Zenezi 45:6 - ꞌRe Ihâimana Uꞌâsi Mono Zadawa Wasuꞌu

⁶ Maparane ma tô oto da'ãma tiwahu, ropâ mra da te 're isépata za'ra mono na hã. Zahadu 5 na te za duré da'ãma tiwahu, ti'a da te 're iwa'i za'ra mono ãna, duré da te 're iroptehâri za'ra mono ãna hã.

Zenezi 45:6 ပူးပေါင်းရင်းမြစ်များ

Zenezi 37:2

à hã Zacoho 'ra norĩ wasu'u. Tawamhã Zuzé 17 na ãma iwahub ãma ma tô timama mro norĩ zé're hawi ipoto za'ra norĩ siré tisisãnawã Biraha 'ra norĩ me, Ziupaha 'ra norĩ me, pone'ẽrebâ norĩ hã, duré pone'ẽrebâ zéré uzé norĩ hã te te 're a'madâ'â. Tawamhã isisãnawã norĩ, marĩ i'upa te te 're i'manharĩ za'ra mono zé hã, ma tô timama ma hã te te 're awasu'u.

Zenezi 41:35

Tawamhã oto wahu iwẽ we hâimana za'ra mono ré hã, te za tô aibâ norĩ amnho trigu hã te te ubumro za'ra, 'ri nho'õmo mono bâ amnho ubumrozéb 're, te te 'rã'õtõ mono da, asimiwada'uri zarina.

Zenezi 41:53

Tawamhã Ezitu ãma danho ahâ na 're romhâimana mono ré, ma tô oto 7 wahu hã ai'utõ.

Zenezi 41:54

Tawamhã Zuzé te te iwaihu'uzéb zarina, ma tô 7 wahub da hã oto tinhana'rata, mra da te 're isépata za'ra mono da hã. Ti'ai wa'õtõ nho'u ihâiba amo norĩ ãma hã ma tô mra hã da te 're sépata za'ra. Tane nherẽ, Ezitu ti'ai mono na daza'ru norĩ na hã te mra na dasima iwẽ na 're dahâimana za'ra.

Zenezi 41:56

Tawamhã ti'ai wa'õtõ nho'u Ezitu 're uburé daza'rui mono bâ mra da te oto 're sépata za'ra mono wamhã, ma tô Zuzé, uburé amnho ubumrozé 'ri hã dama 'ridawa za'ra, amnho wede na ezipsiu norĩ ma, te te ãma sãna'rata da hã.

Zenezi 47:18

Tawamhã wahu oto si'utõrĩ wamhã, ma tô wahub amo na apâ Zuzéhé u si'aba'réi wamhã, ãne tãma nharĩ za'ra: — Wanhib'apito, niha na romhâimanazé wa te aiwi udâ waihu'u za'ra õ di, ãne na hã. Wate rob'uiprazé hã ma tô wawi ai'utõrĩ za'ra. Duré tahawa uburé wanhimizama hã oto ate na te 're simasa. Taha zarina marĩ hã wa te aima isõmri za'ra da hã waihu'u õ di. Wahâiba za'ra si te wanhipti'ai me hã oto wama tihâimana za'ra, wa te aima isõmri za'ra da hã.

Zenezi 47:23

Tawamhã Zuzé, te ãne dama tinha: — Ma'ãpé asiwi ĩwapari aba! Ãhã na wa tô ti'a aiwi uipra za'ra wa'wa apito Fara'oho ma. Ãhãta te ãme romnhamare hã tihâimana za'ra, rom na ate buru aba mono na asiwi izuri aba mono da hã.

Ezodu 34:21

— 6 si bâtâ 'rep si te za asimiromhuri ré hã 're aihâimana za'ra wa'aba mo. Tane nherẽ, 7 bâtâ ãma 're romhuri za'ra wa'aba mono õ di za, da te 're iti'a hâipo'o mono zép te a'amo na nherẽ, duré da te 're iroptehâri mono zé a'amo na nherẽ.

1 Samuéu 8:12

Tawamhã te za awaibu za miu na danhib'ihâ'a da hã, duré 50 na danhib'ihâ'a da hã. Tawamhã te za duré awaibu, tite buru na te te 're iromhuri za'ra mono da hã, duré tãma 're 'rã za'ra mono wa, te te 're itehâri za'ra mono da hã. Duré umnhi'ãsi 'manharĩ na te te 're irob'ma'wamarĩ mono da hã te za duré awaibu.