Zenezi 46:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã Zaco, uburé tinhimarĩ ré ma tô oto watobro. Watobro wamhã, ma tô Beseba u hã wi. Tame ma tô imama Izaquihi te, 'Re ihâimana u'âsi mono ma, danhimizama zata na tinhopru, ãma iwatazéb da hã.

Zenezi 46:1 ပူးပေါင်းရင်းမြစ်များ

Zenezi 12:8

Taha pari Abrã, Bétéu na 'ri nho'õmo nhisi ãma bâtâ pusizém niwĩ, ẽtẽ ahâ na 're iromhâimana mono u hã, te duré oto mo. Tawamhã tame ma tô te te sima 'ri nhoré. Bétéu hã te bâtâ zasizém niwĩmhã 're hâimana, duré Ai na 'ri wa'õtõ nhisi te bâtâ pusizém niwĩmhã 're hâimana. Ta norĩ wa'wa te te sima i'ri nhoré mono hã ma tô simasa. Tawamhã tameb zama ẽtẽ za'ra te te 'manharĩ wamhã, ma tô duré Uburé Danhib'apito ãma hã tiwata.

Zenezi 21:14

Tawamhã awẽm na ma tô Abra'ã hã robza'rã ré mararé uptabi udu. Tahawa, Agaha ma, ĩsa hã duré romhâ 'manharĩ na ub'rẽ â ré i'masi hã ma tô tãma tisõ. Taha pari 'watébrémi isisé te te tãma sãrĩ wamhã, ma tô iré satõ, oto morĩ da. Tawamhã Aga siwa'ru a'ubuni wi rop si 're irosa'wari mono niwĩ, ma tô 're mo, Beseba na 'ri wa'õtõ nhisi niwĩ.

Zenezi 21:31

Tahawa ã romnhisi hã za Beseba na, ta norĩ hã tame ropisudu hã te te sima 'manharĩ zahuré wa.

Zenezi 21:33

Tawamhã tame ma tô Abra'ã rob're hã a're, Beseba ãma. Te te a're wamhã, ma tô Uburé Danhib'apito 'Re ihâimana u'âsi mono ãma tiwata.

Zenezi 22:13

Tawamhã Abra'ã sibabarãi u te te 're rob'madâ'â mono wamhã, ma tô pone'ẽrebâ zéré mapure si'aibâ wede zapore panhipti wa'rudu te te i'õmo tédé hã tisã. Te te sãmri wamhã, ma tô sô mo. Ma tô ti'â. Tawamhã ma tô ti'ra hâiba upana 'Re ihâimana u'âsi mono ma tãma zata, ãma tãma sõprub da.

Zenezi 28:10

Tawamhã Zaco, Beseba hawimhã ma tô watobro, morĩ da oto, Harã u.

Zenezi 28:13

Tahawa, te te isahoi mono 'remhã te Uburé Danhib'apito, sai'urizé zababamhã za. Ãhã wamhã, te tãma tinha ãne, ta hã: — Wa hã Uburé Danhib'apito, ai'rada Abra'ãhã te, duré Izaqui aimama te, 'Re ihâimana u'âsi mono. Ti'a iwa i'anomrozé hã wa za aima tisõ. Asihudu norĩ ma zama wa za tãma sõmri za'ra.

Zenezi 31:42

Tawamhã duré ĩhi'rata norĩ te, 'Re ihâimana u'âsi mono, Abra'ãhã te, duré Izaquihi te te 're iwazé pese mono hã, ĩsiré 're hâimana mono õ 'wa'âhã, a hã te aré ĩzatõ, ĩnhib'rata baba na ĩmorĩ da. Tane nherẽ, õ hã ma tô te irobzépatazé hã duré te 're iromhuri mono zé hã te te 're 'madâ'â. Tahawa, ahâmhâ bara na ma tô õ hã niha na ai'ãma rowairébé, te te iwaihu'uzéb zarina.

Zenezi 31:53

Abra'ãhã te, 'Re ihâimana u'âsi mono, duré Naoho te, 'Re ihâimana u'âsi mono, te za niha wasima wawasété zarina wa'ãma rowairébé'wa na hã 're hâimana. Tawamhã Zaco, imama Izaqui, 'Re ihâimana u'âsi mono te te 're iwazé mono nhisi na ma tô ropisudu hã 'manha.

