Zenezi 45:5 - ꞌRe Ihâimana Uꞌâsi Mono Zadawa Wasuꞌu

⁵ Ãne nherẽ, aiwi robzei'õ za'ra wa'aba tõ. Duré asimi'manharĩ za'ra wa'aba zém na hã asi'ruiwapari za'ra wa'aba tõ, dama asiwi ĩwede aba na, we ãwa da te dasiwi ĩzaprõni da hã. 'Re ihâimana u'âsi mono, ma tô we asõwab za'ra wa'aba ĩzaprõ, te da'anho'reptu da.

Zenezi 45:5 ပူးပေါင်းရင်းမြစ်များ

Zenezi 37:28

Tawamhã Midiã hawi Ismaeu nhihudu norĩ rowede'wa iwa'waibaba za'ra te te ro'rahâri za'ra wamhã, ma tô Zuzé isisãnawã norĩ hã â zô ab're hawimhã oto siwi waze. Te te siwi wazere wi, ma tô Ismaeu nhihudu norĩ ma siwi wede, ẽtẽ waipo prã prata 20 na isapotore na. Tawamhã Ezitu u, te oto Zuzé hã siwi saprõ.

Zenezi 47:25

Tawamhã ma te ãma sada'âbâ za'ra ãne asa: — Apito, ma iwanho'reptu za'ra. Ma tô duré iwẽ na hã wama i'manharĩ za'ra. Tahawa wa za tô wapawa'âbâ ãna apito ma romhuri'wa na hã 're wahâimana za'ra.

Zenezi 50:19

Tane nherẽ, ma te Zuzé ãne ãma tãma wa'rãmi za'ra: — Aipahi za'ra wa'aba õ di za. E wa hã, 'Re ihâimana u'âsi mono upana ĩsisẽrẽ da bâ, te aima irob'manharĩ za'ra wa'aba da hã.

Zenezi 50:20

Sena na ma tô aré tô iwasété na ĩ'ãma asima irowa'õtõ za'ra wa'wa. Tane nherẽ, 'Re ihâimana u'âsi mono, ĩzada aihâimana wasété za'ra wa'aba hawimhã, ma tô iwẽ u ĩma ãma aiwi saprĩ za'ra wa'wa, ãhã na da'ahâ uptabi na te 're ida'anho'reptui mono zé ma ropibu ma.

Zenezi 50:21

Tahawa aipahi ãna 're aihâimana za'ra wa'aba mono. E marĩ wa. Wa hã wa za ai'ra norĩ me hã oto te 're ai'madâ'â za'ra wa'wa. Ãne ma tô timreme wazidi wẽ na, pẽ'ẽhiri za'ra.

Luca 23:34

Tawamhã Zezusi hã te Timama ma tinha, ãne: — Ĩmama, da'ãma 'madâ'â õ di za, da te ĩma i'manharĩ wasété za'ra zé hã. Da te dasiwi ĩwaihu'u ãna, ma tô ĩma 'manharĩ wasété za'ra ni. Tawamhã ẽtẽ zapotore i'ui'éré ré hã ma tô nasi sima sãmra, Zezusihi uzazéb zô. Taha zarina, ma tô sima ãma aipé.

2 Corĩtu 2:11

Aibâ hã tiwasédé te te 're i'manharĩ mono zém na hã, wa te oto ãma 're 'madâ'â za'ra mono tõ da, wa te wasima pisutu za'ra õ wamhã, Satanasi hã te za tizadawa nhipese zéb zarina, wama 're simiza'repese za'ra. Marĩ na te za te te wawi 're ro'wa'rutu u'âsi za'ra, wasiré isazei'wa norĩ wi, robzei ãna wasiré 're wahâimana za'ra mono da oto. Satanasihi hâimanazé hã wama waihu'u pese za'ra di. Tahawa, wa za tô wasima pisutu pese za'ra ni, iwasédé hã wa te oto ãma 're 'madâ'â za'ra mono tõ da, aibâ ãma hã.

2 Corĩtu 2:7

Tane nherẽ, a norĩ wa'wa hã iwasédé hã ãma 're 'madâ'â za'ra wa'aba mono õ di za oto. Tâibâ. Ma tô siwẽ'õ, tiwasété na hã. Apâ te za asiwi i'âri wẽ wa'wa, robze na asiré 're hâimana aba mono da oto apâ. Tiwi robzei'õ pese wa, 'Re ihâimana u'âsi mono te te rẽme tõ da, te za apâ asiwi i'âri wẽ wa'wa.

Filemo 1:15

Ta hã Onezimu hã ma tô aré airẽ. Ãté suru na asiti 're sãmra mono nherẽ, wẽ di. E marĩ wa, wẽ di. Atẽme wisi wapsi, ãté te za oto ai'rata 're sãmra u'âsi. Tahawa, ãté ãne hã aima wẽ di za tô.

1 Samuéu 1:19

Tawamhã awẽ bâtâ na ma tô Eucana norĩ hã ti'utu za'ra awẽ wi, duré ãma wata za'ra da, Uburé Danhib'apito ãma hã. Tawamhã ma tô apâ aihutu tinhorõwa Rama u hã. Eucana tame timro Ãnahã ãma ma tô oto ãma hâimana. Tahawa, Uburé Danhib'apito hã ma tô oto wapa, te te tiwi irowaptẽrẽzém na hã.