Zenezi 47:10 - ꞌRe Ihâimana Uꞌâsi Mono Zadawa Wasuꞌu

¹⁰ Tawamhã Zaco, apito sisa'u iwẽ na te te sawi pari, ma tô oto mo.

Zenezi 47:10 ပူးပေါင်းရင်းမြစ်များ

Zenezi 14:19

Tawamhã Mequizédéqui, Abrãhã ma, iwẽ te te tãma pisutu sina, ma tô ãne tãma tinha: “Abrã, 'Re ihâimana u'âsi mono, danhipai u 're ihâimana mono, hâiwa 'manhari'wa hã, duré ti'ai 'manharĩ'wa hã iwẽ si te te aima 're pisutu mono da, wa tiwi te 're waptẽrẽ.

Zenezi 47:11

Tawamhã Zuzé, timama ma, duré tisisãnawã norĩ ma, ma tô Ezitu ãma ti'a iwẽ 're isa'wari mono hã tãma sõmri za'ra, 'ri nho'u Ramesé na isisi 'ratamhã apito te te tãma iwaihu'uzéb zarina. Tahawa ti'a norĩ na ãma site za'ra wa, te oto iwamhã 're hâimana za'ra.

Zenezi 47:7

Taha parip si te Zuzé, timama Zaco hã saprõ, apito u, te te tãma hâiba waihu'u da. Tahawa, Zaco, apito tãma wazéb sina te te sawi parimhã,

Salmu 119:46

Uburé Danhib'apito, apito norĩ nho'remhã wa za asimiroti na te tãma 're rob'mahârâ za'ra, 're ĩnhisé mono ãna.

Hebreu 7:7

'Re ihâimana u'âsi mono hã iwẽ hã te te dama 're apisutu mono da, ni'wa hã da'ãma mreme wamhã, ta hã pire na dama 're ihâimana mono. Ãne hã wama waihu'u pese za'ra di. Tahawa, wa za ãne na ãma waihu'u za'ra ni, Mequizédéqui hã Abra'ãhã ma, pire na 're ihâimana mono zém na hã.

Ruti 2:4

Tawamhã Buazi ma tô Rutihi ãma ronomro pesere õ ré, isãna're pesere wi, Belẽ hawimhã. Wisi wi, romhuri'wa norĩ ma, ma tô nharĩ za'ra, ãne: — Uburé Danhib'apito hã asiré 're hâimana za'ra wa'aba mono da, wa hã wa tô ĩsima te 're wẽ. — Uburé Danhib'apito hã rowẽ si te te aima 're pisutu mono da, wa wasima wẽ za'ra ni. — Ãne ma tô ãma tãma wa'rãmi za'ra, romhuri'wa norĩ hã.