Zenezi 33:20

Tawamhã tame ma tô 'Re ihâimana u'âsi mono ma, danhimizama zatazéb da ẽne hã tisã, hâiwi. Ta hã ma tô sisi El na, Izaraéu nhihudu norĩ te, 'Re ihâimana u'âsi mono nhisi na.

Zenezi 35:3

Ma'ãpé asima rob'ubumro za'ra wa'aba, Bétéu u wasi'aba'ré da. Tame wa za 'Re ihâimana u'âsi mono, te robzépata ré, te te 're ĩpawapto mono ma hã, duré uburé daro mono bâ 're ĩmorĩ ré, ĩsiré 're ihâimana mono ma 'manha, ẽtẽ za'ra hã.

Zenezi 35:7

Tawamhã tame ma tô ẽtẽ za'ra hã 'manha, 'Re ihâimana u'âsi mono ma. Ta hã ma tô sisi, “Bétéu te, 'Re ihâimana u'âsi mono” na. E marĩ wa. Tame tãma sihâi'ré wa, tidub'rata ma, simani wamhã.

Zenezi 4:4

Duré Abéu tinhimizama pone'ẽrebâ 'ra poto'rada hã ma tô duré 'mai'â. Tawamhã taha na nimahã inhi wẽ uptabi na ma tô Uburé Danhib'apito ma ãma tãma tinhopru. Tawamhã Abéu ma hã duré isibzari ma zama toi uptabi di.

Zenezi 45:28

Tawamhã te Zaco hã sima tinha ãne: — Tane tô. Zahadu te tô ĩ'ra Zuzé hã 're hâimana. Tahawa, ĩma hã wẽ di, zahadu ĩdâ'â õ ré, te i'madâ'â da hã.

Zenezi 8:20

Tawamhã Nowé, ẽtẽ za'ra hã ma tô 'manha, Uburé Danhib'apito ma, ãma tãma isõprubzé te te ãma zata da. Taha pari, si norĩ abaze norĩ me, 'Re ihâimana u'âsi mono ma, iwẽ hã ma tô nima norĩ si 'mai'âri za'ra. Tawamhã ta norĩ hã ma tô ẽtẽ za'ra nhisiwimhã tãma zata za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:15

Tawamhã Zaco norĩ hã te oto zâmo, Ezitu u, tame 're si'ubumroi mono da oto. Tame ma oto Zaco hã dârâ. Tame ma tô duré i'ra norĩ hã 're dâ'â za'ra. Tawamhã imama hã tiwi dâ'â za'ra wamhã, ihi hã ma tô siwi ti'â apâ, irob u, Siquẽ na danhipti'a nho'õmo nhisi u, tame te te siwi séme da. Ti'a hã Abra'ã hã dâ'â õ ré, Hamohõ nhihudu norĩ wi, te te sisada i'uipra siromo ãma, ma siwi sé, ihi hã. 'Re dâ'â za'ra mono sidâpâsi, ma tô wahi'rata norĩ hi zama apâ da te 're 'wasari tamomo, Zacoho 'ra norĩ hi hã, tame da te 're séme mono da, ẽtẽ zahâpâ wa, ab're 're.

Zozué 24:4

Izaquihi ma, Zaco norĩ Ezau me hã wa tô tãma sõmri zahuré. Duré Ezauhu ma, wa tô Se'i na romnhisi ẽtẽ ãma ro hã tãma tisõ. Tane nherẽ, Zaco, ti'ra norĩ me Ezitu u si ma tô tinhowada za'ra.

1 Samuéu 3:20

Ãne wa, ma tô uburé Izaraéu nhihudu norĩ hã ti'ai wa'õtõ nho'õmo 're ropâ 're ihâimana za'ra mono hã waihu'u za'ra, Dã bâtâ pusizém hawi Beseba bâtâ zasizéb u, Samuéu tô sena na Uburé Danhib'apito zadawa 'mahârâ'wa na hã.

1 Samuéu 8:2

I'ra idub'rata nhisi hã ãne, Zuéu na, duré ino nhisi hã ãne, Abi'asi na. Ta norĩ hã da'ãma rowairébé'wa Beseba na 'ri nho'õmo nhisi ãma.