Zenezi 45:26 - ꞌRe Ihâimana Uꞌâsi Mono Zadawa Wasuꞌu

²⁶ Tawamhã te ãne tãma rowasu'u za'ra: — Zuzé hã te zahadu hâiba ré 're hâimana! Ta hã Ezitu ãma te dama i'rãnho'õmo na te te 're da'a'madâ'â. Tawamhã ãne na te te tãma wasu'u za'ra wamhã, ma tô aré Zaco hã simiza'rese'õ hai'utõ. Iwasu'u na te te duré ãma saze waihu'u za'ra õ di.

Zenezi 45:26 ပူးပေါင်းရင်းမြစ်များ

Zenezi 37:31

Tawamhã isisãnawã norĩ, pone'ẽrebâ zéré uzé si'aibâ ma tô siwi 'maiwĩ. Te te siwi 'maiwĩrĩ wamhã, taha wapru na ma tô Zuzéhé uzazé ihâ pa hã ãma siwi hâzapré.

Zenezi 37:35

Tawamhã uburé i'ra si'aibâ norĩ i'ra sipi'õ norĩ me, ma tô aré itẽme aihutu, te te sina pẽ'ẽtété za'ra da. Tane nherẽ, tisiwa'õ na te te ãma rosazâri da, te te sima wẽ õ wa, te ãne tãma nharĩ za'ra: — Ĩ'ra zô 're ĩsiwa'õi mono ré, te za ĩpẽ'ẽzé ré ĩ'ãma hã ti'a ni. Tawamhã ti'ra Zuzéhé zô 're isiwa'õ mono na hã ma tô, te te ãma uzusi u'âsi.

Zenezi 42:29

Tawamhã oto Cana'ã u sihutu wamhã, ma tô timama ma, uburé tãma iromhâimana za'ra zé hã tãma wasu'u za'ra, ãne:

Zenezi 42:36

Tahawa te imama Zaco hã ãne tãma nharĩ za'ra: — Ĩ'ra na te za asiwi ĩ'uba wa'wa. Zuzéhé ãna hã wa tô 're ĩhâimana. Ãhã na zama duré Simiã hã hâimana õ di. E niha te za duré ãne nherẽ, Bẽzami hã asiwi saprõni aba da, asima iwẽ za'ra wa'wa. E 'wa te za ãne wamhã robzépata. Wa hã, wa za tô duré robzépata.

Zenezi 42:38

Tawamhã imama Zaco ma te asa ãma sada'â ãne: — Ĩ'ra, ãma aime za'ra wa'aba hã morĩ õ di za. Zuzé idub'rada hã ma tô dârâ. Tahawa Bẽzamihĩ si te oto ĩ'ratamhã 're sãmra. Duré ai'aba'réi aba ré, marĩ sô watobro wamhã, te za ĩsi'ihi wa, ĩpẽ'ẽzé zarina tô oto ĩdâ'âzé hã ĩzô iwazere za'ra wa'wa.

Zenezi 44:28

Misi ma tô siparamhã ĩrẽ. Niwamhã ĩtõmo na te oto 'madâ'â na sitéb õ di. Ãté tô abaze zahi ma tô siwi tenhiwazu.

Zenezi 45:25

Ãne Ezitu hawi ma tô oto wairé. Tawamhã Cana'ã u oto sihutu wamhã, ma tô timama Zacoho nhorõwa u aihutu.

Zenezi 48:11

Tahawa, Zaco te ãne Zuzéhé ma tinha: — Wa hã wa tô aré te 're rosa'rata, niwa za te i'ai'madâ'â zahu õ na hã. Tane nherẽ, 'Re ihâimana u'âsi mono, ãhã na awa'awi na ma tô ĩma aihâiba nho, te ai'madâ'â zahu da hã. Duré ai'ra norĩ te 'madâ'â zahuré da zama ma tô ĩma hâiba nhomri zahuré.

Zona 2:7

Ĩdâ'âzéb u aré oto ĩhâimana wamhã, wa tô ai'ãma po'repuru, Uburé Danhib'apito ãma hã. Tawamhã ãma aima ĩmremezé hã ma tô ãma atẽme wi, 're i'aihâimana mono zéb u, 'ri hã iwazéb zahi iwẽ uptabi u hã.

Luca 24:11

Tane nherẽ, isimirowasu'u na te te saze za'ra õ di, taré newa.

Luca 24:34

— Tô sena, ma tô Wanhib'apito hã hâiwa'udu. Simahã ma, ma tô sihâi'ré.

Luca 24:41

Imreme te te wapari za'ra wamhã, te 're to za'ra, tipẽ'ẽ na. Tãma rowẽ uptabi za'ra di. Tane nherẽ, Zezusi hã hâiwa'utu õ newa, te te ãma saze za'ra õ di. Tahawa, mrab zô te sadanharĩ za'ra oto, Zezusi hã ãne: — E mra, te aima tihâimana za'ra wa'wa.