra mono õ na, te aré isazei'õ'wa norĩ hã 'rãnhipa za'ra, tihâimana wasété na hã.

Ruti 4:15

Ta hã te te 're aipẽ'ẽ nomri u'âsi mono da, wama wẽ za'ra di, duré asi'ihi wa, te te 're i'ai'madâ'â mono da zama, wama iwẽ za'ra hã. Asani'wa hã 'watébrémi na te te 're asawi pese. Duré ta hã pire na te aima 're hâimana, 7 na 're ida'ra za'ra mono nhipai u.