Zenezi 45:19 - ꞌRe Ihâimana Uꞌâsi Mono Zadawa Wasuꞌu

¹⁹ Asisãnawã norĩ ma, te za duré irob'ru, Ezitu hawi awaru po're pore na wedewara zapore te te simroi mono da, tirob u. Tawamhã timro hã, ti'ra norĩ hã, duré timama za'ra hã te za we taha na apâ ãma siwi te te simro.

Zenezi 45:19 ပူးပေါင်းရင်းမြစ်များ

Zenezi 45:20

Tinhimarĩ te te irẽme za'ra na hã hâtâ'â za'ra õ di za, Ezitu ti'ai 'remhã za marĩ iwẽ uptabi hã tãma 're hâimana za'ra mono dâ'âsina.

Zenezi 45:21

Tawamhã ãne Zacoho 'ra norĩ hã ma tô siwi 'manha. Zuzé, apito te te tãma i'ruzéb zarina, ma tô ro'wapézém norĩ wedewara zapore hã, duré bâdâdi na ĩsazéb da zama hã tãma sõmri za'ra.

Zenezi 45:27

Tane nherẽ, Zuzé uburé tisisãnawã norĩ ma, te te tãma iwaihu'u za'ra zé te te tãma wasu'u za'ra wamhã, duré ro'wapézé wedewara zapore norĩ, apâ Ezitu u te te ãma isimroi mono da, Zuzé te te sô isatõrĩ za'ra zé, te te 'madâ'â za'ra wamhã, ma tô Zaco hã apâ ãma pẽ'ẽhaptete.

Zenezi 46:5

Tawamhã Zaco, ma tô Beseba hawimhã oto mo. Wedewara zapore Ezitu te, apito te te sô isatõrĩ na, ma tô i'ra norĩ Zaco hã siwi saprõ. Duré timro norĩ hã, duré ti'ra norĩ isurure hã ma tô te te ãma siwi simro.