Zenezi 45:7 - ꞌRe Ihâimana Uꞌâsi Mono Zadawa Wasuꞌu

⁷ 'Re ihâimana u'âsi mono, ã hã ti'ai wa'õtõ nho'õmo 're, te asõ'reptu za'ra wa'aba da, duré asihudu norĩ aihawib za'ra wa'aba sidâpâsi 're sitébré za'ra mono da hã, ma tô we asõwab za'ra wa'aba ĩzaprõ.

Zenezi 45:7 ပူးပေါင်းရင်းမြစ်များ

Zenezi 45:5

Ãne nherẽ, aiwi robzei'õ za'ra wa'aba tõ. Duré asimi'manharĩ za'ra wa'aba zém na hã asi'ruiwapari za'ra wa'aba tõ, dama asiwi ĩwede aba na, we ãwa da te dasiwi ĩzaprõni da hã. 'Re ihâimana u'âsi mono, ma tô we asõwab za'ra wa'aba ĩzaprõ, te da'anho'reptu da.

Zenezi 47:12

Tawamhã Zuzé, timama, tisisãnawã norĩ hã, duré tisisãnawã siwadi norĩ hã ma tô mram na te te 're upari za'ra, i'ra norĩ hâiba za'ratazéb zarina.

Zenezi 50:20

Sena na ma tô aré tô iwasété na ĩ'ãma asima irowa'õtõ za'ra wa'wa. Tane nherẽ, 'Re ihâimana u'âsi mono, ĩzada aihâimana wasété za'ra wa'aba hawimhã, ma tô iwẽ u ĩma ãma aiwi saprĩ za'ra wa'wa, ãhã na da'ahâ uptabi na te 're ida'anho'reptui mono zé ma ropibu ma.

Salmu 44:4

A hã Ĩnhib'apito, duré ĩte 'Re ihâimana u'âsi mono. A hã te asib'a'uwẽ norĩ ma da'ãma ai'utézé hã 're i'anhomri mo.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:35

— Ãhã wa, te oto apâ mo, Mozési hã Ezitu u, tisiré norĩ te te sõ'reptu za'ra da. Tane nherẽ, Izaraéu nhihudu norĩ hã ma tô aré siwi watawa, ãne: “E 'wa sadawa para we aimorĩ bâ, wanhib'apito da, duré wa'ãma 're arowairébé mono da.” Tane nherẽ, 'Re ihâimana u'âsi mono hã ma tô apâ itẽme satõrĩ za'ra, Mozési hã. Tawamhã hâiwa ãma 'Re ihâimana u'âsi mono ma romhuri'wa hã, wedezapore ro'o wa'wa sô isãmra hã ma tô Mozési hã pawapto, Ezitu hawi te te danhimroi mono da apâ, danhipti'ai u.

Zuize 15:18

Tawamhã Sãsãhã ma 'rubu uptabi di. Tahawa ma tô Uburé Danhib'apito ma mre ãne: — A hã ma tô ĩma isõ, te da'ãma i'ai'utézé iwẽ uptabi hã. E ãhã nherẽ, 'rubu te, ĩdâ'â da hã te za ĩrẽ, ã hã a'uwẽ isihâiwata nhihâri'õ norĩ nhib'rata duré ĩwaptã'ã da hã.