Zenezi 45:4 - ꞌRe Ihâimana Uꞌâsi Mono Zadawa Wasuꞌu

⁴ Tahawa Zuzé te tãma nharĩ za'ra ãne: — We 'râwi ĩtẽme asina rotété za'ra wa'aba. Ãne wa, oto 'râwi i'rata simasa wamhã, te oto ãne tãma siwasu'u za'ra: — Wa hã Zuzé, anoi wa'wa. Ezitu u, we da te dasiwi ĩzaprõni da, asiwi ĩwede 'wa, dama.

Zenezi 45:4 ပူးပေါင်းရင်းမြစ်များ

Zenezi 37:28

Tawamhã Midiã hawi Ismaeu nhihudu norĩ rowede'wa iwa'waibaba za'ra te te ro'rahâri za'ra wamhã, ma tô Zuzé isisãnawã norĩ hã â zô ab're hawimhã oto siwi waze. Te te siwi wazere wi, ma tô Ismaeu nhihudu norĩ ma siwi wede, ẽtẽ waipo prã prata 20 na isapotore na. Tawamhã Ezitu u, te oto Zuzé hã siwi saprõ.

Zenezi 50:18

Taha pari, isisãnawã norĩ si'uihâ na oto itẽme si'aba'réi wa, isõ're tãma siwẽ'ẽ za'ra wamhã, ma tô ãne tãma nharĩ za'ra: — Ãhãta wa wa norĩ asib'a'uwẽ, awa'awi na ãme wahâimana za'ra ni.

Mateu 14:27

Ãhã wamhã, awa'awi ma tô Zezusi hã tãma si'mahârâ za'ra, ãne: — Wa hã wa we atẽme ĩmorĩ za'ra wa'wa. Ĩma aipahi za'ra wa'aba õ di za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:9

Tawamhã Estewã hã ma tô duré tinhimirob'rãzarõtõ na tãma ãma uzusi za'ra, ãne: — Ta norĩ hã wahi'rata norĩ hã ma tô tino hã dama wede za'ra, Zuzé na isisi hã. Ihâimanazém na te te siwi 're 'ruiwapari za'ra mono wa, ma tô dama wede za'ra. Tahawa, i'uipra'wa norĩ hã ma tô siwi saprõ, Ezitu u, tame danhimiwada'uri zarina si te te dama 're romhuri mono da, pawa'âbâ ãna. Tane nherẽ, 'Re ihâimana u'âsi mono hã ma tô isiré 're hâimana u'âsi.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:5

Tawamhã Saulu hã te asa 'mahâ: — Apito, e 'wa hã, a hã. Asa te duré ãhã wamhã tãma tinha: — Wa hã Zezusi, wa ai'mahâ, ĩwi 're iro'wa'rutu u'âsi mono.