Zenezi 46:5 - ꞌRe Ihâimana Uꞌâsi Mono Zadawa Wasuꞌu

⁵ Tawamhã Zaco, ma tô Beseba hawimhã oto mo. Wedewara zapore Ezitu te, apito te te sô isatõrĩ na, ma tô i'ra norĩ Zaco hã siwi saprõ. Duré timro norĩ hã, duré ti'ra norĩ isurure hã ma tô te te ãma siwi simro.

Zenezi 46:5 ပူးပေါင်းရင်းမြစ်များ

Zenezi 45:21

Tawamhã ãne Zacoho 'ra norĩ hã ma tô siwi 'manha. Zuzé, apito te te tãma i'ruzéb zarina, ma tô ro'wapézém norĩ wedewara zapore hã, duré bâdâdi na ĩsazéb da zama hã tãma sõmri za'ra.

Zenezi 45:19

Asisãnawã norĩ ma, te za duré irob'ru, Ezitu hawi awaru po're pore na wedewara zapore te te simroi mono da, tirob u. Tawamhã timro hã, ti'ra norĩ hã, duré timama za'ra hã te za we taha na apâ ãma siwi te te simro.

Zenezi 45:27

Tane nherẽ, Zuzé uburé tisisãnawã norĩ ma, te te tãma iwaihu'u za'ra zé te te tãma wasu'u za'ra wamhã, duré ro'wapézé wedewara zapore norĩ, apâ Ezitu u te te ãma isimroi mono da, Zuzé te te sô isatõrĩ za'ra zé, te te 'madâ'â za'ra wamhã, ma tô Zaco hã apâ ãma pẽ'ẽhaptete.

Ezodu 10:26

Tahawa wa za uburé wanhimizama hã wa te ãma wasiré simro. Duré wa te wasiwi i'mairẽme da hã mare di za. E marĩ wa. Za wa te wasiwi 'maipisutu dâ'âsina, 'Re ihâimana u'âsi mono Uburé Danhib'apito ãma 're iwawata za'ra mono zéb da hã wa te wasiwi isõmri da hã. Duré ro te te wama ipisutu za'ra zéb u zahadu wasihutu õ ré, wa norĩ hã wa te wasiwi iwaihu'u da hã mare di, za nimahã Uburé Danhib'apito ma wanhimizama za'ra na wanhoprubzé wa te tãma isõmri za'ra zé hã.

Ezodu 10:24

Tawamhã apito Fara'o te sô hâ, Mozésihi zô. Tahawa te duré tãma tinha ãne: — Te za oto ai'aba'réi wa'wa, Uburé Danhib'apito ãma 're aiwata za'ra wa'aba mono da. Aimro norĩ zama, duré ai'ra wa'aba norĩ zama te za ãma isimroi wa'aba mo. Tane nherẽ, asimizama za'ra wa'wa pone'ẽrebâ norĩ hã, pone'ẽrebâ zéré uzé norĩ hã, duré powawẽ norĩ hã ãma asiwi simroi wa'aba mono õ di za, asiré. Rési ãna te za ãme aimasa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:15

Tawamhã Zaco norĩ hã te oto zâmo, Ezitu u, tame 're si'ubumroi mono da oto. Tame ma oto Zaco hã dârâ. Tame ma tô duré i'ra norĩ hã 're dâ'â za'ra. Tawamhã imama hã tiwi dâ'â za'ra wamhã, ihi hã ma tô siwi ti'â apâ, irob u, Siquẽ na danhipti'a nho'õmo nhisi u, tame te te siwi séme da. Ti'a hã Abra'ã hã dâ'â õ ré, Hamohõ nhihudu norĩ wi, te te sisada i'uipra siromo ãma, ma siwi sé, ihi hã. 'Re dâ'â za'ra mono sidâpâsi, ma tô wahi'rata norĩ hi zama apâ da te 're 'wasari tamomo, Zacoho 'ra norĩ hi hã, tame da te 're séme mono da, ẽtẽ zahâpâ wa, ab're 're.

Zenezi 21:14

Tawamhã awẽm na ma tô Abra'ã hã robza'rã ré mararé uptabi udu. Tahawa, Agaha ma, ĩsa hã duré romhâ 'manharĩ na ub'rẽ â ré i'masi hã ma tô tãma tisõ. Taha pari 'watébrémi isisé te te tãma sãrĩ wamhã, ma tô iré satõ, oto morĩ da. Tawamhã Aga siwa'ru a'ubuni wi rop si 're irosa'wari mono niwĩ, ma tô 're mo, Beseba na 'ri wa'õtõ nhisi niwĩ.

1 Samuéu 12:8

Zaco nimahãna ti'ra norĩ ré Ezitu u morĩ wamhã, ma tô ezipsiu norĩ hã siwi sé pawa'âbâ ãna te te tãma 're romhuri za'ra mono da. Tawamhã ã norĩ aihi'rata za'ra wa'wa hã ma tô Wanhib'apito 'Re ihâimana u'âsi mono wi te te 're rowaptẽrẽ za'ra, te te 're pawaptob za'ra mono da. Tahawa, ma tô Mozési norĩ hã satõrĩ zahuré, Arãhã me, ta norĩ hã te te sani za'ra da Ezitu hawi, ã hã ti'ai 're oto 're hâimana za'ra mono da.