Zenezi 45:20 - ꞌRe Ihâimana Uꞌâsi Mono Zadawa Wasuꞌu

²⁰ Tinhimarĩ te te irẽme za'ra na hã hâtâ'â za'ra õ di za, Ezitu ti'ai 'remhã za marĩ iwẽ uptabi hã tãma 're hâimana za'ra mono dâ'âsina.

Zenezi 45:20 ပူးပေါင်းရင်းမြစ်များ

Zenezi 20:15

Taha pari, te duré tãma tinha ãne: — Abra'ã, ãhãta te ĩnhipti'a hã asõ'remhã tihâiba. Ma'ãpé asima iwẽzéb uwaibaba, nimame iwa 're aihâimana mono da, asima ro hã 'maipisutu.

Zenezi 45:18

Tawamhã te za aimama hã duré isiré ihawi a'uwẽ 're ihâimana za'ra mono norĩ hã we te te ĩtẽme siwi simro. Tawamhã wa za ti'ai wa'õtõ nho'u Ezitu ãma ti'a danhipai u iwẽ uptabi hã tãma sõmri za'ra. Tahawa, dasa iwẽ uptabi na hã te za ãma 're saihuri.

Zenezi 45:19

Asisãnawã norĩ ma, te za duré irob'ru, Ezitu hawi awaru po're pore na wedewara zapore te te simroi mono da, tirob u. Tawamhã timro hã, ti'ra norĩ hã, duré timama za'ra hã te za we taha na apâ ãma siwi te te simro.

Zenezi 45:21

Tawamhã ãne Zacoho 'ra norĩ hã ma tô siwi 'manha. Zuzé, apito te te tãma i'ruzéb zarina, ma tô ro'wapézém norĩ wedewara zapore hã, duré bâdâdi na ĩsazéb da zama hã tãma sõmri za'ra.

Zenezi 47:6

te za tô Ezitu ti'ai wa'õtõ nho'õmo 'remhã niha hã asima irowairébé za'ra wa'wa, asima iwẽ za'ra wa'aba zéb uwaibaba. Gosẽ ãma danhipai u ti'a iwẽ uptabi hã te za tãma isõmri za'ra, iwa 're hâimana za'ra mono da. Te za duré nima norĩ roptébré nhipese 'wa, aima iwaihu'u pese norĩ hã asimirosa'rata na bâ ipisutu za'ra, ĩnhimizama 'madâ'â'wa norĩ da hã.

Esdra 9:12

Ta norĩ hã ma tô duré te te wama 're nharĩ za'ra, niwamhã õ norĩ a'uwẽ na hã ãma 're wamro za'ra mono tõ da. Ma tô duré wama te te 're nharĩ za'ra, õ norĩ hã niwamhã tãma 're irowẽ za'ra mono zéb da, duré sibro pese na 're hâimana za'ra mono da hã, wa te 're pawapto za'ra mono tõ da. Tawapsi wa za, u, ãhã ti'ai 're rob'rã norĩ hã wa te 're huri, wasima iwẽ na. Tawapsi wa za duré, u, wanhihudu norĩ ma, wasi'uirĩ na ãhã ti'a hã wa te tãma 're sõmri za'ra, ãma 're sipti'a za'ra mono da hã.

Mateu 24:17

Ni'wam norĩ hã 'ri nhisi hâpâ ãma si'ubumroi wamhã, tinhibrob zô sisisi õ di za a'â, 'ri para u hã. Õne haré te za dame sisa're, ẽtẽ 'rãihâ u, ta norĩ hã.

Luca 17:31

Apâ we morĩ õ ré, ãté te za ni'wam norĩ hã ai'ubumro, 'ri nhisi hâpâ na. Tawamhã apâ we morĩ wamhã, tinhibrob zô hã te te si'ra waihu'u za'ra õ di za. Awa'awi te za tinhorõwa hawi ai'aba'ré, tinhibrob zô sisisi ãna. Duré tiburu hawi, apâ 'ri tẽme si'aba'réi õ di za. Õne haré te za duré ta norĩ hã õ hawim haré ẽtẽ 'rãihâ u dame sisa're.

Zozué 7:11

Izaraéu nhihudu norĩ hã ma tô tiwasété za'ra. Te te sima 're tété za'ra mono da, ĩnhimiroti te i'manharĩzé hã ma tô siwi tirẽ. Te te siwi prub da, te tãma i'ru za'ra 'remhã ma tô marĩ hã tãma tihâimana za'ra. Ã hã ma tô ta norĩ hã simi'uri za'ra. Ma tô sadawa hapese za'ra. Tinhimarĩ wazari ma tô sa'ra za'ra.

1 Samuéu 10:22

Tahawa, te Samuéu Uburé Danhib'apito hã duré sadanha ãne: — E zahadu duré daré hã. Tawamhã 'Re ihâimana u'âsi mono ma ãma sada'â ãne: — Ĩhe, zahadu daré hã. Ma aima'u dawi, danhimarĩ wazari.

1 Samuéu 25:13

Tawamhã ma tô Dawi hã tãma nharĩ za'ra ãne: — Ma'ãpé ai'usisi na sib'ézé 'wapa asima séme aba! Tawamhã ãne te te tãma 'ru za'ra wa, ma tô imreme zarina sima sé. Dawihi zama ma tô tite sib'ézé 'wapa hã ti'â. Taha pari, ma tô oto watobro, tite aibâ norĩ 400 na ihâiba za'ra ré hã. Taha ré, ma tô 200 na ihâiba za'ra, asi ré hã isa'u za'ra a'â tihâimana za'ra.

1 Samuéu 30:24

Ni'wa hã te te ãma asaze za'ra wa'aba dai õ di, iwaihu'u za'ra wa'aba zém na hã. Tahawa, wa za uburé wasima ãma wasipé za'ra, aiwapsi da. Tawamhã ni'wam norĩ daza'u danhimarĩ 'rata isi'ubumro norĩ hã te za duré aiwa ãma sima aipé za'ra, dasi'wapéi u isi'aba'ré norĩ me hã.