Zenezi 45:2 - ꞌRe Ihâimana Uꞌâsi Mono Zadawa Wasuꞌu

² Tawamhã wawa 'rãihâ na ma tô aiwa'õ. Duré ezipsiu norĩ hã ma tô wawai wapari za'ra. Tawamhã apito nhimiromhurizé 'ri u hã ma tô rowasu'u wẽ hã wi.

Zenezi 45:2 ပူးပေါင်းရင်းမြစ်များ

Zenezi 42:24

Tawamhã Zuzé ãne na imreme te te wapari za'ra wa, ma tô oto ihawib za'ra hã watobro. Tahawa, ma tô aiwa'õ. Siwa'õi pari, duré apâ itẽme wisi za'ra wamhã, ma tô tidub'rata norĩ nho'a Simiã, da te dasiwi pawasisi da hã dama ti'ru.

Zenezi 43:30

Tawamhã tino te te 'madâ'â wa, pẽ'ẽ toi uptabi di, Zuzé hã. Tahawa wara sina ma tô watobro, tiza'warizéb u sébré da, tamep si a'â siwa'õ da. Tame te oto tô tawamhã aiwa'õ.

Zenezi 45:14

Tawamhã Zuzé, tinhosi Bẽzami tinho'utu ma tô ti'â. Te te âri wamhã, ma tô ãma aiwa'õ. Duré Bẽzami hã tidub'rada asa tinho'utu te te âri sina, ma tô ãma aiwa'õ.

Zenezi 45:15

Tawamhã Zuzé zahadu siwa'õi ré, te nasi tinho'utumhã tisisãnawã norĩ hã awaibu wawa sina. Te duré nasi hâiba mono bâ tob'rata hârâ na azawi. Taha pari ma tô oto idub'rata norĩ hã tino norĩ me sima robzanhamri za'ra.

Zenezi 46:29

Tawamhã Zuzéhé ma, awaru na wedewara zapore, da te tãma awasisi parimhã, ma tô oto Gosẽ u hã wara, timama te te sõpẽtẽ da. Ãhã wa, timama titõmo na te te oto 'madâ'â wamhã, ma tô sa'ẽtẽ itẽme wara, te te sawi da. Tahawa, tinho'utu te te âri sina, ma tô ãma aiwa'õi hâ.

Zezusihi zadawa wasuꞌuꞌwa norĩ nhimiromhuri na robꞌuiꞌéré 20:37

Mreme zusi pari, wawa sina ma tô Paulu hã nasi tinho'utu awaibu, te te sawi za'ra da, ãma pẽ'ẽzé za'ra wa. Ma tô duré nasi tob'rata hârâ za'ra.

Ruti 1:9

Wa ai'ãma rosa'rata 'wa, Uburé Danhib'apito aibâ hã te te aima sõmri aba da, aimro té wa'aba da apâ, aihâiba si'uiwa na wa'aba, duré asiré 're aihâimana za'ra wa'aba mono da. Tawamhã Noẽmi ma tô tisani'aba norĩ, sisa'u tob'rata hârâ na irẽme ma sawi zahuré, tãma pâ zahuré da oto. Tane nherẽ, ma tô tiwawa zahuré, wawa 'rãihâ na.